Jeremiah

Jeremiah

WAAHOUDOK

Maaichou Jeremiah Christ poktringeigi mamaang chahi 700 shurakpagi aroiba aduwaaidagi chahi 600 Hourakpa aduwaai phaaoba leirammi. Mahaakna mapugi thougan toujaringei sanglaba mapunsiduda miyaamda araanba thabak toudanaba aduga Jaatshingdasu phattaba thabak toudanaba paaoutaak pirammi. Babylongi ningthou Nebuchadnezzargi makhutta Jerusalem tuba, saahar amadi ningnashang loina mahaakki khutta takhibadu mahaakna ukhi. Matamsida Judahgi ningthou amadi mishing loi chanduna Babylonda pukhi. Loi oinaa pukhibadudagi mishingdu hallakani haaybasisu mahaakna phongdokkhi.

Jeremiahna eba laairiksi makhaagi asigumna khaaidokpa yaai: (1) Mapuna Judah amadi maasida pallamba Josiah, Jehoiakim, Jehoiachin, amadi Zedekiahda pikhiba paaojel (2) Jeremiahgi khorjei paayba Baruchna eba laaibao amadi Jeremiahgi punsida thokkhiba thoudokshing (3 ) atoppa leibaakta leiba Jaatshinggi oiba takhiba Eeshorgi laaibao, (4) Amasung Jerusalem tuba amadi Babylonda loi chatpa asini.

Jeremiah thoidokna loushing leibata nattana Israel machaashingbu nungshiba nupaa amaa oirammi. Mapuna mahaakpu maaichou oinanaba koukhiba maramna Mapu amadi miyaamgi mathakta potlum amaa pukhi. Eeshorgi laaibaodu meina chakpagi matougumna mahaakki thamoida phaaorammi.

Jeremiahna haayrambashinggi manungda shingthaba yabadi miyaamgi thamoida lengdraba areppa waashak amaa Eeshorga lepanagani haaybasini (31::31-34).

Hiram takpa

Jeremiahbu kouba 1:1-19

Josiah, Jehoiakim, Jehoiachin, amadi

Zedekiahna paanba matamgi laaibao 2:1-25:38

Jeremiahgi punsida thokhiba thoudok 26:1-45:5

Jaatshinggi mathakta piba laaibao 46:1-51:64

Jerusalem tuba 52:1-34