Genesis 24

Isaacki mou haayba

24 houjikti Abraham chahi yaamlaba ahal amaa oirammi. Eesor-na Abrahamna touba khudingda kubikhi. 2 Abrahamna mahaakki emungda leiba Khwaaidagi luraba, emunggi bhari pumnamak puhalliba minaaidu kouraduna haayrammi, "eigi pheigan makhaada nakhuttu thammu. 3 Koirou maalem anigi mapu, Eesor-gi minglen panduna eina nahaakpu waasak-han-gani. Waasakkadouba waaphamdi asini eina leirakliba maphamsida taariba Cannan-gi misinggi maraktagi eigi echaa-nupaagidamak nupi louroidoubani. 4 touegumsung nahaakna eigi poknapham lamdamda chat-tuna eigi echaa-nupaa esaackidamak eigi eri etasingdagi nupi loubigadabani." 5 manaaiduna Abrahamda haayrammi, "karigumba nupiduna lamsi taanna eigi tung enduna lakningdrabadi, ebungngo-gi nachaa-nupaasibu ebungngo-gi eri etasing leiriba lamdu taanna puduna chatpa yagadra?" 6 Abrahamna minaaiduda haayrammi, "nahaakna eigi echaa-nupaasi maphamdu taanna pubadi touganu. 7 eigi epaagi yumdagi eibu puthokpirakpa, eigi poknapham lamdam thaadokhanbikhiba, eingonda waa haaybikhiba, amadi waasakpikhiba koirouthakta helliba Eesor, nahaakki chaaron-suronda lamsi pibigani haaybikhiduna nahaakki namaangda ebungngo mahaakki dut thaagani. Lamdudagi nahaakna eigi echaa-nupaagidamak nupi amaa lourakkadabani. 8 Asiphaobada karigumba nupiduna nahaakki tung enningdrabadi, eingonda nahaakna sakliba waasaksina nahaakpu pulloi. Nahaakna matamsida tougadouba nathoudi eigi echaa-nupaasi maphamduda amuk haanna pubadi yaaroi." 9 maasi haaynaba loirabada manaaiduna mabung-ngo  Abraham-gi pheigan makhaada makhut thamkhi adugaa waaphamsi panduna waasakhi.

10 Masigi matungda manaaiduna ebungngo-gi ut taraa puraduna akhannaba khudonpotsing mabung-ngodagi louraga Nahorgi sahar Mesopotamiada chatkhi. 11 Numidaang-waairamda nupi-singna eesing sokpa ngaaiduna mahaakna guha manaakta utsingdu sahargi mapaanda potthahallammi. 12 Mahaakna haayrammi, "he Eesor, eigi ebungngo-gi Eesor, khurumjari nanaaina, ngasi kouba nongsida nanaaibu mangol oihanbiyu. Lengba naaidraba ebungngo-gi nungsibadu eigi ebungngo Abrahamda utpiyu. 13 Yengbiyu, eesing eephut asigi manaakta leptuna nanaaina leijari amasung saharsida leiriba misinggi machaanupi-singna eesing sokpa lakli. 14 "Ei nahaakki chaphudagi eesing khara thakchage." haayba matamda hek tabaga "thak-u, adudasu nattana nahaakki utsingdubusu eina eesing pithakpigani." haaybirakkadouba nupidumak ebungngo nahaakna nanaai esaackidamak khandok-khraba mabemmadu oihanbiyu. Karigumba haayjaribasi toubiba taarabadi, lengba naaidraba nungsi thoujandu ebungngona eigi ebungngo-da utpire haaybasi khangjagani.

15 Mahaakna waaphamsi haayba loiphatringeida, yeng-u,  Abraham-gi manaao-nupa Nahorgi nupi Milkahgi machaa-nupaa Bethuelna pokpaa Rebekah marengbaanda chaphu thongladuna eesing sokpa laaklammi, 16 Yengbada nupidu kuchu paallammi, leisaabisu oirammi, mahaakna eesing khongda kumlaga eesing soklaga kakhatlammi. 17 Matamduda manaaiduna mahaakki manaakta chatlaga haayrammi, "nahaakki chaphududagi eesing khajiktang thakchage." 18 Mahaakna haayrammi, "ebungngo thakpiyu." Mahaakna yaamna thuna chaphudu thang thaaduna eesing pithaklammi. 19 nupiduna mahaakpu eesing pithakpa loiraba matamda haayrak-e, "utsingdu araamba koktriba phaaoba eina eesing sokpigani." 20 Mahaakna eesingdu khudengda Heidoklaga guhadagi eesing soknaba chatkhirammi. asumna mahaakna utsingdugi eesing sokpikhi. 21 nupaaduna laaklibadu Eesor-na mangaan oihalle nattraga oihande khangna-naba tuminna yengduna leirammi.

