Deuteronomy 6
Athoiba yaathang
1 "Nakhoygi napuroi Eeshorna nakhoyda taakpinaba eingonda pinabikhiba chatnapathap, lichatlon amadi waayenlonshingdu asini. Nakhoygi nakhutna lamba phanglaba nakhoygi oiragadouba lamduda changlaba matamda haayribashingsi en-gadabani.
2 Nahaakna hinglibamakhei aduga nahaakki chaaron-shuronna leiribamakhei nakhoygi napuroi Eeshorbu ekaai-khumnagadabani aduga haayriba leibaaktuda punsi nungshaangna pananabagidamak Eina nakhoyda piriba chatnapathap lichatlon amadi waayenlon-shingsi ngaakna chatkadabani.
3 He Israelgi miyaam, Haayribashingsi napukning changna taro aduga ngaakna chatkadabani. Maasi tourabatada nakhoy leitaana paanba haaybadu oigani aduga nakhoy achouba kaanglup amaa oirakkani. Masimak eikhoygi epa epushinggi Mapu, Eeshorna waashakpikhiba gumna nakhoyna leihao leiraba awaatpa leitraba leibaaktuda leigadouribani.
4 "He Israel, masimasu ningshing-u, Eeshortani eikhoygi Eeshordi.
5 Nakhoygi napuroi,Eeshorbu nathamoi nathawaay amadi napaanggal phudokna nungshijou.
6 Eina nakhoyda piriba yaathangshingsi keidoungeidasu kaoganu.
7 Haayribashingsi nachaa nasushingda taakpigadabani. Haayribashingsimak nakhoyna nayumda leiba matamda, langphei chatpa matamda, potthaaba amadi thabak shubaa matamda tattana taakpigadabani.
8 Haayribashingsi phida pullaga napambomda amadi naraibakta kisinduna kaodanaba tougadabani.
9 Nakhoygi yumgi thonggi pheira amadi thonggalgi mathakta eduna thammu.
Haayba endaba shinggi mayokta
10 "Nakhoygi napuroi Eeshorna nakhoygi napaa napushing oiriba Abraham, Isaac amadi Jacobta waashakpikhibadugi matung enna, nakhoyna shemgat shaagatpa nattaba achouba amadi awaat-apa leitraba saaharshingga konnana pigani haaybikhiba leibaaktu nakhoygi oihan-gani.
11 leibaaktuda leiriba yumshingdu thoidokna aphaba potshingna than-gani. madu nakhoyna purakpa amatta natte. Nakhoyna guha toukhidrabasu mapaan naaidana leiramgani. Angur amadi Chorphongi heikon nakhoyna thaakhidrabasu mapaan naaidana leiram-gani. Eeshorna nakhoybu haayriba leibaaksida pubiraklaba matungda nakhoygi darkar oiba pumnamak awaatpa leitana phanggani.
12 Etyptta minaai oinaa leiringei matamda nakhoybu kanbikhiba Eeshordubu kaoroidabani haaybasi ningshingu.
13 Nakhoygi napuroi Eeshorbu kina chatchou, ebungngo mahaaktabu khurumjou aduga ebungngo mahaakki minglenda shari pando-m lomjou.
14 Nakhoygi akoybada leiriba mishingna ningliba laaishingdu nakhoyna khurumba yaade.
15 Karigumba nakhoyna atoppa laaishingbu khurumba taarabadi Eeshorgi ashaaobadu meigi matougumna nakhoygi nathakta taagani amasung nakhoybu tumna maanghan-gani maramdi nakhoygi narakta leiriba napuroi Eeshordi lamba chongthorakpada khaangba ngamde.
16 "Massahda nakhoyna toukhibagumna nakhoygi napuroi Eeshorbu chaang touganu.
17 Ebungngo mahaakna nakhoyda pibikhiba waayel yaathangshingsi ngaakna chatli haaybasi khangna chatlu.
18 Eeshorna nakhoyda taakpiriba pumnamaksi aphaba amadi achumba ngaktani maramsina nakhoyna maasi ngaakna chatkadabani. Adu oirabadi nakhoy leitaana nungaaina paanba ngamgani. Nakhoygi napaa napushingda Eeshorna waashakkhiba leihao leiraba leibaaktuda nakhoy leiba phang gani.
19 Ebungngo mahaakna waashakpikhibadugumna nakhoyna yeknabashingbu tan-thokpa ngamgani.
20 "lakkadouba matamda nakhoygi nachaa nasushingna nakhoyda asumna hangba yaai, 'eigi epuroi Eeshorna eikhoyda yaathangshing ennanaba karigidamak haaykhibano?
21 Matamduda makhoyda asumna haayyu, "Egyptki ningthougi minaai oinaa eikhoy leirambani. Adubu Eeshorna matik mayaai phudoktuna eikhoybu kanbikhi.
22 Eikhoygi emitmakna ebungngo mahaakna toukhiba angakpa thabakshingdu ukhrabani. Ebungngo mahaakna Egyptta leiriba mishingda, makhoygi ningthouda amadi phamnaaibashinggi maphamda tam-thiraba thabak kayaa toukhibadu ukhrabani.
23 Ebungngo mahaakna eikhoybu Egypttagi thaadokpiduna maphamsida pubirakkhi aduga eikhoygi epa epushingda waashakpikhiba matung ennaa leibaaksi pibikhi.
24 Matamdudagi houraduna eikhoygi epuroi Eeshorna eikhoyda haayriba yaathangshingsi ngaakna chatnanaba taakpikhi. Aduga ebungngo mahaakpu kina chatchanabasu taakpikhi. Eikhoyna ebungngo mahaakki yaathangshingdu ngaakna chat chaarabadi, eikhoygi jaat asi ngaakpi senbigani aduga mapaan naaidana chaaokhaathan-gani.
25 Eeshorna taakpikhiba pumnamak amatta kaidana eikhoyna chatchaba taarabadi, Ebungngona eikhoybu penbigani.