Psalm 119
Ishor-gi puya
119 Aranba thabak toudabasinggi punsidu nungngaibani, Ishor-gi puyadu injabasingdusu yaiphabani.
2 Ibungogi yathang injabasingdu nungngaibani, thawai hakchang animak Ibungogi oijabasingdu yaiphabani.
3 Makhoidi aranba thabak toude, Ishor-gi lambelduda chatchabatana makhoigi saruk oi.
4 He Ishor, Ibungona nanai eikhoida lambeldu takpire, lambeldu kaidana chatnanaba Ibungona utpire.
5 Ibungogi lousinggi meiradugi tung injaba ngamnaba nanaina kayagi matik hotnajariba.
6 Karigumba Ibungogi yathangsingdu inna chatchaba ngamlabadi, ikaiba nanglaroi khangjei nanaina.
7 Ibungogi achumba wayeldu khanjabaga loinana, thamoi sengna Ibungobu thagatchage.
8 Ibungogi puyadu ngakna chatchage maramsina nanaibu thadokpiganu,
Ishor-gi puyadu inna chatpa
9 Naha oiriba nupa amana karamna sengna leiba ngamgadage? Ibungogi yathangdu karamna mahakna inba ngamgani?
10 Thamoi sengna nanaina Ibungobu khurumjaribani, Ibungogi yathangdu hiktoktanaba panggal pinabiyu.
11 Ibungogi naphamda nanaina langjadananaba, Thamoinungda Ibungogi puyadu chetna thagonjari.
12 He Ishor, Ibungogi natiktu nanaina sonjari, Ibungogi lambeldu nanaida takpiyu.
13 Ibungona pinabikhiba puyasingdu nanaina khongjel houna pangthokchagani.
14 Lan thum yamna leibabudi Ibungogi yathangdu injabaduna henna pamjei.
15 Ibungogi lousing meiradu nanaina tamjari, Ibungona takpi tambiba pumba nanaina changyengjei.
16 Ibungogi puyasingdugi mapanna nanai nungngaijei, Ibungogi yathangsingdu nanaina kaojaroi.
Ishor-gi puya paduna nungngaiba phangba
17 Ibungona takpikhibasingdu inba ngamjanaba nanai oiribabu nungsibiyu.
18 Ibungogi puyada iduna leiriba achumbadu masak khangjananaba nanaigi mit hangdokpiyu.
19 Malemsida nanaidi ngaihak punggoi amattagini, maramsina Ibungogi yathangdu nanaidagi lotpiganu.
20 Nanaigi thamoida khourangna ngaijari, matam leibada Ibungogi wayeldu khangjaningi.
21 Ibungona napan toubasingbu laknabi, Ibungogi yathang indabasingdu awapham tahanbi.
22 Makhoina ikaiba piba amadi cheibadugi nanaibu kanbiyu, nanaidi Ibungogi puya ngakna chatchariba amani.
23 Leibak ngakpasingna tinnaraga eigi mayokta lalong silli, adubu nanaidi Ibungona takpibadu injagani.
24 Ibungogi lousing meiraduna nanaibu nungngaihanbi, makhoina nanaigi lamjingni.
Ishor-gi puyadu innaba wasakpa
25 Maithiba phangladuna uphullakta taduna leiri nanaidi, Ibungona wasakpikhibadugi matung inna nanaibu sougatpiyu.
26 Nanaina toujakhiba pumba Ibungoda haidokchakhre. Aduga Ibungona nanaibu thoujanbikhrabani, maramsina Ibungogi lambidu nanaida takpiyu.
