Revelation 2
Ephesiangi shinglupta eba laairik
1 Ephesianda leiba shinglupki dut aduda eyu: Khut yetta thawaan-michak taret adu pairiba, sanaagi thaaoumei makhong taret adugi marakta koychat chatliba ebungngo aduna waashing asi haayribani.
2 Nahaakki thabak, nomba, khangheiba, amasung phattabashingbu nahaakna khangba ngamde haayba, aduga masha mathantabu paakhon-chatpa koujaba, oibadi oidabashingbu chaang yengduna makhoygi minamba nahaakna phangle haayba eina khang-e.
3 Amasung nahaakna khaangba hei, eigi minggi damak khangbire, amasung awaaba pokte.
4 Adubu nathakta eigi waa asi lei, haaybadi, nangna nanggi ahaanba nungshiba adu thaadokle. 5 Maram aduna nangna kadaaydagi takhibano ningshing-u, aduga napukning hongduna ahaanba thabak adu tou; nattraga, nangna pukning hongdrabadi, eina nangonda laaktuna nanggi thaaoumei makhong adu maphamdagi hongdokkani.
6 Touegumsung nanggi asi lei, haaybadi, eina tukkachaba Nikolaitishinggi thabak adu nangnasu tukkachei.
7 Thawaay aduna shinglupshingda haayba adu manaakong paanba mahaak aduna tajaasanu. Ngamliba mahaak aduda Eeshorgi paradaista leiriba hingbagi upaambidagi chaananaba eina pibigani.
Smarnagi shinglupta eba laairik
8 Amasung Smarnada leiba shinglupki dut aduda eyu: siraga hinglak-eba, ahaanba amasung akonba, ebungngo aduna waashing asi haayribani.
9 Nanggi awaa-ana amasung laairaba (adubu nangdi enakkhulli), aduga makhoy mashaana Jewish-shingni haayraga, oibadi oidana, Satan-gi kaanglup oiriba makhoyshinggi athiba waa adu eina khang-e.
10 Nangna awaa khanggadouriba adu kiganu. Yeng u, nakhoybu chaang yengnanaba diyaabolna nakhoy kharabu keishumshangda hunjingadouri, amasung numit taraani awaa-ana nakhoyna phanggani. Nangna shiba phaaoba thaajaba yaaba oiyu, aduga eina nangonda hingbagi luhup pibigani.
11 Thawaay aduna shinglupshingda haayba adu manaakong paanba mahaak aduna tajaasanu. Ngamliba mahaak adubu anishuba shibana shok-panba leiroi.
Pargamagi shinglupta eba laairik
12 Amasung Pargamada leiba shinglupki dut aduda eyu: Athouba maya ani paanba kabaak-thaang adu leiba ebungngo aduna waashing asi haayribani.
13 Nangna paalliba maphamadu eina khang-e, maduda Satan-gi phambaal lei; aduga nangna eigi ming chetna paay, amasung Satanna paanba maphamda nakhoygi nanakta haatkhiba eigi saakhi oiba, eigi thaajaba yaaba Antipagi numitmaktasu nangna eingonda thaajaba adu yaadaba toukhide.
14 Touegumsung nathakta eigi waa khara lei, maramdi mapaham aduda Biliyamgi tambiba adu ngaakpashing nangonda lei, laai murtida katluraba pot chanaba, amasung marumbi tinnanaba, Israelgi machaashinggi maangda khudi thinaba asi langshinnanaba mahaakna Balakpu tambire. 15 Adugumduna Nikolaitishinggi tambiba adu matou aduga maannana ngaakpashingsu nangonda lei.
16 Maram aduna pukning hong-u; nattraga eina nangonda thuna laaklaga, eigi echingi kabaak-thaangna makhoygi mathakta laan shoknagani.
17 Thawaay aduna shinglupshingda haayba adu manaakong paanba mahaak aduna tajaasanu. Ngamliba mahaak aduda eina arotpa maanna pibigani, amasung nungou amaa, aduga nung adugi mathakta ekhraba anouba ming amaa eina maangonda pibigani; madu phangba mahaak adu nattana mi kanaa amatana ming adu khangde.
Thyatiragi shinglupta eba laairik
18 Amasung Thyatirada leiba shinglupki dut aduda eyu: meigi meiri maanba mamit paanba amasung makhong khongdon ningthijaba pithraai maanba, Eeshorgi machaanupa aduna waashing asi haayribani.
19 Nanggi thabak, nanggi nungshiba, thaajaba, thougan touba, amasung khangheiba adu, aduga nanggi akonba thabakna ahaanbadagi helli haayba adu eina khang-e.
20 Adubu nathakta eigi waa asi lei, haaybadi, masha mathantabu Eeshorgi waa taakthokpi koujabi nupi Isebelbu nangna yabiri, aduga manadi eigi enaaishingbu marumbi tinnanaba amasung laai murtida katluraba pot chaananaba tambiduna themdok-e.
21 Amasung manaa pukning hongna-naba eina maangonda matam pibire, aduga maagi marumbigi thabaktagi manaa pukning hongningde.
22 Yeng-u, makhoyna maagi thabaktagi pukning hongdrabadi, eina maabu phamungda, aduga maaga loynanaa laannaba thabak toubashingbu achouba awaa-anaabadi Lngsin-gani.
23 Amasung eina maagi machaashingbu shibana haatkani; aduga pukning amasung thanmmi makhei thiba mahaak adu eini haayba shinglup pumnamakna khanglakkani, amasung eina nakhoy amam-mamda nakhoy nakhoygi thabak matung ennaa pibigani.
24 Touegumsung Thyatirada lemhouba, tambiba asi loudaba, Satan-gi aruba waa (makhoyna haaybagumna) khangdabashing, nakhoyda eina haaybani, eina nakhoygi nathakta atei arumba kari amata langsilloi.
25 Adum oinamakpu nakhoygi leijaba adu eina laakpa phaaoba chetna paiyu.
26 Aduga ngamliba amasung mamei phaaoba eigi thabak makhei ngakli, ba mahaak aduda eina Jaatshinggi mathakta matik pibigani;
27 Amasung phusabagi phuna etoi toyna kaikhibagum, einasu epaadagi phanglabagumna, mahaakna makhoybu yotki cheina shennagani;
28 Aduga eina maangonda thawaan-michak shajik adu pibigani.
29 Thawaay aduna shinglupshingda, haayba adu manaakong paanba mahaak aduna tajaasanu.