Genesis 20

Abraham amadi Abimelek

1 Abrahamna Memre thaadoktuna Cannan-gi makharomda chatkhraga Kades amadi Surgi marakta khundaduna leikhi. Gerarda loutanglammi.

2 Matamduda Abrahamna mahaakki nupi Sarahgi maramda asumna haaykhi, "nupisi eigi echaa nupini." Gerargi ningthou Abimelekna mi thaaduna Sarahbu louhallakhi.

3 Adubu ahingda tumlingeida Abimelekki mamaangda Eeshor laaklammi aduga maangonda asumna haayrammi, "yeng-u, nahaakna loururiba nupidugi maramdagi nahaak ashibaa nupaa amaa oire maramdi mahaak mapuroiba leibi nupini."

4 Matamdu Abimelek nupigi maphamda thoidokpa araanba thabak amatta chattharamdri. Maramsina Abimelekna haaykhi, "Eeshor, maraal leijadaba mibu tumna manghan-gadra?

5 Nupaaduna nupisi eigi echanni haaykhiba nattra? aduga nupisinasu mashaamakna nupaasi eigi ebungni haaykhiba nattra? Thoidokna thamoi chumna yaamna tingna chatthajakhibani."

6 Eeshorna maangda laaktuna maangonda asumna haaykhi, "hoi, nahaakna thamoi chumna thabaksi thoukhibani haayba eihaak khang-e. Maramdunani nahaakna eigi mayokta ayon araan langsinjagadouba dudagi kanbikhibasi aduga maramsimaknani nahaakna nupidugi maphamda lallugadoubadudagi kanbikhibasi.

7 Maramsina houjikti nupaaduda matudu hanbikhro. Nupaasi maaichouni, mahaakna nahaakkidamak haayjabiba matamda nahaak, punsi nungaaina paan-gani. Karigumba nahaakna nupidubu hanbikhidrabadi khangjou, nahaak shoydana shigani aduga nahaakkini haayna leiriba khudingsu tumna maanggani."

8 Maramsina Abimelekna ayuk angaanbada hougattuna manaaishing loina kounsillaga thokkhriba thoudokshingdu tamlammi amasung waaphamdu takhiba mishingna thoidokna akibaa poklammi.

9 Masigi matungda Abrahambu Abimelekna kouraga haayrammi, "nahaakna eikhoyda touribasi karino? Nahaakki mayokta araanba thabak touhanduna eigi amadi eigi leibaaksida leiriba mishinggi mathakta maraal leihange hotnabra? Nahaakna touroidaba thabak touduna eigi ephamda yonjare."

10 Makha taana Abimelekna Abrahamda haayrammi, "nahaakna thabaksi toukhiba matamda kari khankhibage?"

11 Abrahamna haayrammi, "eina thabaksi toukhiba matamda khankhiba waakhandi asini madudi lamsida Eeshorbu kina chatpa mi leite aduga eigi nupigi mashunglaanggi damak eibu haatkhiba yaai haaybasini.

12 Ashengbamaksu mahaak eigi echaa nupini. Mahaak eigi epaana pokpani adubu emadi tinnadabani. Adubu mahaak eina luhongduna loukhibani.

13 Eeshorna eigi epaagi yum thaadokhanduna koyna chatnaba yaathang pikhiba matamda eina maangonda haaykhi, "nahaakna eingonda utkadouba thoujaandu asini: eikhoyna thungluba mapham khudingda eigi eramda nahaakna mahaak eigi ebungni haaygadabani."

14 Masigi matungda Abimelekna yaaoshing sanshing, minaai nupaa amadi nupishing kayaamarum Abrahamda piraga mahaakki nupi Sarahbusu hanbikhi.

15 Abimelekna makha taana haayrammi, "yeng-u, maangda leiriba lamsi eigi leibaakni. Nahaakna leiningba maphamda leiba yaai."

16 Abimelekna Sarahdasu asumna haaykhi, "yeng-u, Eina nahaakki nabungda silver shekels 1000 pirabani. Masina ngasi tilliba nahaakki mishingsigi mamaangda nahaak pumsheng shenglabani haaybasigi khudamni."

17 Masigi matungda Abrahamna Eeshorda haayjabada Abimelekpu anaaba phanbikhi. Eeshorna mahaakki nupi amadi minaaishingbusu phahanbikhi. Asumna makhoy machaa poktana leirambadu pokkhi.

18 Abrahamgi nupi Sarahgi mashunglaangdagi Abimelekki emung manunggi nupishing machaa pok-hankhide.