2 Kings 19
ningthouna Isaiahgi paaoutaak thijaba
(Isaiah 37:1-7)
1 Ningthou Hezekiahna makhoyna tamlariba paaodu taabada maphi shegaaiduna engumna lallaba phi amanaa mashaadu kupsinduna Eeshorgi ningnashangda changjarammi.
2 Konung pannariba Eliakim, laairik pansilliba Sebna, amadi ahan oiraba Purohit nachingba kharabu engumba phi sethaallaga Amozgi machaanupa Isaiahgi manaakta chat-hallammi.
3 Makhoyna Isaiahda haayrammi, "ningthou Hezekiahna asumna haayjarak-e: ngasisi awaaba, mina thina ngaangba amadi emaay phiruk khumba numitni. Kayagi matik awaaba nungaaitraba haayruduna kaannade. Angaang pokpishingna phaaoba angaang pokpaa ngamdabamakhei waare.
4 Shinaaidba Eeshorbu noknariba Assyriagi Rabshakehgi waashingsi nahaakki napuroi Eeshorna taramgani ning-e. Napuroi Eeshorna makhoyna cheiribasi tabiduna makhoybu matik thokpa dandi pinabirabadi kayaada nungaaijagaba. Maramsina hinghouriba eikhoygi mishingsigidamak Eeshorda haayjabiyu."
5 Ningthou Hezekiahgi manaaishingna Isaiahgi manaakta laaklaba matamda
6 Isaiahna makhoyda haaykhi, "nabungngoda tammu madudi Eeshorna asumna taakpiri: Assyriagi ningthougi manaaina ngangkhriba waashingdu taaraga nakhoy kiba touganu. Eina toknga amaa shaandok-hn-gani. Masina maram oiduna makhoy mareibaakta hankhigani. Mahaakki mareibaakta mahaak shinnaba eina sille."
Assyriana Amukka laandage hotnaba
(Isaiah 37:1-7)
8 Assyriagi Laanmishingduna makhoygi ningthouna Lachish thaadoktuna Libnahda laandaba chatkhre haayba paaosi taakhi. Paaosi taabada ningthougi manaakta chatkhi.
9 Assyriagi laanmi shingna SuDangi ningthou Tirhakahna Egyptki laanmishing puduna makhoygi mathakta laandarakle haayba paao-sisu phangkhi. maasida Assyriagi ningthouna Judahda paalliba Hezekiahgi maphamda chithi amaa thaarammi amasung chithidugi marondi asini:
10 "Nahaakna thajariba Eeshorduna nahaak eigi ekhutta taaroi haayri. Maasi eina taare. Maasi thajarunu.
11 Assyriagi ningthouna maanghange ningkhraba leibaakshingda toukhiba pumnamak nahaakna taarabani. Nahaak naanthokkani haaybasi thajaruganu.
12 Eigi epa epushingna Gozan, Haran, amadi Rezeph aduga Beth-Edengi mishingbu haatkhi. Makhoyna ningjakhiba laaishingduna makhoybu kanba ngamkhibara?
13 Hamath, Arpad Sepharvaim, Hena amadi Ivvahgi ningthoushingdu houjik kadaayda leikhre?
14 Ningthou Hezekiahna paaopuba nupaadudagi chithidu louraga pairammi aduga paaba loiraba matungda ningnashangda chattuna chithidu Eeshor maangda thamjarammi.
15 Hezekiahna Eeshorda punemjaraduna haayrak-e, " cherubimgi mathakta shadong oinaa ngaanthoibiriba Israelgi Eeshor, taaibang maalemsida ebungngotani ashengba amadi achumbadu. Ebungngo nahaakna koirou maalem anisibu shembikhibani.
16 He Eeshor, nanaaina hanggatchari ba pumnamaksi tabiyu. He Eeshorna thokliba pumnamaksi yengbuyu. shinaaidba Eeshor nahaakpu noknaribani haayna shennacheribna eriba chithisi yengbiyu.
17 He Eeshor, Assyriagi ningthouna leibaak kayaamarum manghan-khre.
18 Leibaakshingduna ninglamba laaishingdu mahaakna mei thaakhrabani. Adubu nanaaina khangjabadi makhoydudi laai natte, khutna shaabani. Khutshemni, nung amadi uni. Maramsina mahaakna haayribashingsubu maanghanba ngamkhi.
