Acts 19
Buptized toubiba John-gi sebokshing Ephesianda unaba
1 Amasung asum thoklare, Apolshingbu phangnare.
2 Aduga mahaakna makhoyda haay, nakhoyna thaajabada thawaay ashengbabu phanglabra? maduda makhoyna maangonda haay, phangde, thawaay ashengba lei haayba eikhoyna tasu tade.
3 Aduga mahaakna makhoynda haay, adu oirabadi, nakhoybu karida buptized toubibage? maduda makhoyna haay, John-gi buptized touba aduda.
4 Aduga Paulna haay, mahaakki tungda lengbirakpa ebungngobu, haaybadi Jesusbu thaajagadabani haayna Johnna mishingda haayduna, pukning hongbagi buptized toubire.
5 Amasung makhoyna asi taarabada, ebungngo Jesusgi mingda buptized loure.
6 Aduga Paulna makhoygi thakta makhut thambirabada, thawaay ashengbana makhoygi thakta laakle; amasung makhoyna atop atoppa lonna ngaangduna Eeshorgi waa takthoklak-e.
7 Aduga makhoy pumnamak adu nupaa taraanithoirom oirammi.
Paulna Ephesianda Tambiba
8 Amasung mahaakna loysangda changlaga, Eeshorgi leibaakki maramda waa yetnaduna amasung themduna thaa ahum phaaoba thouna phana tambirammi.
9 Touegumsung, makhoy kharana miyaamgi maangda lambi adugi maramda phattaba ngaangduna, nunggannaba amasung haayba endaba oirabada mahaakna makhoydagi thoklaklaga, sebokshingbu khaaidoklaaktuna, numit khudinggi Turannagi laairik-sangda waa yetnarammi.
10 Asi chahi ani phaaoba asumna thokle; maram aduna Asiada leiba pumnamak, Jewish-shingsu Greekshingsu Eeshorgi waapaao taare.
11 Amasung Eeshorna thoidokpa toungamdaba thabak Paulgi khutna touhallammi;
12 Asi phaaoba touhalli, mahaakki, hakchaangdagi khudei oirabasu, phi oirabasu, anaabashingda purakpada, makhoygi laaina adu kok-e, amasung phattaba thawaay shingna thokkhi.
13 Touegumsung pangkoi koiba Jewish-shing, mahei puba kharana, Paulna shaandokpa Jesus adubu shonduna nakhoybu yaathang piri, haayduna phattaba thawaay shingna changba mishinggi mathakta ebungngo Jesusgi ming shonba hourakle.
14 Aduga kanaagumba Jewishgi athoiba purohit Skiwagi machaanupa taretna asi tourammi.
15 Amasung phattaba thawaay aduna makhoyda khumlak-e, eina Jesus adubusu khang-e, Paul busu khang-e; adubu nakhoydi kanaano?
16 Aduga phattaba thawaay changba mi aduna makhoyda chongsillage, makhoybu khudum chanduna ngamle, aduna makhoyna yum adudagi maphi-maron yaaodana amasung khogai thingairaba phangduna chenkhre.
17 Amasung Ephesianda leiba Jewish-shing amasung Greekshing pumnamakna asi khanglakle; aduga makhoy pumnamakta akibaa pokle, amasung ebungngo Jesusgi ming chaaokhatlakle.
18 Thajaraba makhoygi maraktagi ayaambanasu laaktuna makhoy makhoygi thabak haaydokchaaduna phongdokcharammi.
19 Aduga angakpa mahei shijinnaba makhoy ayaambana makhoygi laairik khomlaaktuna mi pumnamakki mamaangda mei thaarammi; amasung makhoyna madugi mamal mashing thirabada, silver shekels 50,000 oirammi.
20 Asum touna Eeshorgi waapaao adu khutkan paanggalna chaaokhattuna kankhatlammi.
Paulgi khujil thouraang
21 Amasung thabakshing asi loiraba matungda, Paulna Macedonia amasung Akhai lallaklaga, Jerusalem taanna chatnaba mathawaayna ningladuna haay, eina maduda youruraga, Romesu ubaa taay.
