Ezra 3
Eesor-bu khurumba houba
3 Taretsuba thaada Israelgi mi pumnamak maagi maagi saharda leiba hourammi. asigi matungda Jerusalemda amatta oinaa tillammi. 2 Jozadakki machaa Joshuana maagi marup purohit sing adugaa Sealtielgi machaa Zerubbabelna maagi saageigi misingga loynanaa mapugi manaai Mosesgi yaathang matung ennaa dhup thaaoumei katnanabagidamak Israelgi Eesor-gidmak phaankhong amaa sarammi. 3 makhoyna phaankhongdu haannagi maphamda tham-lammi. maramdi mitop yaamna yaorammi. ayuk amadi numidaangda tougadouba hounabi matung ennaa makhoyna Eesor-gi maphamda eratlammi. 4 Puyada eba matung ennaa mitin-sang saaduna makhoy dharmagi usob tourammi. Numit khudinggi paangthokkadouba misingdu kaidana chatnArongi matung ennaa pangthoklammi. 5 Masigi matungda atatpa leitaana meida thaaba thounachingba tourammi. Eesor-gi maphamda akhannaba numitta tougadouba meida thaaba thou amadi thaa pankhatlakpada katkadouba pumnamak kaidana tourammi. kanaagumbana Eesor-da katningba kat chaarabasingdugisu makhoyna meida thaaduna thou tourammi. 6 Eesor-gi khuyaada taretsuba thaagi ahaanba numittagi houna makhoyna meida thaaduna thounachingba touba hourammi adubu Eesor-gi ningna sanggi yumphamdi thonba houdri. 7 maramsina makhoyna cheksuba amadi usubasingda peisa pirammi. Cheng chak, eesing amadi thaonachingba Sidon amadi Tyregi misingda Persiaki ningthou Cyrus-ki yaathang matung ennaa Joppa phaaoduna Lebanandagi deodar paambi puraknabagidamak pirammi.
Ningna sang saaba houba
8 Jerusalemda makhoyna hallakpa anisuba chahida Sealtielgi machaa Zerubbabel amadi Jozadakki machaa Joshuana Mapu ningna sang saaba hourammi, makhoygi marupa Israel machaasing, purohit amadi Levi adugaa bandi oinaa chatlubadagi Jeru-salemda hallakpasingduna makhoybu mateng panglammi. 9 Joshuana machaasing amadi saageigi mising Kadmiel, Tabnu amadi Hodaviahga loynanaa Mapu ningna sanggi thabak toubasinggi thoudang purammi.
10 Eesor-gi ningna sanggi yumpham thonba loiraga Israelgi ningthou Davidki yaathang ennaa adugaa chatnabi matung ennaa purohit singna makhoygi phising setlaga pung yeirammi. Asaphki machaa Levisingnasu kortan paayduna Eesor-bu thaagatlammi. 11 makhoyna awaai akhum touduna Eesor thaagatpagi esei sakkhi. makhoyna sakkhi: Eesordi chaangdamningai leitaana phaabani.
Israelbu chetna channa nungsibadu matam leibada hongde. Eesor-bu thaagatpa matamda miyaamduna khongjen waangna laorammi adugaa makhoyna ebungngo-gi ningna sang saabagi yumpham thonba hourammi. 12 Purohit-sing, Levising, yumburen-sing amadi haannagi ningna sang uhouba ahansingna yumpham thonbadu ubada kaplammi. Amaromda miyaamna haraaoduna khonjen waangna laorammi. 13 Mikap miraokhonga haraao tayaambagi khonjenga tinnakhiduna athaappadadi animak chap mannarammi.