27 Ibungogi puyasingdu khangnanaba nanaibu tengbangbiyu, Ibungogi angakpana thallaba paotaktu nanaina loujagani.
28 Eihak awabada tare, Ibungona wasakpikhiba matung inna nanaibu tengbangbiro.
29 Aranba chatpadagi nanaibu kanbiyu, Ibungogi natik nayaidugi mapantana takpiyu puyadu nanaida.
30 Nanaidi haiba injagani, Ibungogi wayelduda nanaina yajadaba leijade.
31 He Ishor, Ibungogi lousing meiradu nanaina injei, nanaibu ikaiba nanghanbiganu.
32 Nanaina khourangna ngaijari Ibungogi yathangdu, maramdi masina nanaibu henna singhanbigani.
Lousing leinanaba haijaba
33 He Ishor, puyagi wahangdu nanaida takpiyu, matam leibada nanaina madubu injage.
34 Ibungogi puyadu nanaida takpiyu aduga nanaina madubu injage, nanaigi thamoi yaona chetna konsinjage.
35 Ibungogi yathangduda nanaibu chetna konsinbiyu, maramdi madudana nanaigi nungngaiba oigani.
36 Lan thum yamna phanghanbibagi mahutta Ibungogi puyaduda iribasingdu inba ngamhanbiyu.
37 Kannadaba potta thawai yaohanbiganu, Ibungona takpikhiba matung inna nanaibu thoujanbiyu.
38 Nanai oiriba eingonda sakpikhiba wasaktu ngakpiyu, Ibungona haiba khuding inna chatkhibasinggi maphamda toukhibagumna nanaibusu thoujanbiyu.
39 Nanaina kijariba ikaiba nangbadudagi ngakpiyu, Ibungogi wayeldu kayagi matik ngakliba.
40 Ibungogi yathangdu injage, Ibungodi achumbaduni maramsina nanaida anouba punsi ama pinabiyu.
Ishor-gi puyadubu thajaba
41 He Ishor, Ibungona kaya yamna nungsibi haibadu utpiyu, Ibungona sakpikhiba wasaktugi matung inna nanaibu ngakpiyu.
42 Nanaina Ibungogi wasingduda thajaba maramna nanaibu ikaiba piribasingduda paokhum pijaba ngamgani.
43 Matam leibada nanaibu achumba nganghanbiyu, maramdi nanaigi wakhan lichingdu Ibungogi wayelduda leiri.
44 Matam leibada nanaina Ibungogi puyadubu injagani,
45 Nanaina Mapung phaba ningtambadu phangjagani maramdi Ibungogi paotaksingdu nanaina inba ngamnaba hotnajei.
46 Ningthousinggi maphamda eina Ibungogi yathangdu phongdokkani, masida eihak ikaiduna hanba touroi
47 Nanaina Ibungogi yathangsingdu nungsijei maramsina yathangsingdu inbada kayagi matik nungngaijaba.
48 Ibungogi yathangdu luna khanjei amadi nungsijei, Ibungona takpibadu nanaina wakhan toujagani.
Ishor-gi puyada pukning lumba
49 Nanai oiriba eingonda Ibungogi wasaktu kaobiganu, maduna nanai hingjaribani.
50 Ibungogi wasaktu ningsingjaduna nanaina awaba taraba matamda phaoba nungngaiba ngamkhi.
51 Napan toubasingna eibu cheiri, adubu nanaidi Ibungogi puyadu thadokchadabani.
52 Ibungona mamangngeida toukhiba wayeldu nanaina ningsingjari, he Ishor, madutanasu nanaigi nungngaiba oijari.
53 Phattabasingna Ibungogi puyadu indana leibasi uraga nanaigi thamoida asaobana meiri oina chakli.
54 Nanaigi tellaba malemgi punsisida ijari Ibungogi yathanggi isheidu.
55 He Ishor, ahingda nanaina Ibungobu ningsingjei, matamduda Ibungogi puyagi maramdasu wakhan toujei.
56 Ibungogi yathang injabatana nanaigi apenba haibadu oijari.
Ishor-gi puyaduda thawai yaoba
57 He Ishor, nanaigi haibabu Ibungotani, nanaina Ibungogi puyadu injage wasakchakhrabani.
58 Ibungona wasakpikhiba matung inna thawai hakchang animak yaona thoujanbiyu hanggatchari.
59 Nanaigi lamchat chang touduna yengjare, Ibungogi lousing meiradu injage lepchare.
60 Thinthaba toudana nanaina Ibungogi yathangdu injage.
61 Phattabasingna eihak thunanaba lang ama thakli, adubu nanaina Ibungogi puyadu kaojaba leite.
62 Ahing nongyaida hougattuna Ibungogi achumba wayeldu thagatchei.
63 Nanaidi Ibungobu khurumjaba amadi Ibungogi puyadubu injabasinggi marupni.
64 He Ishor, malemsida yengluba khudingda Ibungogi lengdraba nungsibadugi khudamngakta ujaba phangi, maramsina Ibungogi yathangsingdu nanaida takpiyu.
