Genesis 42

Josephki machin manaaoshingna Egyptta chinjaak thiba laakpa

1 Jacobna Egypttadi mahei marong waatte haaybasi taabada machaanupashingda haayrammi, "nakhoyna amanaa amada yengduna kari touribano?"

2 Mahaakna makha taana haayrak-e, "yeng-u, Egyptta mahei marong phang-e haaybasi eihaak taare. Eikhoygi jibaasidadi hingnaba aduga Shidanaba maphamdudagi mahei marong leirunaba chatlu."

3 Asumna Josephki machin manaao tarakhak Egypttagi mahei marong leirunaba chatlammi.

4 Jacobna Josephka pokminnaba Benjaminbu mayaambaashingga thaaramde maramdi Benjaminda karigumba phattaba toubiba yaai haayduna mahaakna chingnarammi.

5 Cannanda chaak tangba thokpa maramna mi atei ateiga loynanaa Israelgi machaanupashingduna mahei marong leinaba chatkhi.

6 Matamduda Josephna lamdugi leibaak ngaakpa oirammi. Leibaak ateigi mishingda chengchak yolliba nupaadu mahaaktamak oirammi. Josephki machin manaaoshingna mahaakki maangda laaklaga leimaayda marai lukna nonjaduna khurumrammi.

7 Josephna machin manaaoshingdu ubamaktada khanglammi adubu mahaakna makhoybu lamlaanbada toubagumna toubirammi amasung thoujaan leitana ngaanglammi. Mahaakna haayrammi. "nakhoy kadaaydagi laakpano?" makhoyna khumkhi, Chinjaak leinanabagidamak Cannan-gi lamdagi yaamna thaapna laakchabani."

8 Josephna machin manaaoshingdubu mashak khanglammi adubu makhoynadi mahaakpu khangkhide.

9 Matamduda Josephna makhoygi maramda maangkhiba mangdu ningshingkhi. Maramsina mahaakna makhoyda haayrammi," nakhoy aronba yengba laakpa mishingni. Nakhoyna lamsigi ashoybashingdu khangdoknaba laakpa malli."

10 Makhoyna maangonda haayjarammi, "madu natchade ebungngo, nanaai eikhoy chengchak leijaba laakchabani.

11 Eikhoy loynaba nupaa amattagi machaashingni. Eikhoy pukchel shengba mini. Eikhoy aronba yengba laakpashing natchade."

12 Mahaakna makhoyda haaykhi, "natte, nakhoyna laaklibasi lamsigi ashoyba kari leibage haaybadu yengba laakpani."

13 Makhoyna haayjarammi, "nanai eikhoysi Cannan-gi lamda leiba nupaa amanaa pokpaa echin-enaao taraanithoini. Eton tonbaduna eikhoygi epaga leihouwi aduga amadi taaibangsida leitre." 14 Maasi taabada Josephna makhoyda haayrammi, "eina haayribasini nakhoy aronba yengba mishingni."

15 Nakhoybu chaang yengba taay. Nakhoygi eton tonba nanaao amaa lei haaybadu asida puraktrabadi Pharaohna saakhi oisanu nakhoy lamsidagi amuk halhalloi.

16 Nakhoygi narakta amaa chatkhraga nanaaodu puraksanu. Ateina keishumshangda leiba taai. Nakhoyna haaykhiba waashingdu chummi nattraga chumde haaybadu yengba taay. Karigumba chumdrabadi Pharaohna saakhi oisanu nakhoy aronba yengnanaba chatpashingni haayna lougani.

17 Mahaakna asumna makhoy loynaba numit humni keishumshangda thamkhi.

18 Humnishuba numitta Josephna makhoyda haayrammi, "eisu Eeshorbu kina chatchaba mi amani. Nakhoy nathawaay hingninglabadi, Eina haaybasi toujou.

19 Nakhoy napukchel shengba mishing oirabadi, keishumshangsida nakhoygi naraktagi amaa leihouraga nakhoygi emunggi channa thaaknaba puduna ateina chatpa yagani.

20 Makhoyna haaykhiba waasi achumbani nattraga araanbani haaybasi khangnanaba nakhoygi eton tonba nanaaodu puduna laak-u. Adu oirabadi nakhoy nathawaay hinggani. Makhoyna haayribasimak toujakhi.

21 Maasida makhoy masen haaynarammi, "eikhoigi echin-enaaogi mathakta laankhibadu ngasidi khangle. Mahaakna eikhoyda laaojaba matamda eikhoyna tabadi laairaduna thousabikhide. Kayaada mathawaay waakhiba. Maramsina houjikti awaabasi eikhoygi ethakta taarabani."

