1 Kings 7
Solomon-gi konung
7 Solomonna konung amasu saakhi. maasi saabada chahi tarahumdoi changlammi. 2-3 Lebanangi umanggi achouba sanglendu mayungda metre niphumari, marakta metre kunnithou adugaa metre tarahumdoi henna waanglammi. Deodar paambidagi semba ukhong pareng ahum yunglammi adugaa pareng amam-mam ukhong taramanga yunglammi. Haayriba ukhongsingsigi matonda khangel amam-mam pirammi. Silingdusu deodar paambigi upakna semlammi. Makhongna sougatuna leiriba pot chei thamnaba semkhiba kadu yourammi. 4 Phaklang anidugi nakan animakta thongnaao ahum ahum mathak makhaada phat-lammi. 5 Thongjao amadi thongnaaosingdu maraak mayung mannaba una challammi. Maron ahum suriba thongnaaosingdu amaaga atoppa pareng amaaga mamaay onsinnarammi.
6 Yumbirengi sang-sang kouba achouba yum amasu sarammi. Masigi asangba metre kunnithoi, apaakpa metre tarahumdoidagi khara hellammi. Ukhong pareng sangna yungduna mangol amaa enthoklammi. Masigi mamaangda phijang amaa khallammi.
7 Singhasangi asangba yum haayna khangnaba amasu Solomonna sarammi. Masida waayelsang oinasu Bichar tourammi. leimaaydagi siling youba phaaoba deodargi upakna khagatlammi.
8 Loisanggi maningda Solomonna leinanaba yumsing saakhi. Madusu haayribasigumna saakhibani. Egyptki ningthougi machaanupi Solomon-gi maharani oinaa lou-khibi adugisu asigumba yum amaa saakhi.
9 Haayriba yumsingsiga konnaba loisangdu yaamna ningthijana kaktuna semlaba nungsing sijinnaduna yumphamdagina ukhong yungbagi mareptu phaaoba saagatkhi. Haayriba nungsingsi nungphamda kaktuna semkhibani manung mapaan oigadouriba mamaisingdu khutlai thaaduna leitem maannana semkhi. 10 Yumpham saagatnaba semkhiba nungsingdu metre ahum makhaay sangba amadi paakpa yaorammi. Kharadi metre mari phaaoba sanglammi. 11 Hiriba nungjaaosingsigi mathakta chaang maannana kaklaba nungsing chankhatlaga deodargi khangelsing khilammi. 12 achouba loisang, ningna sanggi manunggi ka amadi ningna sanggi changphamgi kanachingbadu akoybada nungna maron ahum thaarammi adugaa maadugi mathakta deodargi khangelna maron amaa chatlammi.
Huramgi mathou
13 ningthou Solomonna mi thaaduna Tyredagi prithaigi thabak subaa Hurambu kouhankhi. 14 mahaakki leikhidraba mapadu Tyredagini amasung mahaaksu thoidok hendokna pithraaigi thabakta makhut masa yaamna heirammi. Huramgi mamadi Naphtali saageigi ningol oirammi. Huramsu mapagumna pithraai subaa yaamna heirammi. ningthou Solomonna mahaakpu thabakkidamak kourakpadu mahaakna haraao haraaona yaakhi.
Pithraaigi ukhong ani
(2 miron 3:15-17)
15 Huramna pithraaina yumbi ani saakhi. Yumbisingdugi asangba metre nipaan oirammi. adugaa chaaobana metre mangadagi hellammi. Haayriba-singsi ningna sanggi changphamda khinkhi. 16 Huramna pithraaina matok ani amasu sarammi. Masigi awaangba metre anidagi hellammi. adugaa maasi ukhong anidugi matonda haplammi.17 Haayriba matok anisi mari londuna yaanthalammi. 18 adugaa kaphoigi maong semduna pareng ani amasu koyna yaantharammi.
19 Matoksingdugi maongdi tharo man-lammi. Awaangbana metre anirom yougado-uba kharata waatlammi. 20 Mari londuna yaantharibadugi mathakta akoyba phambakkumba amagi mathakta haayribasi thamkhi matok amam-mamda kaphoigi maong semlaga marida yaantharibadu kaphoi 200 surammi.
21 Haayriba yumbi anisi Huramna ningna sanggi changphamda yungkhi, yumbi amanaa maakha thangba maaykeida yungkhi adugaa maasibu Jakin kourammi adugaa atoppa amanaa awaang thangba maaykeida yunglammi amasung mamingna Boaz thonkhi. 22 Tharo maanna semlaba pithraaigi matoksingdu ukhongsingdugi matonda thamkhi.
Matou asumna ukhong anigi matonda haapnaba semkhibadu loisinkhi.
