Deuteronomy 3
Israelgi misingna ningthou Ogpu maaythiba piba
(Sing 21:31-35)
3 Masigi matungda eikhoyna Basanlomda chatlammi. Basan-gi ningthou Ogna eikhoygi ethakta laan tounanaba thoklakkhi. mahaakki laanmi singna Edroida laan soknakhi. 2 Matamduda Eesor-na eingonda haaybirammi, "mahaakpu kiganu. maramdi mahaakka loynanana mahaakki laanmising, mising amadi leibaaktu nahaakki nakhutta pirabani. Hesbonda leiriba Amorisinggi ningthou Sihonda nakhoyna toukhibagumna Ogtasu tougadagani. 3 asumna eikhoygi mapu ebungngo Eesor-na Basan-gi ningthou Og amadi mahaakki misingdu eikhoygi ekhutta taahanbikhi. eikhoyna makhoygini haayna eremkhak amaa phaaoba thamkhide. 4 eikhoyna makhoydagi lousinkhidaba sahar amaa phaaoba leikhide. Argob kouba Basan-gi ningthou Ogki lamda leiba sahar 60 lousinkhi. 5 Haayriba saharsingsi chekpan khajillaba thonggal amadi pouron lonba saharsingni. Masigi mathakta chekpan khajindaba sahar kayaa amasu yaokhi. 6 Hesbongi ningthou Sihon-gi leibaakta leiba sahar, nupaa amadi nupi adugaa angaang-singbu eikhoyna tumna manghanbikhibagumna eikhoyna makhoybusu tumna manghanbikhi. 7 Sasan amadi phanglakpa manaa mathumsingdu eikhoyna pudunalakkhi. 8 asumna eikhoyna Jordan waangmada taariba Amorisinggi ningthou anigi makhuttagi Arongi tampaaktagina Hermon ching phaaobadu lousinkhi. 9 (Sidonsingna Hermonbu Sirion adugaa Amorisingna Senir kourammi.) 10 Leitem mannaba lamda saharsing, Giled amadi Basan, Salekah amadi Edroi amadi Basan-gi ningthou Ogki saharsingdu eikhoyna lousinkhi. 11 (Matamduda Basan-gi ningthou Og khakta Rephaimgi eremkhak oinaa leihoubani. Mahaakna tumnaba phamungdu yotna saabani. maadu houjik phaaoba Amonisinggi Rabbahda ubaa phangli. miyaamna chatnariba lamjeigi matung ennaa feet 12.5 mapaan sanglammi. feet 6 paklammi.)
Jordan-gi nongpokta taaba mising
(Sing 32:1-42)
12 eikhoyna haayriba lamsi lousinba matamduda Aroerdagina Arnon-gi tampaaktagi pangthap thaptana Gileadki chingleibaakta leiriba saharsingdu Ruben-gi dhaara amadi gadki dhaaraada pikhi. 13 Lemhouba gileadki lam, Ogna pallamba basan pumbaa Argob haaynasu khangnabadu Manassehgi dhaara tangkhay amada pikhi. Basan haayribasi Rephaim haaynasu kounei. 14 Manassehgi salaaida pokpaa Jair kouba nupaaduna Basan-gi lam Argob thungna lousinkhi. Mahaakna lousinkhiba lamdu Gesurising amadi Maakatisinggi lamdu youkhi. Khunggangsingdu Havvoth Jair haayduna ngasi phaaoba leiribasini.) 15 Makirda eina Gilead pikhi. 16 Ruben amadi Gadki misingda eina Geleadki lam Arnon-gi tampaaktagina houraga Ammorisinggi ngamkhei Jabbok youba phaaoba pikhi. 17 makhoyna Arabah, amadi Jordanna koiriba lam Kinnerethgi Arabahgi epaak leiriba phaaoduna Pisgahgi nongpokta leiba thumgi epaak leiribadu yourammi.
18 Matamduda eina nakhoyda haaykhi, "nakhoygi napuroi Eesor-na leibaaksi chaakthung oinaa pirabani. nakhoygi misingna nachin nanaao oinaa leiriba Israelgi misinggi mamaangda laan changgadabani. 19 adubu nakhoygi nupi, saa-san amadi nachaasingdu (Eina nakhoygi masing laakngamdaba saa-san lei haayba khangkhi) Eina nakhoyda pikhiba saharduda leihou-gadabani. 20 nakhoyda toubibagumna Eesor-na nachin nanaao-singsibu engna mara tapna palhanbidriba phaaoba,nakhoygi napuroi Eesor-na Jordan-gi waangmada piriba lamsi phangdriba phaaoba,nakhoyna Israelgi misingbu tengbanglaga Eina nakhoyda pikhiba lamduda handuna mara tapna pangadabani." 21 Matamduda eina Joshuada yaathang amaa pirammi. "Namitmakna napuroi Eesor-na ningthou anisida toukhibadu ure. asumna Eesor-na nakhoyna chatkadouriba leibaak khudingda toubigani. 22 nakhoyna makhoybu kiroidoubani. maramdi nakhoygi napuroi Eesor-na nakhoygi damak laan soknabigani.
Moses Cannanda changhandaba
23 Matamduda eina Eesor-dagi thoujan nijarammi. Eina haayjarammi, 24 "He Eesor, ebungngona nanaaida ebungngo-gi natik nayaaidu amadi napaanggaldu utpiba hourakpada mangairi. Nongmadon amadi maalemsida leiriba karamba laaina ebungngo nahaakna toubikhiba thabaksingdu touba ngamgadage? 25 nanaaina haayjari khandoklaba leibaaktu youna nanaaibu pubiyu. Jordan-gi waangmada leiriba chinggi lamdam amadi Leban phaaoba nanaaibu pubiyu." Eesor-na nakhoygi natoudu ubada eibu saokhi. maramsina eina haayjabadu ebungngona tabikhide. Eesor-na asumna eingonda taakpikhi, "waphamsi eingonda amuk haanna haayraganu. masina nahaak penba oiro." 27 Pisgahgi chingdonda kakhattuna kha-awaang nongpoknongchup koyna yeng-u. maasi namit thitna yeng-u maramdi nahaak Jordan-gi waangmada chatlaroidoubani. 28 Joshuada thoudang pumnamak sinnaro. Mahaakpu mapaanggal happiraga misinggi makok oihallu. Nahaakna ugadouriba lamdu mahaakki liching makhaada miyaamsigi chaakthung oigadouribani. 29 asumna eikhoyna Tepeorgi tampaaktugi mayokta leiriba maphamduda potthaaduna leikhi.