Ezekiel 5
Ezekielna sham kakpa
1 "Nupa, thang athouba amaa pairo. Maasi sham kakpashinggi khurdugumna shijinnou. Masina nahaakki nakokta houriba sham amadi nakhadaangda houriba nakoidu kok-u. Masigi matungda khan amaa louraga kokthoklaba samdu onthok-u.
2 Awaaba khaangbagi matamdu loirabada samshingdu ahum thokna yenthoklaga sharuk amaa saaharsigi mayaaida punshinduna meida thaadok-u. Atoppa sharuk amanaa saahardugi akoybada thangna chagup chagup yaanduna hundok-u. Atoppa sharuk amanaa nahaakna nungshitta humhankhigadabani. Masigi matungda eina thaangshaang paayduna taannagani.
3 Haayriba shaarukshingsidagi nahaakna chaang khara khara louduna nahaakna shetliba naphiduda kigadabani.
4 Haayribashingsidagi Amukka nahaakna chaang khara amaaga louraga meida thagadabani. Haayribasidagi Israelgi mishinggi marakta mei amaa thorakkani.
5 Eeshorna asumna taakpire: Haayribasigumna Jerusalem oigadouribani. Mahaakki akoybada leiriba leibaakshingda taariba Jaatshinggi mayaaida mahaakpu eina thamgani.
6 Mahaakna atei Jaatshingna toubadagi henna shaathina eigi yaathangshingdu endre. Mahaakki akoybada leiriba Jaatshingdagi henna mahaakna eigi niyam amadi yaathangshingdu ngaakna chatte.
7 Maramsina Eeshorna asumna taakpiri: Nahaakki akoybada leiriba Jaatshingdagi henna tamthiba jaat amaa oinaa leiba maramdagi, eigi niyam amadi yaathangshingdu leiba maramdagi, eigi niyam amadi yaathangshingdu ngaakna chattaba maramna, aduga nahaakki akoybada leiriba Jaatshinggi chatnabidu ennaa nahaakna chatpa maramna,
8 Eeshorna taakpiri: yeng-u, ei phaaoba nahaakki mayokta leiribani. Nakhoygi narakta Jaatshinggi mamaangda eina waayel thouda pigani
9 Nakhoyna touba ayon araanshingdu yengduna eina keidoungeidasu toukhidraba thabakshingdu nakhoygi nathakta tougani. Nakhoygi nathakta tougadouribasigumba amuk haanna eina touroi.
10 Nakhoygi narakta mapaana machaashingbu chaagani. Machaanupashingna mapaa chaagani. Asumna eina nakhoygi nathakta dandi pigani, nakhoygi narakta kanaagumba hinghouba yaaorabasu eina nungshit marakta choijaainana taahangani.
11 Maramsina Eeshorna taakpiri eigi etik eyaaiduna saakhi oisanu, ashengbamak nakhoyna eigi ningnashangdubu amotpa thaaba kayaa amadi tukkachanabagi mashak oiba thouram kayaa paangthoktuna maanghallabanina eina nakhoybu tumna maanghan-gani. Eigi mityeng waangmada nakhoy leiba ngamloi. Nakhoygi nathakta eina thoujaan utloi.
12 Nakhoygi narakta ahum thokpagi amanaa laaichatna phudektuna shigani. Nakhoygi narakta chaaba phangdaduna shigani, nakhoygi akoybada namangmaktada ahum thokpagi amanaa thanggi mayada taaduna shigani. Atoppa ahum thokpagi sharuk amanaa nungshit marakta choijaainahanduna maanghan-gani. Makhoygi matungda thang shattoktuna taannagani.
13 Asumna eigi ashaaobadu meimutkani. Makhoygi mathakta eigi ashaaobadugi meiridu chugani. Aduga asumna tourabatada eihaak penba oigani. Matamduda makhoyna eihaaksi Eeshorduni haayna khanggani. Makhoygi mathakta eigi ashaaobadugi meiridu churaba matamda makhoyda pukning changna waa haayrammi haaybadusu khanggani.
14 Asigisu mathakta nakhoybu leikanglagumna tumhn-gani. Nakhoygi akoybada leiriba Jaatshinggi mamaangda ekaai nungshi yaan-naraba jaat amaa oihan-gani. Nakhoygi namaangda chatlibashinggi mamaangdasu minungsi yaan-nahan-gani.
15 Ashaaoba, nungaaitaba amadi mitta ee karaduna nakhoygi nathakta waayel kati thaaba matamda nakhoygi akoybada leiriba Jaatshinggi mamaangda nakhoy akiba, noknapham oiraba, nakhoybu uraga thina ngangnapham oiraba pot amaa oihan-gani. Eeshor oiriba eina haayribasi nakhoyda haaykhrabani.
16 Nakhoybu tumna manghannabagidamak eina thaadokkadouriba chaak tangbagi tenjei, mang takpagi tenjeiduna laakpa matamda thoina henna chaak tangba thoktuna nakhoygi tal chaaba phangloi.
17 Nakhoygi mayokta eina chaak tangba thok-han-gani aduga lamlakta leiba shaashing-nachingba laak-han-gani. Makhoyna nakhoygi nachaashingdu chaathokkani. laaichat amadi ee tabaduna nakhoygi nashaaruk oigani. Nakhoygi narakta thanggi dandi pigani. Haayribasi Eeshor oiriba eina haaykhribani.