Isaiah 1
1 Judahgi ningthoushing Uzziah, Jotham, Ahaz, amadi Hezekiahgi matamda Amozgi machaanupa Isaiahna Judah amadi Jerusalemgi maramda Shangshangna ukhiba paaojel:
Mapuna manaaishingbu waarakpa
2 Taro, he koirou nongmadon, nana shengdok-u, he maalem leima, maramdi Eeshorna waa ngangbiri: Eina echaa-nupaa kayaa pokle aduga makhoybu yokle, adubu makhoyna eigi mayokta leple.
3 Sanna mapu mashak khang-e, Gadhana sanggon mashak khang-e, adubu Israeldi karisu khangde. Eigi mishingdi loushing leitre."
4 Aha ! paapna thallaba Jaatshing, maranna mapot pharaba mi, phattaba mishinggi eremkhakshing, amotpa thabak toubashinggi machaashing, nakhoyna Eeshorbu thaadokle, nakhoyna Israelgi shengthoiraba Eeshorbu malang khonggaonare. Nakhoydi ngamkhei leitana thaapna chatkhre.
5 Mathangda eina nakhoybu kadaayda ashengba ngaigadage? nakhoyna kayaa kuina laan houkhigadage? nakhoydi nakok ngaore, nakhoygi thamoidusu kairabani,
6 Nakhongdagi nakok phaaoba,Kaidaba machet amaa phaaoba leitre. Atatpa akaaiba aduga ee thokpa maphamna thalle, haayribashingdu laiyengbide aduga phinachingba amatta yetpide. Maphamshingduda thaao teiduna thotthanbasu leitre.
7 Nahaakki leibaaktu mang takle. Nahaakki saaharshingdu khambi meina chakkhre. Namangmaktada lamlaanbashingna nareibaakta ot-neiri. Miramgi mishingna leikha taahanba maramna tumna manglaba leibaak oire.
8 Angur engkhonda leiba khaangpok machagumna leihoure Ziongi mamomloishing, thabi thaariba loubukta sariba khaangpokkumna, loi chankhraba saahargi matougumna matomta ngaihoure,
9 Nongthak nongkha anigi mapu, Eeshorna, khakpiramdrabadi eremkhak khara eikhoygi, mallamgani eikhoy Sodom, oiramgani eikhoy Gomorrah.
10 Sodomda waayenlibashing, taajaro Eeshorgi yawaasi, Gomorrahda leiriba misa, nakhoysu taro eikhoygi Eeshorna pibiriba paaoutaaksi,
11 "Nakhoyna thou touba nattana eigi ephamda kari toukhrabage? taakpiri Eeshorna asumna, yaao meida thaaduna touba thoukattu mapaan naaidaba makhei katkhre nakhoyna, anoyba shaagi shadong kayaa katkhre eingonda, sanlaba, nattraga yaao nattraga haameng labagi eeduda penba leite eina.
12 "Nakhoyna eigi emangda changjarakpa matamda, eigi ningnashanggi manggolda nakhong thaao haayna kanaana haaybage?
13 Kannadabashingdu amuk haanna pusinbiraklaganu, nakhoyna thajariba dhuptusu eigidamakti tukkachanabagi mashak oire, thaa pankhatlakpada, potthaaba numit amadi miyaam tinnabanachingba, eihaak nakhoyna touriba paap amadi tilliba miyaamdu khangba ngamde.
14 Nakhoygi thaa pankhatlakpagi amadi akaknaba dharmagi thoukatshingdu tajarude eigi thawaaysina. Potlum oire eigi ephamda haayribashingsina, khangba ngamdre makhoybu amuk haanna eina.
15 Nakhoygi nakhut tingthokchaba matamduda, eigi emitsina nakhoybu yengloi, haayjadunasu nakhoyna mapaan naaidana, haayjabadu nakhoygi tabiroi eina, maramdi nakhoygi nakhutmakna taaibanggi ee chuppi.
16 Nashaamak naanthokchou, nashaamak shengdokchou, eigi emitna uriba nakhoyna touriba phattabashingdu louthokkho. Phattaba thabak amuk haanna touraganu.
17 Aphaba thabak tounanaba laaknou. Achumbadu thijou, ot neiriba mishingbu chumthokpiyu, mapaa mamaa leitbashingbu kanbiyu, mapuroiba leitbashingbu yomkhatpiyu.
18 Houjikti maphamsida laak-u, eigaa waaphamdu khannasi, taakpiri Eeshorna asumna, nakhoygi paaptu angaangba machugi matougumlabasu oihan-gani eina laangi matougum nakhoygi paaptu munna ngaangba machugumna urabasu, makhoy angouba Samtugi matougumhn-gani.
19 Karigumba nakhoy pukning shenglaba amadi heiba ellabadi, chaagani leibaaksida houba aphaba mahei marongdu,
20 Adubu nakhoy haayba endraba aduga ngakchao theklaba, taaibang khudung ligani thanggi mayada chattuna, thokkani haayribashingsi ngangbikhrabanina Eeshorna."
Aranba touba saahar
21 Thaajabana thalamba saahardu, karamna oikhiba lamchat mangbi nupigumna, achumbagi khudam oinaa leirambi, ashengbatana mahaakki matik oirambi, adubu houjikti oire mihatpashinggi makon ngamnamak.
22 Nakhoygi silverdu mathi taanthoktriba amaangba silver oire, nakhoygi angur mahidu eeshing yaansille.
23 Oire lanhoubashing nahaakki ningthou machaashingna, chatli makhoyna huraanbashinggi marup oina, paammi khudingna senja thumja, tannari katlanaba khudon pot. Kanbide makhoyna mapaa mamaa leitbashingbu, hapte manaada makhoygi mapuroiba leitabi kanaagi waakat.
24 Maramsina haayri Eeshorna taakpiri nongthak nongkha anigi mapu, Eeshorna phongdokpiri Israelgi paanggallaba ebungngoduna: "aha, houjikti eigi yeknabashinggi mathakta eihaak shaaogani, ei eshamakna khumgani laman yeknabashinggi mathakta.
25 Nakhoygi mayokta eigi ekhutsi thamgani, eina nahaakki konthidu shoudok-hn-gani. Maanghan-gani nahaakki shengdaba nachudu.
26 Ihaan haanna loukhatkani nakhoygi waayenbashingdu, ahoubada kanbigani nakhoygi paaoutaak pibashingdu. Haayribasigi matungda kougani nakhoybu ashengba saahargi mi, haaynagani nakhoybu thaajabana thallaba saahar.
27 Achumbadutana Zionbu kanbigani. Masigi matungda leisaribishingduna mapaap haaydokcharabadi, kanbigani ashengbadugi mapaanna.
28 Adubu maanghan-gani ngakchao thekpa amadi paap toubashingdu, thaadokchariba Eeshorbu maanggani tumna.
29 Nakhoyna matik mayaai leire haayna ningjaduna, thupchariba uyung paambidu yengluraga ekaaiba nanggani. Nakhoyna pamjana khanjakhraba heikon leikonshingduna nanghn-gani nakhoybu namai phiruk khumba
30 Oigani nakhoy manaa khuithaaraba uyung paambigum maanggani leikon chaibidraba laaija eeshing.
31 Kalle haayduna leijaribashingduna thaao oigani, mahaakna toujaba thabaktuna meiri oigani, chakkani animak punna, leiraroi kanaasu kanbinaba.