2 Kings 23

Josiahna laimang khurumba thingba

(2 Miron 34:3-7, 29-33)

1 Matamsida ningthouna Judah amadi Jerusalemgi ahanshing koukhatlammi.

2 Eeshorgi ningnashangda Judah amadi Jerusalemda leiba mishingna ningthou, purohit shing amadi maaichoushingga loynaraduna chatkhi. Eeshorgi ningnashangda phangkhiba areppa waashakki puyadu ningthouna miyaamda paduna taahankhi.

3 Ningthouna yumbidugi manaakta leplaga Eeshorgi maangda areppa waashak amaa toukhi. maasida mahaakna Eeshorgi tung enjanaba, ebungngogi yaathangshingdu kaidana ennaba, amasung ebungngogi matik mayaai khangna aduga ebungngogi leengaklondu ngaakna chatnanaba thawaay hakchaang amatta oinaa lepkhi. Asigumba ningthougi waarepsida miyaamsu yaaokhi.

4 Ningthouna purohitlen Hilkiah aduga mahaakki mathangda leiriba purohit shing, amadi changpham shennariba nupaaduda Asherah, Baal nongmadonda leiriba thawaan-michakshing khurumba matamda shijinnaba potshingdu ningnashangdagi puthoraknaba yaathang amaa tourammi. Mahaakna potshingdu Jerusalemgi waangmada Kidrongi manaakta puthoktuna loubukta mei thaarammi. Maigi uttu Bethel taanna purammi.

5 Judah amadi Jerusalemgi akoybada leiriba laimang ningphamshingdu Judahgi ningthouna muthatkhi. Baalbu ningba, nongmadonda leiriba numit amadi thanachingba khurumbada seba changliba purohit shingdu leihankhide.

6 Eeshorgi ningnashangda leiriba Asherahgi murtidu Jerusalemgi waangmada leiriba Kidrongi tampaakta puthoktuna mei thaakhi. Ut olhanduna mongphamshingda chaaithokkhi.

7 Eeshorgi ningnashangda kasubi khanbagi loisang leiribadu mahaakna muthatkhi. Haayriba loisangsida nupishingna Asherah ningba matamda shijinnaramba phishing turammi.

8 Judahgi manungda leiriba saaharshing Gebadagi Beersebaba phaaobada leiriba laimang ningphamshingdu mahaakna manghankhi. saahargi thonggal changphamda leibaak ngaakpa Josiahna leiriba maphamduda laimang ningpham amaa leirambadusu mahaakna muthatkhi.

9 Jerusalemda leiriba laimang ningphamda seba chatliba purohit shingduna Jerusalemda leiriba Eeshorgi ningnashangduda laaklamde. Makhoydi haamei yaaodaba tal chaaduna makhoy masen tinnarammi.

10 Molek kouba laiduda kanaagumba machaanupa nattraga nupi saren chandanaba Hinnomgi manaakta leiriba tophe kouba maphamdu muthatkhi.

11 Napungshak Nathanmelechki mayu-m manaakta leiba Ningnashanggi thonggalda leiriba Judahgi ningthoushingna numita katlamba shagolshinggi murtidu louthokkhi. Numitta katkhiba dolaidu mahaakna mei thaakhi.

12 Judahgi ningthoushingna shaaramba Ahazgi yumgi mathakta leiriba kaada shaakhiba phaankhongdu thugaaykhi. Masidasu nattana ningthou Manassehna shaaramba phaankhongdusu thugaaykhi. Masigi lemhouba uphuldu Kidrongi eephuttuda langthakhi.

13 Jerusalem amadi Chorphongi ching kounaba adugi marakta leiriba ningthou Solomonna shaaramba tukkachanabagi mashak oiraba Sidonshinggi laai Asherah, Moabki Chemos, Amonshinggi Milcom nachingbashingbu ningnaphamshingduda mahaakna muthatkhi.

14 Mahaakna haayriba maphamshingsida leiriba yumbishingdu kakthatkhi aduga Asherahgi murtidu leihankhide. Haayriba laimang ningphamshingsida ashibaa mishinggi sharu thamlamkhi.

15 Israelbu araanba laambelda chinglamba Nabothki machaanupa Jeroboamna shaaramba Bethelda leiriba phaankhong amadi ashengba maphamshingdu mahaakna thugaaykhi. Meida thaaduna uphun olhankhi. Masiga loynanaa Asherahgi murtidu meida thaakhi.

16 Josiahna yengkhibada chingdonda leiriba sarushingdu louhallaga phaankhongshingduda thamlaga mei thaakhi. Maasi maaichoushingna haaykhibadu chumna thok-e haayba khangnanaba khudam amaa oikhi.

17 Maasi pumnamaksi loiraba matamda Josiahna hanglammi, "masi kanaagi mongphamno?"

ethelda leiriba mishingduna haayrammi, "masi Judahdagi laakkhiba maaichou amagi mongphamni aduga ngasi eningthouna phaankhongsigi mathakta paangthokkhiba pumnamaksi mahaakna haanna haayramlabani.

18 Josiahna haayrammi, "masi lenghanba yaade. Mahaakki sarushingsi hongdokpa yaade."

Asumna mahaakki sarushingdu mahaakki mongphamdudagi hongdokkhide aduga mahaakkidasu nattana Samariadagi laakkhiba maaichoushingdugi sarushingdusu maphamduda lengdana thamkhi.