Ishor-gi puyaduna athoibani
65 He Ishor, Ibungogi wasaktu ngakna chapiri, nanai oijariba eigi iphamda Ibungona thoujan utpiri.
66 Nanaida pukning lousing pinabiyu, maramdi Ibungogi yathangdu nanai thajei.
67 Nanaina aranba touba matamda Ibungona cheirak pibikhi, adubu houjikti nanaina Ibungogi wasingdu injare.
68 Ibungodi kayagi matik thoujan leiriba, takpiyu nanaida Ibungogi yathangsingdu.
69 Napan touba mishingna nanaigi matangda lanna sandokli, adubu thawai hakchang amatta oina Ibungogi lousing meiridu ngaijari.
70 Hairiba mishingsidi marousing leitabasingni, adubu Ibungogi puyadugi mapanna nanaigi nungngaibani.
71 Nanaibu cheirak pibibadu nanaigidamak aphaba amani maramdi maduna Ibungogi yathangsingdu tamnaba machak ama oi.
72 Taibangsida leiriba lupasangba mayamsidagi Ibungona nanaida pibikhiba puyasina mamal yamba helli.
Ishor-gi puyada leiriba achumba
73 Ibungona nanaibu sembikhibata nattana nanaibu ngakpiri, nanaina Ibungogi puyadu tamnaba lousing pinabiyu.
74 Ibungo buikaikhumnabasingduna nanaibu uba matamda haraojagani. Maramdi nanaina Ibungogi wasaktuda thajei.
75 He Ishor, nanaina Ibungogi wayeldu achumbani haiba khangjei, Ibungodi haikhibadu ngakna chatpa maramna nanaibu cheirak pibiribani.
76 Nanai oijariba eingonda wasakpikhibadugi matung inna, Ibungogi lengdraba nungsibaduna nanaibu haraohanbiyu.
77 Nanaibu thoujanbiyu adu oirabadi nanai siraroi, thoujanbiyu maramdi Ibungogi puyaduna nanaigi haraobagi pankheini.
78 Lanna iran pisinbagi maramna napan toubasingdu ikaiba nangsanu, nanaigidi Ibungogi lousing meiraduna aroibani.
79 Ibungobu ikaikhumnaba utlibasingdu nanaigi nakta lakhanbiyu. Ibungogi yathangsingdu nanaida lakhanbiyu.
80 Ibungogi yathangsingdu akaiba yaodana nanaibu hanba ngamhanbiyu. Maithiba yaba thoudoktagi nanaibu kanbiyu.
Kanbinaba haijaba
81 He Ishor, nanaibu kanbinaba ngaijabada isasi patthare, Ibungogi waheiduda nanaina thajari.
82 Ibungona wasakpikhibadu ngaiduna leijabada imitsi chokthare. nanaina haijari, "Ibungona nanaibu keidoungei tengbangbigani?"
83 Nanaidi hundoklaba yu kharunggumle. Adubu nanaina Ibungogi yathangsingdu kaojade.
84 Matam kaya kuina nanaina Ibungobu ngaijakhigani? Nanaibu awaphamda tahallibasingdu karamba matamda dandi pigani?
85 Ibungogi yathang indaba napan toubasingduna nanaibu awabada langthagadoubagi kom touduna ngairi.
86 Ibungogi yathangsingdu soiba naide, mishingna minamba wa haiduna nanaibu awabada tahanbire maramsina nanaibu tengbangbiyu.