22 Aduga mahaakpu thougan toubiba, Timothy Erastus, makhoy anibu Macedoniada thaakhiduna, mahaak mashadi matam kharagi damak Asiada leihoure.
Ephesianda waathokpa
23 Matam aduwaaida lambi adugi maramda yaamna maraang houre.
24 Maramdi Demetrius kouba kanaagumba sanaa shaaba amanaa Dianagi laisang mawong silverna shaaduna khutsa heibashingda thabak yaamna pirammi.
25 Mahaakna makhoybu amasung makhoyga mannaba thabak shubashingbu khomjinduna haay, he ebungngokhoi, thabak asigi mapaanna eikhoyna lan phang-e haayba nakhoyna khang-e.
26 Aduga khutna shaaba adu Eeshor natte haayduna Poi asina Ephesiantadasu nattana Asiagi ayaamba mapham maphamda ayaamba mishingbu themduna lamchat onthokhalle haayba nakhoyna ui amasung taay.
27 Amasung eikhoygi thabak asigi mingchat mangthaarakpa oigani haaybata natte, Asiaga taaibang paanba pumnamakkana ningliba achouba lairembi Dianagi laisangbusu kannadaba oihan-gani, amasung mahaakki matik mangaan adudagi hanthaba oihan-gani haaybagi khudong thiba lei.
28 Maduda makhoyna asi taarabada, meihouna shaaoraduna laaothoklak-e, Ephisashinggi Diana achoubini.
29 Aduga saahar adu chanei khaneinabana thalle; amasung langpheida Paulga loynaba Macedoniagi mi, Gaius amasung Aristarchusbu makhoyna phaaduna , pukning amata oinaa kummeisangda kanna chensille.
30 Aduga Paulna mishing adugi marakta changninglabada sebokshingna yadre.
31 Amasung mahaakki marupshing oiba Asiagi angamba shinggi marakta kanaa kanaagumbana maangonda thaaraktuna kummeisangda mashak uhandananaba haayjare.
32 Maram aduna kharana waa amaa, aduga kharana atoppa waa amaa laaorammi, maramdi miyaam tinba adu chanei khaneinarammi; aduga tillaba ayaambana kari maramgi tinabano khanglamde.
33 Amasung makhoyna Aleksandarbu miyaamgi maraktagi puthoklakle, maramdi Jewish-shingna mahaakpu manglomda enthoklakpani. Aduga Aleksandarna makhut khattuna ngaangthokchanaba waa mishingda haayba hotnarammi.
34 Touegumsung mahaak Jewishni haayba makhoyna khanglabada, pumnamakna pung anirom phaaoba,Ephesianshinggi Diana achoubini, haayna khonjen amata oinaa laaorak-e.
35 Maduda saahargi laairik shubana miyaam adubu tuminna leihanduna haay, he Ephesiangi nipasa, Ephesianshinggi saahardi Diana achoubigi amasung Zeusdagi taarakpa murttigi laisang ngaakpani haayba khangdaba mi kanaa leibage?
36 Maram aduna waashing asi yaadaba ngamdabanina nakhoyna engthana leiba amasung ephing phingna karisu toudaba taare.
37 Maramdi laisangdagi hurandaba amasung eikhoygi lairembibu usittaba toudaba nupaashing asibu nakhoyna purakle.
38 Maram aduna Demetrius amasung mahaakka loynaba khutsa heibashinggi waa kanaagumba migi mathakta leirabadi, waayenshang hangli, aduga leibaakki mapushingsu leiri; makhoyna amaga-amaga hunnajasanu.
39 Touiguinbasung nakhoyna atei atei waagi maramda karigumba thirabadi, waayel matung ennaa leibaak tinbada loigadabani.
40 Maramdi numit asigi maram leitba waathok asigi maramda hunnaba eikhoygi khudong thibani, amasung masigi marida eikhoyna pangtin tinnaba asigi maram piba ngamioi.
41 Aduga mahaakna asi haaydoklaga, miyaam tinba adu kaihankhre.