Revelation 10
Aakanba swarga-dut amasung laairik macha
10 Amasung leichin thollaba, akanba atei swarga-dut amaa swargadagi lengtharak-pa eina ure; adugaa makok thakta chumthaang leirammi, mamaay numitkumna amasung makhong meigi yumbigumna oirammi; 2 adugaa mahaakki makhutta haangdoklaba laairik machaa amaa leirammi. Amasung mahaakna makhong yetna samudrada, adugaa oinaa prithibida thamle; 3 adugaa nongsana khongbagumna mahaakna awaangba khonjenna laore; amasung mahaakna laorabada, nongkhongba taretna makhol thoklakle.
4 Amasung nongkhongba taret aduna khongbada, eina esin-gadourammi; aduga, nong khongba taret aduna haidok haaydokpa adu chum namsillu adubu ebadi esin-ganu, haayba swargadagi khonjen amaa eina taare.
5 Amasung eina uraba swarga-dut, haaybadi samudrada amasung prithibida lepliba aduna swargalomda makhut yet thaanggattuna, 6 atiyabusu, maadugi manungda leiri leiriba adubusu prithibibusu maadugi manungda leiri leiriba adubusu adugaa samudrabusu, maadugi manungda leiri leiriba adubusu sembiriba, lomba naaidana hingliba ebungngo mahaakpu panduna waasakle, haaybadi, amuk thillaroi, 7 adubu swarga-dut taretsuba adugi khonjengi numit numitta, mahaakna khonggadouba matamda, maaduda ebungngo mahaakki minaai waa taakthokpa singda phongdokpikhiba aphaba waapaao adugi matung ennaa Eesor-gi athuppa waa adu thunglagani.
8 Amasung swargadagi eina takhiba khonjen aduna amuk eigaa ngangnaduna haay, chatlu, samudrada amasung prithibida lepliba swarga-dut adugi khutta haangdokliba laairik adu lou.
9 adugaa eina swarga-dut adu bum chatkhiduna, laairik machaa adu eingonda pibiyu, haayduna maangonda haay. Amasung mahaakna eingonda haay, lou, adugaa maadu chaathok-u; amasung maaduna napukpu khhn-gani, adubu nachindadi khoihigum thumgani. 10 Amasung eina laairik machaa adu swarga-dut adugi makhuttagi louraga chaathokle; adugaa maadu echindadi khoihigumna thumle, amasung eina maadu chakhrabada epukpu khahalle.
11 adugaa makhoyna eingonda haay, nahaakna ayaamba misinggi, Jaatsinggi, lol longi amasung ningthou-singgi maramda Amukka Eesor-gi waa taakthokpa taare.