87 Nanaibu sinanaba thourang touribadu loisinlakle. Adubu nanaina Ibungogi yathangsingdu hiktokpa leite.
88 Ibungogi lengdaba nungsibadugi mapanna nanaibu thoujanbiyu adu oirabadi nanaina Ibungogi puyadu inba ngamjagani.
Ishor-gi puyada thajaba
89 He Ishor, Ibungogi waheisingdu lomba naide. Waheisingdu koirouthakta mangdana leiri.
90 Ibungogi lengdaba nagundu numit thoklibamakhei hongba leite, Ibungona malemsi mapham chana thambire aduga masi lengba leite.
91 Ibungogi yathang matung inna malemsida pot khuding mangba leite, pumnamaksi ibunggi nanai ngaktani.
92 Ibungogi puyadu yengjaduna nanaina ipunsisi lenba natlamdrabadi, awaba meisa khangbaduna laina oiduna nongaramgadabani.
93 Ibungogi lousing meiridu nanaina thadokcharoi maramdi makhoigi mapanna nanaigi punsisi sagatlibani.
94 Nanaidi Ibungogini maramsina nanaibu kanbiyu. Nanaina Ibungogi yathangsingdu injanaba hotnajari.
95 Phattabasingna nanaibu hatnanaba ngaiduna leiri, adubu Ibungogi puyaduna nanaigi aroibani.
96 Pot khuding aroiba nai haiba nanaina khangjei. Adubu Ibungogi yathangdi aroiba leite.
Ishor-gi puyadu nungsiba
97 Ibungogi puyadu nanaina kayada nungsijaba, matam leibada nanaina masitabu ningjaduna lei.
98 Matam leibada Ibungogi yathangdu nanaiga loinari, eigi yeknabasingdagi eina henna singhanbi.
99 Eibu tambi takpiriba ojasingdagisu eina singba helli maramdi nanaidi Ibungogi lousing meiriduna lamjingbi.
100 Ahan oirabasingdagisu eina singba helli, maramdi eina Ibungogi yathangdu illi.
101 Nanaina Ibungogi waheisingdu injaningba maramna phattaba lamchat sajat pumba thadokchakhre.
102 Ibungogi lousing meiridu nanaina thadokchade maramdi Ibungo nasamakna nanaigi ojani.
103 Ibungogi lousing meiridu kayagi matik magun leiriba,
Masidi khoihidagisu henna thum-i.
