Deuteronomy 11
Eeshorgi matik mayaai
1 "Nakhoygi napuroi Eeshorbu nungshijou amasung matam leibada ebungngo mahaakki yaathangdu kaidana chatchou.
2 Eeshorgi maramda ebungngoga leimin-nabaagi maramdagi phangliba pukning loushingdugi mapaanna phangliba naroushingdu kaaothokkanu. Nakhoyna Eeshorgi matik mayaai, mapaanggal amadi mathouna amasung
3 Ebungngona toukhiba angakpa thabakshingdu ukhre. Egyptki ningthou amadi mahaakki prajashingda toukhibashingdusu ukhre.
4 Egyptki laanmishinggi shagol amadi dollainachingbashingdu angaangba samudrada nakhoybu tannarakpada Eeshorna taohankhiba nakhoyna namitmakna ure.
5 Leikangla oiraba lamdamdu youdringeida Eeshorna toukhibashingdu nakhoyna ukhre.
6 Reubengi shaageigi Eliabki machaanupa Dathan amadi Abiramgi maphamda Eeshorna toubikhibashingdu nakhoyna ukhre. Miyaamgi mamaangda makhoy masha, emung manung, makhoygi sang, makhoygi minaai amadi shaa-san loina leironnungda changkhibadu ukhre. 7 Eeshorna toukhiba asigumba achouba thabak ubaa haaybadu nakhoysidani.
Pigani haaybikhiba lamdugi maramda piba bor
8 "Ngasi eina nakhoyda piriba waayel-shingsi ennaa chatlu. Maasi tourabatada nakhoyna tureldu laanduna yougadouraba leibaaktuda changba ngamgani.
9 Eeshorna nakhoygi napaa napu amadi chaaron-shuronda pibigani taakpikhiba awaat-apa leitraba amadi leihao leiraba leibaaktuda matam kuina leiba ngamgani.
10 Nakhoyna mamaangda leiramba Egypt kouba lamduga houjik nakhoygi oigadouriba lamsiga mannade. Maphamdudi maru hunba matamda nakhoy yaamna kanna loubukta thabak nomba taarammi.
11 Adubu nakhoyna houjik changgadouriba lamsidi ching amadi tampaak oiba eeshing maraang kaina leiba lamni.
12 Haayriba lamsi Eeshorna chahi chuppa shennabigani.
13 "Adunadi eina nakhoyda ngasi piriba yaathangsi en-gadabani, nakhoygi napuroi Eeshorbu nungshijou aduga nathamoi shengna ebungngo mahaakki seba toujou.
14 Nakhoyna yaathangdu ennaa chat-labadi, basanta amadi retugi matamda mahei marong, angur mahi, amadi chorphongi thaonachingba matik okna phangnanaba nong darkar oiba matamda ebungngo mahaakna pibigani.
15 Ebungngo mahaakna nakhoygi shaa-sanna chaananaba shajiksu matik chaana pibigani. Nakhoygi chaangdaba yaadaba chinjaak matik chaana leigani.
16 Eeshorbu thado-ktuna atoppa laaishingbu khurumjadanaba nakhoy khusellu.
17 Karigumba nakhoyna asumna touba taarabadi, Eeshorna nakhoygi nathakta shaaogani. Ebungngo mahaakna nong tahandaduna nakhoygi loubuktu leikangla oihanduna manaa-mashing houba ngamloi. Ebungngo mahaakna pibikhiba lamdu leihao leiba amaa oidunasu maphamduda nakhoy shiba taay.
18 "Yaathangshingsi ningshingu aduga matam leibada makhoyshingsitabu khou-rangjou. Napambomda amadi naraibakta kisinduna kaodanaba toujou.
19 Nakhoygi nachaashingdusu masimak taakpiyu. Nakhoyna yumda leiba matamda, langpheida leibada, potthaaba matamda, amadi thabak shubaa matamda masigi maramda waari shaanou.
20 Nakhoygi thongjinda amadi thonggalda eduna thetlu.
21 Adu oirabadi nakhoygi napuroi Eeshorna napaa napushingda pibigani haayduna waashakkhiba lamduda nakhoy amadi nachaashingna punsi nungshaangna paanba ngamgani. Maalemsigi mathakta koirou leiribamakhei nakhoy lengdana maphamduda leigani.
22 "Eina nakhoyda pikhraba yaathangshingdu nakhoyna kaidana chatkadabani: nakhoygi napuroi Eeshorbu nungshijou, ebungngo mahaakna piba yaathang pumbaa ennaa chatchou aduga ebungngo mahaaktabu hongba naaidana ningjou.
23 Adu oirabadi ebungngo mahaakna atei Jaatshingbu nakhoyna asum changsillakpagi matung ennaa taanthokpikhigani. Nakhoydagi henna mapaanggal kanba aduga mashing yaamba Jaatshingdu taanthokkhiduna makhoygi lamdu nakhoygi oihougani.
24 Nakhoyna khongdaruba lamshingdu nakhoygi shoydana oigani. Nakhoygi leibaaksi kharomda leikangla leiriba, awaanglomda Lebangi chingshaang leiriba, Nongpoklomda Euphrate turenda aduga maninglomda Mediterranean samudra leiribadu yougani.
25 Nakhoyna lamduda changba matamda nakhoygi napuroi Eeshorna waashakpikhiba matung ennaa mishingna nakhoybu kinagani aduga kanaanasu thingba ngamloi.
26 "Ngasi kouba nongsida eina nakhoyda bor nattraga siraap anigi manungda karambana paambage haaybasi khalhn-gani
27 Karigumba nakhoygi napuroi Eeshorgi yaathang enba taarabadi ngasi numitsimaktada bor amaa pigani.
28 Karigumba nakhoyna yaathangshingsi endrabadi aduga nakhoyna amukta khurumdriba laaishing khurumlabadi siraap tougadouribani.
29 Eeshorna nakhoyda pigani haaybikhiba lamduda changba matamda nakhoyna Gerizim kouba chingdudagi houraga bor phangle haayna laaoduna chatkani aduga Ebal kouba chingdagi siraap phangle haaygani.
30 (Haayriba ching anisi Jordan lampakta taariba Canaanshinggi lam manungda leiriba Jordan turelgi maninglomda leibaduni. Gilgalgi manaakta leiba Morehda houriba ashengba upaandugi maninglomda leiribaduni.)
31 Nakhoy houjik Jordan turenda laanthoktuna nakhoygi napuroi Eeshorna nakhoyda pibigani haaybikhiba maphamdu yougado-ure. Nakhoyna haayriba lamsi loushinduna khundaraba matamda,
32 Ngasi eina nakhoyda piriba yaathangshingsi amatta kaidana chatnanaba cheksillu.