22 Utsingna eesing thakpa loirabada nupaaduna mamal yaamlaba sanaagi khudop amaaga sanaagi khuji aniga puthoraktuna, 23 haayrak-e, “nahaak kanaagi machaanupino haiyu. nakhoygi nayumda eihaak thungba yagadra?" 24 nupiduna nupaaduda haayrammi, " Milkahna Nahorda pokpaa Bethuelgi machaanupini." 25 Mahaakna maakha taana haayrak-e, "eikhoigi charuchanai yaamna maraang kaina lei. adugisu mathakta leinaba maphamsu lei." 26 nupaaduna maasi taabada makok nonthaaduna Eesor-bu khurumjarammi, 27 Mahaakna matomta haayjarammi, "eigi ebungngo-gi maphamda chetna channa nungsibadu lotpiba leitraba eigi ebungngo  Abraham-gi Eesor-bu thaagatnaba oisanu. Eigidamaktasu Eesor-na eigi ebungngo-gi marimatagi yumda pusinbire."

28 nupiduna chenkhraga mamaagi emung-manunggi misingda thokkhriba thoudok-singsi tamlammi. 29 Laban kouba Rebekahgi mabung amaa leirammi. Haayriba Labansina eiphuttagi manaakta leihouriba nupaadugi manaakta chenkhirammi. 30 Mahaakna machan-gi khudop amadi paambomda siriba khujidu ubaa amadi mahaakki machan Ribekahna " asumna nupaaduna eingonda haayrammi." haaybasi taabada mahaakna nupaaduga unaba chatlammi. Yeng-u, matamsida guha mapaanda utsingdugi manaakta nupaadu leptuna leirammi, 31 Mahaakna haayrammi, "lengsinbirak-u, he Eesor-na thoujanbiriba ebungngo, karigidamak mapaanda leptuna leiribano? ebungngona  thungbada nungaaina leibinaba yum semjare. Utsingdusu leihanjanaba mapham amasu semjare." 32 asumna nupaadu yum manungda changlammi adugaa Labanna utsingdudagi mapotsingdu louthakkhi. Ut singduna chaanaba charu amadi akangba napinachingba nupaaduda mahaakna pirammi, 33 Masigi matungda Labanna chaanaba chaaknachingba thidoklammi. adubu matamduda Abraham-gi manaaiduna haayrak-e, "eina pujarakliba paaosi tamjadriba makhei eihaak chaak chajaroi." maasi taabada Labanna haayrammi, "haiyu tasi."

34 maasi taabada Abraham-gi manaaiduna maakha tatharak-e, "eihak  Abraham-gi manaaini. 35 Eesor-na eigi ebungngobu mapaan naaidana kubire maramsina mahaak thoidokpa awaattapa leite. ebungngo mahaakna yaao amadi san-gi sanggu sanggol thanna pinabire. Sanaa, silver, minaai nupaa amadi nupi-sing, ut amadi lolanachingba mapaan naaidana pinabire. 36 adugaa eigi ebungngo-gi nupi Sarahna ahal matam oiraklabada machaa-nupaa amaa poklammi, adugumba machaa-nupaaduda mahaakki areiba pumnamak loina pinabire. 37 eigi ebungngona eibu asumna waasakhankhi maadudi "Eina leiriba Cannan-gi lamsidagi eigi echaa-nupaagidamak nupi louroidoubani. 38 maramsina nahaakna eigi epaagi lamdamda chat-tuna eigi saagei-naatei thiduna eigi echaa-nupaagi nupi amaa thiyu." 39 Matamduda eina eigi ebungngo-da haayrammi, "nupiduna eigi tung eellak-u haayba yaadaba yaai." 40 adubu ebungngona asumna taakpikhi," Eina mang thaaduna chatchakhiba Eesor-duna dut thaaraktuna nahaakka loynanaa chathanbigani adugaa nahaakna chatliba thabaktu mangaan oihanbigani. Nahaakna eigi saagei-naateidagi amadi epaagi lamdamdagi eigi echaa-nupaagidamak nupi amaa lougadabani. 41 Nahaakna eina haayribasi tourabadi ngasigi waasaksi kokpa oigani. adugaa nahaakna eigi misingda chatpa matamda karigumba nangonda makhoyna nupidu piraktaba thoklabadi eina waasakhankhibadu koklabani."

42 Ngasi kouba nongsida eephut leiriba maphamsida eina thungba matamda asumna khurumjarammi, "he Eesor, eigi ebungngo  Abraham-gi Eesor, ebungngo Nahaakna nanaaina lakchariba thabaksi mangaan oihanbige haayrabadi, 43 Yengbiyu, eihaak eephut manaakta leptuna leijari. eephutsida eesing sokpa lakpi leisaabi, "nahaakki chaphududagi eesing khajiktang thakchage." haayna eina haayjagadoubadu adugaa 44 'thak-u adugaa eina nahaakki utsingdubusu pithaaknaba eesing honbigani' haayna paaoukhumlakpa adugumba nupidumak eigi ebungngo-gi machaa-nupaagidamak Eesor-na khandokpikhraba nupidu oihanbiyu."