104 Ibungogi puyadagi nanaigi lousing meiri phangi, maramsina phattaba lamchat pumba thadokchare.
Eshorgi puyadagi lakpa mangal
105 Ibungogi waheisingdu nanaibu lamjingbinaba mangalni, nanaigi punsi lambida masina meiri oiri.
106 Nanaina sakchakhiba wasaktu ngakna chatchagani, masina Ibungogi achumba lousing meiridu inba ngamgani.
107 He Ishor, nanaigi awabasidi tharuduna kari tougani, Ibungona wasakpikhiba adugi matung inna nanaibu ngakpiyu.
108 He Ishor, nanaina thagatcharibasi latnadana lousinbiyu, nanaida Ibungogi yathangsing takpiyu.
109 Nanai awaba khangjage lepchare, Ibungogi puyadu nanaina kaojade.
110 Phattabasingna nanaibu thunanaba lang thakli, adubu nanaidi Ibungogi yathangsingdu hiktokchadabani.
111 Ibungogi yathangsingdu nanaigi lengdraba lanni, nanaigi thamoigi haraophamsu masina oiri.
112 Nanaina aroiba sor hondriba phaoba Ibungogi puyadu injage haina lepchare.
Ishor-gi puyada thupchaba
113 Ibungobu khurumjadabasingdu nanaina tukkachei, adubu nanaidi Ibungogi puyadubu nungsijei.
114 Ibungona nanaibu takpiriba amadi senbiriba Mapuni, Ibungogi wasaktuda nanaigi asani.
115 Naran chaona leiraba mishing, thapna chatkhro, eidi ipuroigi yathangdudabu injage.
116 Ibungona wasakpikhiba matung inna nanaida panggal happiyu, nanaigi asadu manghanbiganu.
117 Nanaibu sougatpiyu adu oirabadi nanai soiba leiraroi, aduga matam leibada nanaina Ibungogi yathangtabu ngakchagani.
118 Ibungogi puyadu indabasingdubu Ibungona langsekpi, makhoina lonna semba pambeisingdu manghanbi.
119 Phattabasingdu Ibungona kannadabani loubi, maramsina nanaina Ibungogi lousing meiradu thadokchade.
120 Nanaidi Ibungobu kina chatchei Ibungogi wayeldu ningsinglubada nanai akibana mangoinei.
Ishor-gi puyadu inba
121 Nanaina achumba amadi aphabadu toujei, maramsina nanaibu yeknabasinggi khutta tahanbiganu.
122 Nanai oijariba eibu tengbanggani wasakpiyu. Tamthirabasingna nanaibu othanbiganu.
123 Ibungona kanbinaba lakkani yengjabada nanaigi imitsi chakthare. Ngaijabada wajare Ibungona kanbini wasakpikhibadu.
124 Ibungogi lengdraba nungsibadugi mapanna nanaibu thoujanbiyu. Ibungogi yathangsingdu takpiyu.
125 Eidi Ibungogi nanaini maramsina nanaida lousing happiyu, adu oirabadi nanaina Ibungona takpiba khuding khangba ngamgani.
126 He Ishor, mikap thokpa matam youre, maramdi mishingna Ibungogi yathangdu indre.
127 Sana, phudonglaba sanadagisu henna nanaina Ibungogi yathangsingdu nungsijei.
128 Maramsina Ibungogi lousing meiradu khanghanbiyu, aduga aranba lambidu thadokhanbiyu.
Ishor-gi puyadu inba
129 Ibungona takpibadu angakpani, nanaigi thamoida pumnamak thamjari.
130 Ibungogi paotaktu sandokna khannaruraga mangal pibi, apangbasingda masina lousing pibi.
131 Ibungogi yathangdutabu khangjaningbagi apambaduna nanaigi ichinsi kathoktuna sor phuina holli.
132 Ibungona nungsibasingda athotpa mityengna yengbibagumna nanaida mityeng tabiyu aduga thoujan utpiyu.
133 Ibungona wasakpikhibagumna, nanaibu ngakpiyu. Phattabana nanaibu laksinhanbiganu.
134 Nanaibu otlibasinggi khuttagi kanbiyu, adu oirabadi nanaina Ibungogi yathangdu injagani.
135 Ibungona nanaibu loinabiduna Ibungogi puyadu takpiyu.
136 Imitsidagi tarakpa pirangna turel oina chelli, maramdi mishingna Ibungogi puyadu inde.
Ishor-gi puyadi achumbani
137 He Ishor, Ibungodi achumbaduni, Ibungogi puyadusu achumbani,
138 Ibungona pinabikhiba wayel cherengdusu achumbani.
139 Eigi yeknabasingna Ibungogi yathangbu usittabasida nanai saobana mei houre.
140 Ibungogi wasaktu lengba naide, maramsina nanaina madutabu ningjei.
141 Nanaidi mashing chandraba apangba amani, adubu Ibungona takpikhibasingdudi nanaina kaojade.
142 Ibungogi achumbadu matam leibada lenglaroi, Ibungogi puyadusu soiba naide.
143 Nanaigi thamoisi khoirang khoisaore, adubu Ibungogi yathangduna nanaigi nungngaiba oijari.
144 Ibunggi lousing meiridu matam leibada achumbani, nanaida lousing happiyu adu oirabadi nanai siraroi.
Kanbinaba haijaba
145 Thawai hakchang animak amatta oina nanaina Ibungobu koujari, hey Eshor, paokhumbiyu aduga nanaina Ibungogi yathangdu injage.
