1 Samuel 28

1 Matamsida Philistishingna Israelgi mathakta laandanaba laanmi khomjinba hou-rammi. Achisna Davidta haayrammi, “nahaakka loynanaa nahaakki mishingsu laansida yaaogadabani."

2 Davidna Achista haayram-e, "sanaa yaathangdu leibaak tahanjaroi. Nanaaina ngasi kari touba ngam-e haaybadu sanaa mityeng tabiyu." maramsina Achis-hna Davidta haayrammi, "phare, nahaaksi eigi sagonnaba phamnaaiba amaa oinaa ngasidagi haaplabani."

Shaulna laaibao taanaba hotnaba

3 Matamsidadi Samuel nongakhre maramsina Israelgi mishingna mahaakpu kouraduna tengthaarammi, makhoyna mahaakpu Ramahda phumbikhi. Saulna matamsida maaiba maibi loina Israel thaadoktuna chatkhinaba yaathang amaa tourammi.

4 Philistishingna Sunemda laanban shaaduna leirammi, Saulna Israelgi mishingbu amatta oinaa punsillaga Gilboada laanban shaaduna leirammi.

5 Saulna Philistishinggi laanmishingdu ubada yaamna kirammi,

6 Saulna Eeshorgi maphamdagi laaibao hangjaruba matamda Eeshorna thoidokpa laaibao amatta pibikhide. Mang mangba mishing, urim amadi waa taakthokpa shinggi maphamdagisu laaibao amatta taaba phangkhide.

7 Matamsida Saulna manaaishingda haayrammi, "laaibao haayba ngamba kanaagumbi nupi amaa thirak-u. Adugumba nupidugi machindagi laaibao kharadi taaba taay.

Manaishingna khumlammi, "laaibao phaaoba ngambi nupi amaa Endorda lei."

8 Saulna phijet onduna shaak lotlaga nupaa aniga loynanaa ahingda nupidugi manaakta chatlammi. Mahaakna nupiduda haayrammi, "nahaakki leijaba shakti puthoktuna laaibao amatangdi phaobidaba yaade. Eina ming amaa haayjage aduga mahaakpu koubiyu,"

9 Nupiduna maangonda haayrammi, "nahaakna khanglibaduni ningthou Saulna laaibao haayba ngamba nupaa nupi pumnamak Israel thaadoktuna chathallibaduni. Adu oirabadi eigi epunsidi kemduna maangnanaba haayduna nahaakna maphamsida laaklibara?"

10 Saulna maangonda Eeshorgi ming panduna wasa klammi. Mahaakna haayrammi, "sinaidaba Eeshorduna saakhi oisanu haayriba thabaksigidamak nahaakki nathakta thoidokpa awaaba amatta taahalloi."

11 Nupiduna hanglammi, "nahaakna paamba midu kanaano?" Mahaakna haayrammi, "eina paamba midu Samuelni."

12 Nupaaduna Samuelbu ubaa matamda khongjen waangna laaoraklammi. Aduga nupiduna Saulda, "nahaakna eingonda minamliba karigino? nahaak Saulni."

13 Ningthou Saulna maangonda haayrammi, "kiganu. Nahaakna uribadu karino."

 Mahaakna haayrammi, “‘maalemkhadagi laai amaa kakhatlaklibasi eina ure."

14 Saulna nupiduda haayrammi, "mahaakki mashaktu kari malli yeng-u." maduda nupiduna haayrammi, “mahaak ahal yaamna oire. Phi achonba amaa shetli." Saulna Samuelni haayba khanglammi, maramsina mamaay leida lukladuna khurumjarammi.

15 Samuelna Saulda haayrammi, nahaakna eibu kouriba karigino?"

 Saulna haayrammi, "eihak awaabada taare. Philistishingna eigi ethakta laandanaba thou-rang touri. Masigisu mathakta Eeshorna eibu thaadokpire. Ebungngo mahaakna nanaaigi hangjariba waashingdu mang nattraga waa taakthokpa shinggi mapaandagi taaba phangba leitre. Maramsina nanaaina ebungngobu koukhatcharibani. Nanaaina houjik kari tougani haaybadu taakpiyu."

16 Samuelna haayrammi, " Eeshor phaaobana nahaakpu yengthiduna mamaay leiraba matamsida nahaakna kari tousige haayduna eingonda hangli.

17 Eeshorna touribasi Ebungngona tougani haayna eina leiringeida haaykhibadu thoklabani. Ebungngona haaykhi: ebungngo mahaakna nahaakki nakhuttagi leibaaksi louthoklaga Davidta pirabani.

18 Eeshorna haayba yaathangdu nahaakna enkhide aduga Amalekshingbu nahaakna tumna manghankhidaba maramna ngasidi Ebungngona nahaakki nathakta awaabasi taahallaribani.

19 Asidagisu hendokna Eeshorna nahaakka loynanaa Israel pumbasu Philistishinggi makhutta pithokkadou-ribani. Hayengdi nahaakka loynanaa nahaakki nachaashingdu eigi enaakta laaklagani. Eeshorna Israelgi laanmishingsu Philistishinggi makhutta pithokkani.

20 Maasi taabada Saul leimaayda shaangna haithakhi. Samuelgi waasi taabada mahaak kibana leiba yaramde. Mahaak upai leiramde maramsina ahing nungthin animakta thoidokpa chathakpa touramde.

21 Saul kibana mapaa leitre haaybasi urabada nupiduna Saulgi manaakta laaklaga haayrammi, "yeng-u, nanaai nupina Ebungngona haaykhiba waadu enkhi.

22 Ebungngogi damak chaak chara amatangdi nanaaina thouraang toujage. Maasi charaga ebungngogi sonthariba paanggaldu khara kankhatlakkani aduga Ebungngona chatkhiba matamdasu masina upai kharadi oigani.

23 Saulna nupiduna haayjabadu yaramde amasung haayrammi, "eihak thoido-kpa waaroi." Adum oinamak manaaishing amadi nupiduna yaamna haayjarammi. Makhoyna haayjamanbadagi mahaak mameithangda yaakhi maramsina phamungda phamduna leirammi. 

24 Nupidugi mayumda masha yaamna noiba sannaao amaa leirammi. Sannaodu haatlaga yaamnachingba noiduna mayaai kadaba tal houkhi.

25 Nupiduna shem shaaba loiraba matamda Saulgi mamaangda thamkhi. Saul amadi manaaishingna madu chaakhi. Chaaba loiraga ahingduda chatkhi.