45 Eina pukningda maasi khanba loidringeida, yengbiyu, Rebekahna marengbaanda chaphu thongladuna laaklaga eephutta kumduna eesing sokkhi. Eina maangonda asumna haaykhi, "ising khajikta thakchage." 46 Mahaakna yaamna thunamarengbandagi chaphu thangtharaga asumna haayrak-e, "Thakpiyu adugaa utsingsisu eina eesing pithakpigani." asumna eina eesing thakkhi adugaa mahaakna utsingdusu eesing pithakpikhi. 47 Masigi matungda maangonda eina hangkhi, “nahaak kanaagi machano?" Mahaakna khumkhi, "Milkahna Nahorda pokkhiba Bethuelgi machaanupini." matou asumna eina mahaakki natonda nasika adugaa paambomda paambom phabi sibikhi. 48 Thoudoksi thoklaba matungda eina ekok nonjraduna Eesor-bu khurumjakhi. eigi ebungngo-gi saageigi misingda chumna chingbiduna mahaakki machaa-nupaagi nupi lounaba lamtakpa eigi ebungngo-gi Mapu ebungngo, Eesor-bu eina thaagatchakhi. 49 maramsina houjikti karigumga nakhoyna eigi ebungngobu tasengna ekaai-khumnabirabadi, tasengna haidokpiyu. Karigumba waaphamsi oiroidouba leirabasu tasengna haidokpiyu. adu oirabadi eina kari toujagadouba eseng sengna khangjaba ngamjagani."

50 Matamduda Laban amadi Bethuelna khumlammi, "waphamsi Eesor-dagi laakpa maramna eikhoyna phei nattraga phatte haaybasi haayjaba ngamroi. 51 Yengbiyu, Rebekah nahaakki

namangda leptuna leiri. Mahaakpu puduna chatkhro adugaa Eesor-na taakpikhiba matung ennaa mahaakki nabungo-ngogi machaa-nupaagi nupi oihallu." 52  Abraham-gi manaaiduna makhoygi waasingdu taabada maalemda maru lukthajaraduna Eesor-bu khurujakhi. 53 manaaiduna sanaa, silvergi likkon amadi phajaraba phinachingba puthoraktuna Rebekahda pikhi mahaakna Rebekahgi mabung amadi mamaadasu mamal yaamlaba leitenggi potsing pikhi. 54 mahaakka loynanaa leiramba misingduna chaamin-thakminnakhi. asumna makhoy ahingduma maphamduda lenkhi. makhoyna ayukta hougatlakpa matamda mahaakna haaykhi, " eigi ebungngo-gi manaakta eibu halhanbiro." 55 Nupidugi mabung amadi mamaduna haayrammi, "yaamdrabada numit taraanidangdi nupimachasi eikhoyga leijakhisanu. Haayriba matamsigi matungda chatchasanu." 56 adubu mahaakna makhoyda haayrammi, "Eesor-na eina lakcharibasida mangaan oihanbirabanina eibu thoidokna thengthahanbiba toubiraganu. eigi ebungngo-gi manaakta yaamna thuna youhanbiyu." 57 Masida makhoyna haayrammi, "adu oirabadi phaare nupimachadugi machin amattadi hangsi." 58 maramsina makhoyna Rebekahbu kouraga hangrak-e, “nahaak nupaasiga chatlagera.? maaduda Rebekahna khumkhi, "ei mahaakka loynanaa chatlage." 59 Matou asumna makhoyna Rebekah amadi mahaakki manaai nupidubu  Abraham-gi manaai amadi mahaakka loynarakpasingduga chatminnahankhi. 60 makhoyna Rebekahda bor piraduna haayrak-e, ebemma, nahaak lising lisinggi mamaa oijou. Nahaakki chaaron-suronduna makhoybu tukkachana toubasingdugi mathakta paanba oisanu." 61 Masigi matungda Rebekah amadi manaai nupidu ut tongduna nupaadugi matung ellammi, matou asumna minaaiduna Rebekahbu puraduna mayum maaykei paanglakkhi.

62 Matamduda esaac Lahairoidagi hallaaklammi. esaac mataangsida Negevta leirammi. 63 Numidaang-waairamda esaac chikna waakhan tourunaba loubukta chatlammi, mahaakna koyna yenglakpa matamda utki pareng laakpa urammi, 64 Rebekahnasu asum yengthok-khibada esaacpu ukhi. Mahaakna utki mathaktagi kumtharaduna Abraham-gi manaaiduda hanglak-e, "eikhoibu unage haayduna thaapna lakriba nupaasi kanaano?" manaaiduna haayrammi, "masi eigi ebungngoni." Rebekahna maasi taabada kokta phi kupsinjakhi. 66 minaaiduna esaacta thokkhriba thoudok-singdu lirammi. 67 esaacna Rebekahbu sangda pusinduna taram taram okkhi. Rebekah esaacki nupi oire. esaacna Rebekahbu yaamna nungsirammi. Matou asumna mamaa leitraba matungda engna tapna paanba houkhi.