146 Eina Ibungobu koujari, nanaibu kanbiyu aduga Ibungogi puyadu ngakna chatchage.
147 Numit thoktringeida nanaina Ibungobu koujari, Ibungogi wasaktuda nanaina thajei.
148 Ibungogi lousing meiradu khangjanaba hotnabada ahing tumjade.
149 He Ishor, Ibungogi nungsibadu lengde maramsina nanaina haijabadu tabiyu, nanaida thoujan utpiyu aduga nanaigi punsisi kanbiyu.
150 Tamthiraba eibu otlibasingdu yamna naksinlakle,
Makhoidi Ibungogi puyadu ngakna chattabani.
151 He Ishor, Ibungodi nanaigi nakta leiribani, Ibungogi yathangsingdu hongba naide.
152 Mamangngeidagi houna nanaina Ibungogi lousing meiradugi maramda tajare, Ibungona madubu matam leibada lengdanaba sembikhi.
Tengbangbinaba haijaba
153 Nanaina awaba taribasi yengbiyu aduga kanbiyu, nanaidi Ibungogi puyadu thadokchadabani.
154 Nanaigi waphamsi khanbiyu aduga nanaibu thadokpiyu, Ibungona wasakpikhibagumna nanaibu kanbiyu.
155 Phattabasingdu kanbiroi, maramdi makhoina Ibungogi puyadu inde.
156 Adubu hey Lainingthou, Ibungodi thoujan leibani, nanaida utpiyu thoujandu aduga kanbiyu.
157 Nanaidi yeknaba amadi ot-neibasingna koisillabani, adubu Ibungogi puyadudi kaidana chatchabani.
158 Huran lallong touribasingsida yengluba matamda nanaidi tukkachabana thalle. Maramdi makhoina Ibungogi yathangdu inde.
155 He Ishor, nanaina Ibungogi lousing meiradu kayada nungsijaba, Ibungogi nungsibadu keidoungeidasu hongde maramsina nanaibu kanbiyu.
160 Ibungogi puyagi athoibadudi achumbani Ibungogi achumba wayelsingdu hongba naide
161 Mapanggal leibasingna chumdana eibu laksilli, adubu eina Ibungogi puyadu ikai khumnajei
162 Ibungogi wasaktu yenglubada nanai kayada nungngaijaba, lan thum thengnaba kanagumbana haraobaduga pankhakni.
163 Minambasi eidi yajade, adubu nanaidi Ibungogi puyadu nungsijei.
164 Ibungogi achumba wayeldu ningsingduna nongmada taretlak Ibungobu thagatchari.
165 Ibungogi puyadubu luna toujabasingdu asoiangam leite, masibu thugaibinaba malemsida karisu leite.
166 He Ishor, Ibungona nanaibu kanbiranaba ngaijari, Ibungona haibadu nanaina pangthokchei.
167 Ibungona takpiba pumba nanaina injei, thamoi chumna takpibadu nungsijei.
168 Ibungogi takpiba amadi lousing meiradu nanaina injei, nanaina touba khuding Ibungona khangbidaba leite.
Tengbangbinaba haijaba
169 He Ishor, tengbangnaba haijaribasi tabiyu, Ibungona wasakpikhibadugi matung inna lousing pinabiyu
170 Nanaina haijaribasi tabiyu, Ibungogi wasak matung inna nanaibu kanbiyu.
171 Nanaina Ibungobu matam leibada thagatchagani, maramdi Ibungona puyadu tambire.
172 Ibungogi puyadu thaduna nanaina thagat ishei sakchagani, maramdi Ibungogi yathangdu achumbani.
173 Matam leibada nanaibu tengbangbiyu, maramdi nanaina Ibungogi yathangdu injei.
174 He Ishor, Ibungogi kanbibadu nanaina ngaijari, Ibungogi puyaduna nanaibu nungngaihanbi.
175 Nanaina Ibungobu thagatchanba ipunsi sanghanbiyu Ibungogi lousing meiraduna nanaibu tengbangbiyu.
176 Lambel mangkhraba yaogumna nanaina koina chatli, nanai oiriba eibu thibiyu, maramdi nanaina Ibungogi puyadu thadokchade.