2 Samuel 20
Sebana lanhouba
20 Benjamin saageigi Bikri kouba nupaadugi machaa-nupaa apangba Seba kouba amaa leirammi. Mahaakna pere khongladuna haayrammi, " David karisu leitba mi amani, eikhoyna mahaakki tung engadoubagi maram leite. Israelgi mising maramsina eikhoy chatlasi." 2 asumna Israelgi misingna Davidpu thaadokkhi adugaa Sebaga loynanaa chatkhi. adubu Judah-gi mising Jordan-dagi Jerusalem phaaobada taribasingdu Davidki matung ellammi.
3 Jerusalemda Davidna thungba matamda konungda leihoubi atonbi taradu lousinbirammi adubu ningthouna makhoyga phidinnakhide. Lukhrabi sigumna makhoy kanagasu unahandana sangduna thamkhi. makhoyna chaanaba potsingdi ningthouna pirammi.
4 ningthouna Amasada haayrammi, "Judahda leiriba mi pumnamak numit humnigi manungda eigi ennakta tinnaba paao chellu. nahaak nasasu makhoyga tinnaba matamda yaogadoubani." 5 Amasaana Judah thungna paao chenba chatlammi. adubu ningthouna haaykhiba Matamdudagi thengna laakkhi. 6 Davidna Abisaida haayrammi, "Bikrigi machaa-nupaa Seba Absalom dagi henna sathiba nupaa oigadouri. eigi laanmisingsi puduna mahaakpu laksinba phei nattrabadi mahaakna chekpan khajillaba saharsingda changduna lotkhraga naanthok-khiba yaai." 7 maramsina Joabki mising, konungda thongakpasing, amadi atei laanmi singna Jerusalem thaadoktuna Abisaiga loynanaa Sebabu thiba chatkhi. 8 makhoyna unarammi. Matamsida Joab laangi phijet setladuna makhum paanba thang amaa makhwaangda yaansilladuna lepladuna leirammi. Amasaana changsinkhiba matamda thaangsaangdu makhumdagi satto klammi. 9 Joabna Amasada haayrammi" marup, nahaak ana ayek thoidokpa yaodedana? Joabna Amasagi makoidu makhut yetna pairaduna chupke haayduna chingsinlammi. 10 Amasaana Joabki makhutta pairiba thangdu yenglamde. adugaa Joabna Amasagi mabukta thangna thinjinduna makhoy marin loina thokkhi. ngaaihaaktanggi manungda Amasa sikhi. Anirak masaada thangna yaanningai leikhide.
Joab amadi manaai Abisaina Bikrigi machaa-nupaa sebabu tannakhi. 11 Joabki laanmi amanaa Amasagi asibaa masaadugi manaakta leplaga miyaamda haayrammi, "Joab amadi Davidki mi oibasingdu Joabki tung ellu." 12 miyaamna toyna chatpa laambelduda Amasa eena loukhong oinaa chelladuna tuduna leihouwi. Kanaagumba laambel chatpa misingna mahaakpu uraga leptuna yengnarammi. Achatpa misingna Amasagi asibaa masaadu yenglaga leptuna leire haaybasi khanglabada nupaaduna Amasagi asibaa masaadu laambelgi mataida leiriba loubukta puthok-khi. asibaa masaaduda phi amaa kupsinbirammi. 13 asibaa masaadu laambeldagi thaapna puthokkhraba matungda Bikrigi machaa-nupaa Sebabu thirunaba Joabki tung enkhi.
14 Sebana Israelgi Jaatsingna taariba maphamsingdu phaaoduna chatkhraga Bethmaakahda leiba Abelgi lamda laaklammi. Bikri saageisi mising loina mahaakki tung ellammi. 15 Joabka loynariba misingduna Bethmaakahda laaklaga maphamduda mahaakpu namduna pharammi. makhoyna sahardugi mayokta leipung amaa thollammi. makhoyna sahardugi chekpandu enthuge hotnarammi. 16 saharduda leibi yaamna singbi nupi amanaa chekpanduda leplaga makhoyda laoraklammi, "taro, taro, nakhoygi Joab haayba nupaadu maphamsida laknaba amukta haiyu. maaga waa amata ngangnage." 17 Joab maphamduda chatlammi amasung nupiduna maangonda asumna haayrammi, “nahaak Joab haaybadura?"
Mahaakna haayrammi, "mani Joab haaybadu eini." nupiduna haayrammi, "ebungngo, eina haayribasi taao." Mahaakna haayrammi, "nahaakna hainingbadu haairo."
18 nupiduna haayrammi, "thaayna mamaangeida misingna asumna haaynarammi: 'aroiba paaoukhum pamlabadi Abel nattraga danda chatlaga hangu." makhoyna ngasi touribasi thaainadagi haaynarakpa paaorouduni, 19 eikhoyna leiriba saharsi thoidokna engna leiba adugaa Israelgi manungda thoidokpa aakaaiba chattaba sahar amani. maasi thoidokna mi yaamna taaba achouba amasuni. maramsina nahaakna saharsibu thugaayge hotnaribasi karigino? Eesor-gi oinaa leiriba saharsi maangkhibadu nahaak paambra?"
20 Joabna haayrammi, "saharsibu thugaayge nattraga maanghange haayna touba natte. Ephraimgi chinggi lamdagi bikrigi machaa-nupaa seba koub nupaa amaa lei eikhoyna mahaaktabu tannaraklibani. Mahaakna ningthou Davidki mathakta lanhouge haayna thouraang touri. Karigumba mahaakpu pithoklabadi eihaak tuminna hankhige."
nupiduna haayrammi, "yeng-u, mahaakki makoktu kaktuna chekpan waangmada langthorakkani." 22 nupiduna misinggi manaakta changlammi adugaa saharduda leiriba misingduna Bikrigi machaa-nupaa sebagi makok kaktuna Joabta pinanaba phaklang waangma laanna hunkhi. Joabna pere khongladuna laanmi puduna sahardu thaadokkhi. Makhoy mayumda hankhi. Thoudoksigi matungda Joabna Jerusalemda ningthougi manaak taanna chatkhi.
Davidki phamnaaiba-sing
23 Joabna Israelgi laanmisinggi luchinglen oirammi. Jehoiadagi machaa-nupaa Benaiahna ningthougi thongakpasinggi makok oirammi. 24 Adoniramna namduna thabak subasinggi pannaba mi oirammi. Ahiludki machaa-nupaa Jehosaphatna laairik sennaba mi oirammi. 25 Sevana loisanggi che chaang thamba mi oirammi. Zadok amadi Abiatharna purohit oirammi. 26 Jairidagi laakpa era kouba nupaadubsu purohit oirammi.