Lamentations 4
Jerusalem tuba matungda
4 Eikhoigi arangba sana ngamnamak machu maksinkhre, ningnashanggi nungsingdu lambelda taduna leire.
2 Zion-gi nahasingdu sanagi matougumna mamal yamlammi. Adubu houjikti makhoido leibakna saba chaphugumle.
3 Keisal phaoba machasingdubu phajana yokpa ngammi, adubu eigi mishingdi usaigi matougumna machasingda thina toui.
4 Makhoina machasingdu chara helhanduna thammi, machasingna mapham khudingda chattuna chinjak thirabasu kanana pibide.
5 Matam amada ahaobada charamba mishingdu chara henduna lambelda siduna tari. Akeamouda leirambasingdusu phattahouthi marakta machinjak thiri.
6 Mapu Ibungogi khutta maithiba phangkhraba Sodomda leiramba mishingdagi henna eigi mishingna awaba tari.
7 Eikhoigi ningthoumachasingdu lamchat naiba, amadi un-gumna senglammi. Makhoi mapanggal mathouna amadi Masa phaba oirammi.
8 Houjikti masak phaoba khangbidana lambida taduna leire, makhoigi mamaidu asibagi matougumna musuk mure. Makhoigi unsadu akangba ugi matougumle, saruda naptuna leire.
9 Landa sikhibasingduna matungda sibadagi henna pharammi, makhoidi hingnanabagidamak chanaba machinjak phaoba leiramde.
10 Eigi mishingda takhiba amangatadu yengbada akibagi masak oirammi. Machabu luna touba mamashingna phaoba chinjak oina machasingbu thongduna charammi.
11 Lainingthouna asaobagi ngamkhei leihankhide, Zionda mei houhanduna malem thungna chakhanbikhi
12 Taibangsida leiriba, miramgi. Ningthousingna phaoba Jerusalemgi thonggaldu namthektuna changba ngamgani haibasi thajaramde.
13 Adubu hairibasi thokkhi maramdi mahakki maichousing amadi purohitsingna maran leijadaba mi kayabu sihankhi.
14 Mamit tanglaba mishinggumna mahakki mishingna lambida koina chattuna leirammi, makhoigi masadu eena pumngang nganglammi kananasu sokninglamde.
15 "Mishingna hairammi, "chatkhro, nakhoi nasa sengdre, eingonda sokkanu. "Makhoina leibak amadagi leibak amada koina chatkhi adubu makhoibu kananasu taramna oikpiramde.
16 Lainingthouna makhoibu hanna yengdre, makhoibu Ibungo masamakna chaikhaibani. Purohit amadi luchingbasingbu Ibungona thousabide.
17 Iteng pangbiranaba haijabadu matam sangkhre adubu kananasu tengbangnaba lakkhide. Eikhoina mireipaktagi tengbangnaba haiduna ngaiduna leikhi adubu tengbangdi lakkhide.
18 Yeknabana eikhoibu sennaduna leirammi. Maramsina lambel chatpa phaoba luna tho klammi. Eikhoigi aroibadu lakle, eikhoigi numit sure.
19 Nongmadondagi yamna thuna paitharakpa achouba uchekkumna makhoina eikhoibu talle. Makhoina eikhoibu chingda tannei. Lamhangda khanghoudana eikhoibu phangkhi.
20 Lainingthouna khandokkhraba eikhoigi punsigi maru oiriba ningthoudu makhoina phakhre. Adugumba ningthouduna lan houbasingdagi ngakpigani haina eikhoina khanduna leikhi.
21 Edom amadi Uzziahgi mishing, nungngairo, nakhoigi mangtakpa matamdu lakle matamduda nakhoisu ikaibana namai phiruk khumgani.
22 Zionna maranaigi matik okpa dandi phangkhre, Lainingthouna eikhoibu loida matam khuding thambadi touroi. Edom, Lainingthouna nahakpusu maran pigani aduga dandisu pigani.