Proverbs 10
Solomon-gi Paorousing
10 Makhada iribasingsi Solomon-gi pao-rousingni.
Asingba machanupa pokpa mapadu macha yengduna napan touba ngammi, apangba macha pokpaduna mamagi waningai oi.
2 Napukchel sengdana tanba landuna karisu kannaba leite, aduga pukchelbu senglabadi punsi kanba ngammi.
3 Lainingthouna aphaba mi kanagumbabu machinjak wathanbide, adubu Ibungona phattabasingbudi mapuk thalhande.
4 Tallabadi laira tanbani, aduga nomba kallagana inak khunbani.
5 Lousing leiba mina maheidu munba matamda loksilli, adubu lourok thada tumduna leithoklabadi machanupadu ikainingaini.
6 Aphaba mina bor phangbani. Phattaba migi wadudi aronba hugumbani.
7 Bor phangbagi matougumna aphaba mishingbu ningsinghalli, adubu phattaba midudi thuna kaokhibani.
8 Asingba mina paotaktu lousilli, apangba miduna tok-i.
9 Mapukchel sengba midu asoi angam leite adubu pukchel sengdaba midu mapham khuding khudong thininggaini.
10 Achumbabu lottuna thamba miduna khudong thiba nanghalli, aduga iphong phongna aranba chumthokpa miduna leibak mara chetnaba toui.
11 Aphaba migi thabakti punsigi iphutkumbani, aduga phattaba migi waheidudi mahu puba lingumbani.
12 Tukkachabana nungsinadaba purak-i, aduga nungsibana maran pumnamak kokpiba ngammi.
13 Asingba mina akaiba haide, adubu apangba mishingdu awapham tahanduna warakpana chummi.
14 Asingbasingna ngamjaba makhei lousing tansilli aduga apangba mina wa ngangthoraka matamda khudongthiba thaptrabani.
15 Lanna inak khunba nupadu ngakpi aduga lairabana lairaba nupadubu manghalli.
16 Aphaba toubagi maheidi punsibu masak khangbani, aranba toubana henna aranba asum tourak-i.
17 Chumthokpiba matamda phajana tasinba ngamba mishingdu siraroi. Adubu makhoi masabu lelle haiba matamda louningdaba mishingdu khudongthiba tarabani.
18 Tukkachababu lottuna thamliba midu oidaba ngangbani, aduga miwa ngangba midu apangbani.
19 Wa adukki matik nganglaga lanba hengalli, adubu asingba mi oirabadi chinban lengloi.
20 Aphaba migi machindabi thorakpa wadi asengba lupagumbani, phattaba migi wakhandi mamal yaodabani.
21 Aphaba mina ngangba waduna miyamgi kannaba oi, aduga panglabadi nasana nasabu loisingani.
22 Lainingthouna pinarabadata inak khunba ngamgadabani adubu thabak kanna surudunasu henna inak khullakkadouba natte.
23 Aranba toubasi apangbagi thabakni, asingba mina lousing tansinbaduda henna thawai yaowi.
24 Achumba toubasingna apambadu phangba ngammi, phattabasingna makhoina khwaidagi akiba pottu khudon phangi.
25 Nonglei nungsit lakpada phattabasingdu humduna pukhi adubu pukchel sengba mishingdudi matam leibada asoiba leite.
26 Atanba mida nakhoigini haiduna thabak touhanlunu, mahakki matoudu hei chabada ya kumbagumgani nattraga mitta meikhu changbagumgani.
27 Lainingthouna haibadu illabadi punsi nungsangna leigani, aduga phattabasingna mapunsi lomdana mangkhi.
28 Aphaba migi asaduna haraoba piba ngammi, adubu phattabasingna karibu yengduna haraogani.
29 Lainingthouna pukchel sengbasingdu ngakpiri aduga phattabasingdubudi manghanbi.
30 Achumba toubasinggidi changjapham leibani, adubu malemsida phattabasingdu tumna manghankhragani.
31 Achumba thabak toubasingna lousing leina wa ngangi aduga phattaba ngangliba leidu phajinkhigani.
32 Achumba thabak toubasingduna thoujanga loinana ngangbi adubu phattabasingna thamoi sokpa wa ngangi.