Pithraaina saaba eesing haapnaba semba
(2 miron 4:2-5)
23 Huramna akoyba pithraaigi pukhri amaa sarammi. Aruba metre ani khara hellammi. Matai amadagai matai amagi arappa metre mari hellammi adugaa akoybadugi mamaidu onba matamda metre tarahumdoi hellammi. 24 Pukhrisigi akoyba mapaanduna khongdrumgi maong semduna pareng ani yaantharammi. 25 Pukhrisi sanlaba taraanithoigi mathakta thaanggattuna thamlammi. sanlaba ahum ahum khaaidoktuna maaykei marida olladuna lephanlammi. 26 Pukhrisigi arubadu inches 4 oirammi. Tharogi matougumna mapaanduna khara haidoklammi. Haayriba pukhrisi eesing liter 44,000 challammi.
Pithraaina saaba gari
27 Huramna pithraaina thaaoumei makho-ng marisu sarammi. Haayriba makhongsingsi metre amaaga enchi nipaan sanglammi. Maraksu asigumna paklammi. Metre amaaga enchi ahum waanglammi. 28 Haayribasi phambak semlaga makhokisingdu lephanlammi. 29 Makongda paalliba phambaksingduda sanlaba, nongsa amadi karubimgi maong yeklammi. Thaaoumei thamnaba phambaktugi mathak amadi makhaada yekliba nongsasingdugi marakta lei pareng yeklammi. 30 Haayriba makongsingsi pithraaina saaba kangkhong adugaa kangkhongsingdu punnanaba machei paallammi. Haayriba-singsigi kachin mariduda khut hamnaba paatra haplammi. Khut hamnaba patrasingdu thamliba macheisingdu lei parengna leitenglammi 31 Masigi machindu ekoy koirammi adugaa machinsida khutna haktuna semba leirong kayasu yaorammi. Garigi matondagi masigi awaangba inches 18 oirammi adugaa manungda inches 27 lurammi, 32 Kangkhongsingdu inches 27 waanglammi. Phambaalsingdugi makhaada kangkhongsingdu paallammi. Kangkhongda asangba machei amam-mam panduna amaga-amaga samhallammi. 33 Kangkhongsingdu dolaaigi kangkhonggumna paallammi. Kangkhongda paalliba machei, tarasing habnachingbadu pithraaina saabani.34 Makhong khudinggi kachinda ngaklou mari pirammi. Ngaklousingdu makhongsinga samnarammi. 35 Makhongdugi matonda thaaoumei thamnaba phambak inches 9 waangba amam-mam haplammi. Thaaoumei thamnabaduga phambaktuga samnarammi. 36 Makhong amadi phambaktu karubim, nongsa amadi thangtup paambinachingba yektuna leitenglammi. adugaa karigumba maraak hangba leirabadi lei parengnachingba yektuna mensinnaba hotnarammi. 37 Masigi manungda thaaoumei makhongsingdu saakhi. Haayriba-singsi aheiba ngaktani adugaa potchang mannarammi.
Ningna sanggi manungda thamkhiba potsinggi masing
(2 miron 4:11-5:1)
40-45 Huramna paatra kayaamarum, yotpak amadi eesing haapnaba khudengnachingba sarammi. Eesor-gi ningna sanglenda thamnanaba ningthou Solomonna pikhiba yaathang matung ennaa huramna sagadouba pumnamak mapung phaana saaba loikhi. Mahaakna saakhiba potsinggi masingdu makhaada piribasini:
Ukhong ani Matonda haapnaba tenggot ani Langgumna semlaba mariduda yaanthanaba kaphoi 400, lang khudingda yaanthanaba kaphoi pareng ani yumbigi matonda leiriba tenggottu kupnanaba, thaaoumei makhong tara, khudeng tara, pukhri, sanlaba taraanithoi, patrasing, yotpaksing, amadi laikhudengnachingba,
ningthou Solomon-gidamak Huramna saakhiba potsingsi mathou sanglaba pithraaina saakhibani 46 Jordan-gi tampaak, Sukkoth amadi Zarethanggi marakta leiba konlik heipham aduda saakhibasingni. 47 Yaamna samanakhibana Solomonna haayriba potsingsi khal onlamde. kayaa lummi haaybasi khangkhide.
48 Solomonna ningna sanglenda thamnaba sanaana pot kayaa amasu sahankhi. Mahaakna sanaana phaankhong amaa saakhi adugaa Eesor-gi khuyaakhaada luk katchanabagidamak sanaana phan amasu saakhi. 49 asengba sanaana thaaoumei makhong taraa saakhi. maasi makharomda mangaa adugaa awaangda mangaa thamkhi. Khwaaidagi sengthoiraba maphamda leiriba thaaoumei, lei, chegapnachingba pumnamak sanaana saaba ngaktani. 50 Tenggot, mei muthatnaba kachi, khudeng, dhup thanaba tenggot macha, amadi ningna sanggi Khwaaidagi sengthoiraba maphamduda leiriba thonggi poron phaaoba sanaana sarammi.Ningna sanggi miyaam phamnaba maphamduda paalliba thongdusu sanaana sarammi.
51 ningthou Solomonna Eesor-gi ningna sanglenda tougadouba thabak pumnamak asoy angaam yaaodana loisinkhi. Solomonna mapaa Davidna katlamba pot, sanaa, silver, patrasing, loynaba pot peinanaba saakhiba maphamduda thamkhi. maasi Eesor ningna sanglenda leiriba pukeidudani.