19 Israelgi ningthoushingna shaaramba Eeshorgi ashaaoba oihalliba laimang ningphamshingdu mahaakna mu-thatkhi. Bethelda toukhiba adugumba haayriba maphamshingsidasu toukhi.

20 Haayriba maphamshingsida phaankhong shennaduna leiramba purohit shingdu phaaoba mahaakna haatkhi. Mishinggi sarushingdu laimang ningphamda leiramba phaankhongshingduda thamlaga mei thaakhi. Maasi pumnamaksi loiramlaga mahaak Jerusalemda hallakkhi.

Josiahna potthaaba numit ngaakpa

 (2 Miron 35:1-19)

21 Ningthouna mi pumnamakta yaathang amaa toukhi. Mahaakna haaykhi, " Areppa waashakki saakhi oinaa leiriba puyada eba matung ennaa nakhoygi napuroi Eeshorgi mingda araan-chaakkhangsi. "

22 Asigumna araan-chaakkhaangbasi leibaak ngaakpashingna waayenlambadu hek loikhiba Matamdudagi houna Israel amadi Judahgi ningthoushingna tourakkhidrabani.

23 Adubu Josiahna paanba taraanipalshuba chahida Eeshorbu khurumjaraduna haayriba Araan-chaakkhaangbasi toukhi.

24 Eeshorgi ningnashangdagi purohit Hilkiahna phangkhiba puyadugi matung ennaa paangthoknabagidamak maaibamaibi, jadu heibashingdu leihankhide, masiga loynanaa Jerusalem amadi Judahda leiramba laimangshing, makhoyna ningliba murtinachingba loina louthokkhi.

25 Mosesna piramba puyadugi matung ennaa thawaay hakchaang amatta oinaa Eeshorda onsinkhiba ningthou Josiah nattana kanaasu leiramde. Mahaakki matungda atoppa ningthoushingnasu mahaakkumna toukhide.

26 Ningthou Manassehna toukhiba phattaba thabakshingduna maram oiduna Eeshorna Judahbu shaaobadu pharamdri. Matamdu phaaobada ebungngogi ashaaobadu mutlamdri.

27 Eeshorna haayrammi, "Israelda eina toukhiba adugumna Judahdasu tougani. Judahda leiriba mishingsi eigi mityeng waangmada thamgani aduga Jerusalembu thaapna langthokkani. Eibu makhoyna khurumjaba matamda Jerusalemda khurumgadoubani haayna eina khandokhrabasu maasibu thaapna langthokkani."

Josiahna paanba loisillakpa

 (2 Miron 35:20-36)

28 Josiahna touramba thabakshingdu Judahgi ningthouron eba lairaikta eduna lei. Mahaakna pallingeida Egyptki ningthou Phraoh Necona Euphrate turenda khongbal taanna chattuna Assyriagi ningthouga unakhi. Ningthou Josiahna mahaakka unaba chatlammi maasida Phraoh Necona mahaakpu Meggidoda haatkhi.

30 Mahaakki manaaishingna dolai amada haplaga Megiddodagi purakkhi. Jerusalem phaaoba puraktuna mahaakki mongphamni haayna shemduna thamba aduda phumbikhi. Judahda leiriba mishingna mahaakki machaanupa Jehoahazbu mahut shinba ningthou oinaa hapkhi.

Judahda ningthou Jehoahazna paanba

(2 Miron 36:2-4)

31 Jehoahazna ningthou oiba matamda chahi kulhumdoi shurammi. Mahaak Jerusalemda thaa ahum paallammi. Mahaakki mamadi Libnahda leiba Jeremiah kouba nupaadugi machaanupi Hamutal koubidu oirammi.

32 Mahaakki mamaangda pallamba mapaa mapushingna phattaba thabak toukhibagu-mna mahaaksu Eeshorgi mityengda phattaba thabak ngaakta tourammi

33 Pharaoh Necona Jerusalemda ningthou oinaa pandanaba haayduna keishumshangdudani thamkhi. madu Riblahda leiba keishumshangdani. Egyptki ningthouda Judahna silver kilo 3,450 Aduga sanaa kilo 34.5 loipot kakhi.

34 Ningthou Necona Josiahgi mahut shinba ningthou oinaa Josiahgi machaanupa Eliakim hapkhi aduga mahaakki maming Jehoiakim thonkhi. Jehoahazbu Egyptta pukhi aduga mahaak maphamduda shikhi.

Judahgi ningthou Jehoiakimna paanba

(2 Miron 36:5-8)

35 Jehoiakimna Necoda loipot kaba maramna mahaakki leibaaktuda leiriba miyaamdagi makhoygi kaarakpa laangi matung ennaa khaajana loukhattuna Necoda pikhi.

36 Jehoiakimna ningthou oiba matamda mashaagi chahi kunmanga shurammi. Mahaak Jerusalemda chahi taraamaathoy ningthou oiduna paankhi. Mahaakpu pokpi mamadi Rumahgi Pedaiahgi machaanupi Zebidah koubiduni.

37 Mapaa mapushingna phattaba thabakshing toukhibagumna mahaaksu Eeshorgi mityengda phattaba thabakshing toukhi.