22 Rubenna makhoyda haayrammi," nupaamachadugi mathakta araanba touganusi haayna nakhoyda haaykhiba nattra? adubu nakhoyna eina haaykhibadu taakhide. Maramsina houjikti mahaakki eegi lamandu laaklabani."

23 Makhoyna Josephni haaybasi khangkhide. Maramdi makhoygi marakta paao chatpa kanaagumba amaa leirammi,

24 Josephna makhoydagi leithoklaga kaplammi. Mahaakna hallaklaga makhoyga waa ngangnakhi. Mahaakna Simeonbu puthoklaga makhoygi maangda punlammi.

25 Josephna Makhoygi damak mahei marong bora thanna haapnaba yaathang pirammi. Makhoyna purakpa peishaashingdusu borada haapchinbikhinaba yaathang yourammi. Asigisu mathakta makhoyna chatpada chana-thaaknaba loina haphallammi. Pumnamaksi mahaakna Makhoygi damak toubikhibani.

Josephki machin manaaoshingna Canaanda hankhiba

26 Makhoyna mahei marongshingdu lolada hapkatlaga khongshaankhi.

27 Makhoygi marakta amakhakna makhoyna thungluba maphamduda lolashingdu shajik pijanaba haangdokluba matamda boragi machinda peisa leirambadu thengnarammi,

28 Mahaakna machin manaaoshingda haayrammi, "eigi peishaadu amuk haanna haapchinbiramle. Eigi borasigi machinda yaaoramle." maasi ubada makhoy mathawaay waarammi aduga makhoy akibaga loynanaa amanaa amada haayrammi, "Eeshorna eikhoyda toubiribasi karino?"

29 Makhoyna Canaanda leiriba mapaa Jacobta thokhriba thoudokshingsi lisang sitna tamladuna haayrak-e,

30 "Lamduda leiriba leibaak ngaakpaduna eikhoyda thoujaan mari amaa yaaodana waa ngaanglammi. Aduga eikhoybu lammit tumit yengba laakpa mishing oinaa lourammi.

31 Adubu eikhoyna maangonda haayjakhi, "eikhoi pukchel shengba mini. Eikhoy lonna lammit tumit yengba laakpa natte.

32 Eikhoy echin-enaao taraanithoini. Epa amattagi machaashingni. Adubu amadi leikhidre. Cannan-gi lamda eton tonbadu eikhoygi epaga leiho-i.

33 Maasi taabada lamdubu ngakliba nupaaduna haayrammi, "nakhoyna eina haaybasi tourabadi nakhoy napukchel shengba mishingni haaybasi khanggani. Nakhoyna tougadoubadudi nakhoygi nachin nanaao amaa eigida thamlammu. Nakhoygi yumda chaanaba leihoude haaybadugi-damak mahei marong puduna ateina chatkhro.

34 Nakhoygi nanaao eton tonbadu eigi enaakta purak-u. Eina haayribasi touba ngamlabdi nakhoy aronba thabak touba laakpa natte aduga napukchel shengba mishingni haayna lougani. Asumna tourabadi nakhoygi nachin nanaaosi eina nakhoyda hanbigani adu oirabadi leibaaksida nakhoy lalon-itik phaaoba chatthaba yagani."

35 Makhoyna maagi maagi borashingdu haangdoklubada yeng-u. masha mashaagi borashingduda peisa yaaobadu thengnarammi. Makhoyga mapagana peisa mayaamdu ubada thoidokna ngaklammi.

36 Makhoygi mapaa Jacobna makhoyda haayrammi, "nakhoyna eigi echaashinggidamak meichaak phanghalle. Joseph taaibangsida leitre, Simeonsu taaibangsida leitre aduga houjiksu nakhoyna Benjaminbu pugadouri. Pumnamaksigi awaabasi eigi ethakta tagadouri."

37 Maasida Rubenna mapaada haayrammi. "eina mahaakpu maphamsida amuk puraktrabadi eigi echaa-nupaa anisibu haatlu. Eigi ekhutta mahaakpu sinnou. Eina mahaakpu shoydana purakkani."

38 Adubu Jacobna haaykhi, "mayaamba sikre mahaak matomta leihouribani. Maramsina eigi echaa si nakhoyda shinnaba yaade. Karigumba nakhoyna chatkadouriba lambiduda khudong thiba thoklabadi, epok houraba eibu awaaba meishaana mangoinaraduna asithenda kumgadouri."