19 He epuroi, Eeshor, nanaai eikhoybu Assyriagi ningthougi makhuttagi kanbiyu. Ebungngogi khuyaakhaada nanaaina khurumjari. Adu oirabadi he Eeshor, taaibang maalemsida leiriba Jaatshingna ebungngobu ashengba mapuni haaybadu khanggani."
Isaiahna ningthouda pikhiba paaojel
(Isaiah 37:21-38)
20 Matamsida Amozki machaanupa Isaiahna Hezekiahda paao amaa thaarakkhi. Paaodudi asini: Israelgi Eeshorna asumna taakpiri: Assyriagi ningthou shennacheribki maramda nahaakna haayjabadu eina taabire.
21 Aduga Eeshorna ningthou Senacheribki maramda phongdokkhiba waashingdu makhaada eribasini:
He shennacherib, Jerusalemna nangbu yenglaga nokli amasung tukkachei.
22 Nahaakna laknariba amadi noknaribadu kanaadano? Israelgi shengthoiraba Mapu Eingonda nahaak usitte.
23 Nahaakna thaarakpa paaopuba nupaaduna Eeshorbu karemnari amasung mahaakna haayri eigi dolaishinggi mapaanna awaangba loibi chinggi maton youba ngammi aduga Lebanangi mapham khuding shinba thungna chattuna deodar paambidu tuhanba ngammi. maasida houriba sngdunata leiba upaanshingdubusu yaanthekkhi.
24 Nahaakna napan touna haayri madudi miramda guha touduna eeshing thakpa ngammi aduga Egyptki ekhongshingdu khongna netpadata kanghanba ngammi.
25 Nahaakna toujariba pumnamak eina touhange ningkhibadagini, chahi kayagi mamaangdagi houna maasi thoknaba eina shinkhi, madu ngasida mathorakli. Chekpan khagatlaba saahar kayaa nahaakki nakhutta tararibasisu eina shinkhibani.
26 Maphamduda leiba mishingdu mapaanggal hanthahankhi, makhoyna kari tougani khanghankhide. Nongpoklomdagi sitlakpa nungshitna yeiba matamda, loubukta houba naapi amadi yumthakta houba napigum patthakhi.
27 Yeng-u, Eina nahaakna chatpa, phamba amadi laakpa loina khang-e, khang-e eina nahaakna eigi ethakta touriba pumnamak,
28 Nahaakna eigi ethakta shaaobadu eigi enasina taare, maramsina nahaakki nanatonda khoina lenggani, nahaakki nareida khoiri thanggani, nahaakna laakkhiba laambelduda eina nahaakpu taanthokkani.
29 Masigi matungda Isaiahna ningthou Hezekiahda haayrammi, "haayribasi thoklamdaaida khudamshingsi haanna thokkani: Kumsi asi nongmei loubukta houba mahei marong khara chaaba phanggani adubu ahum shurakpa chahiduda nakhoyna loubukta mahei marong thaaduna chaananaba lokkani. Angur chaabasu phanggani.
30 Uhei yaamna paanba mara chetlaba heipanshinggumna Judahgi manungda hinghoubashingdu nungaaigani.
31 Jerusalem amadi Zion kouba chingda Judahgi mi kharadi hinghougani. Masimak Eeshorna thokhallage haayna ningkhrabani.
32 " Eeshorna Assyriagi ningthougi matangda asumna taakpiri: Mahaakna saaharsida chatlaaktuna ten amaa phaaoba kaploi. Kanaagumba laanmi amaa phaaobanasu saaharsigi manaak nakna changlaaktuna chunggoi paayduna leplaroi aduga Laanjabung sararoi.
33 Saaharsida chaangdana mahaakna laakkhiba laambelduda mahaak hankhigani maasi Eeshor oiriba Eina haayribani.
34 Eigi esaagi etik egun kanba oinaa aduga enaai Davidta shaakkhiba waashaktu yengduna eina saaharsibu ngakkani."
35 Haayriba ahingsida Eeshorgi dut amanaa Assyriagi laanbanda changduna laanmi 85,100 Maruphumanga haatkhi. Makhoyna ayauk hougatlakpa matamda haayribasi sina phangkhi.
36 Maramsina Assyriagi ningthou shennacheribna laan toudaduna mareibaakta hankhraga Ninevehda leikhi.
37 Nongma mahaakna latchariba laai Nisrok koubadu khurumduna leiringeida mahaakna pokpaa machaanupa Adrammelek amadi Sarezerna thangna kaktuna haatkhi. Mapaa haatlaba matungda makhoy Araratta chenkhi amasung mahaakki matungda machaanupa Esarhaddonna ningthou oikhi.