Leviticus 27
Eeshorda khudon pot katpagi pathap
1 Eeshorna Mosesda haayrammi,
2 "Israelgi mishingda haayyu: Kanaagumba amanaa athoiba waashak amaa ngaaknaba mi oinaa Eeshorda katke ningduna katlabadi mahaakpu makhaagi mamalsi piduna handokpa yaai.
3 Matamdugi chatnabi peishaagi matung enna: chahi 20-dagina 60-suraba nupaa oiragadi silver shekels 50.
4 Nupi oiragana: silver shekels 30,
5 Naha paakhangmacha chahi 5-dagi 20-phaaobana silver shekels 20,
Nupi oiragana silver shekels 10,
6 Chahi 5-shudriba nupaa machaa oiragana silver shekels 5,
Nupi machaa oiragana silver shekels 3,
7 Chahi 60-dagi hellaba ahan oiragana silver shekels 15,
chahi 60gi mathakki nupi oiragana silver shekels 10.
8 Waashakliba nupaaduna yaamna laairaba mi oiduna haayriba mamalsi piba ngamdrabadi, nupaaduna katke ningkhiba midu puraklaga Purohitna nupaadugi mamal hanthana lepkani. Maasi waashakkhiba nupaadugi angamba yengduna tougadabani.
9 Asigumba waashakki khudonsina sagumba katke ningkhiba oiragadi, Eeshorgi maphamda katlariba pottu ashengba potni haayna lougani.
10 Katlariba nupaaduna masigi mamal piba nattraga mahut shinba yaaroi. Aphaphatta onnaba yaaroi. Nupaaduna shaadu katpa matamda atoppa shaa amanaa mahut shinge khallabadi, haannagi amadi mahut shinge haayna khalliba shaadu ashengbani haayna lougani.
11 Eeshorgi maphamda mahousana katnaba ashengba shaa nattrabadi, adugumba shaadu nupaaduna purohitki maphamda puduna laakkadabani.
12 Purohittuna shaadu aphabani nattraga phattabani haaybadu lepkani. Masigi mamal amaa purohittuna lepkani. maduna hongba leitraba mamalni.
13 Nupaaduna shaadubu handokninglabadi Purohitna shaadugi mamal leplaga nupaaduna sharuk mangaa thongatlaga loukhiba yaai.
14 Kanaagumba nupaa amanaa yum amaa ashengba mapham oinaba Eeshorda katke haayna leikhrabadi, Purohitna yumdu mamal yaambani nattraga yaamdabani haaybadu lepkani. Purohitna lepkhiba mamaldu hongba yaade.
15 Katkhiba nupaaduna yumdu handokninglabadi Purohitna lepkhiba mamaldu sharuk mangaa henna peisa oinaa piraga handokpa yagani. Peisa oinaa piraba matungda yumdu mahaakki oiba yaai.
16 Mapaa mapudagi phanghouba lam khara kanaagumba nupaa amanaa Eeshorgi maphamda katninglabadi, nakhoyna lepkadouba mamaldu lamdugi potthoktagi oigadabani. Phou kilo 20 Hunba chanba maphamdu silver shekels 50 oigani.
17 Chahi yaangkhei shubagi haraaoba numitta katpa oirabadi mamal matik chaana pigadabani. 18 Chahi yaangkheigi haraaoba numit loiraba matungda katpa oirabadi mathanggi chahi yaangkheigi haraaoba youdriba phaaobagi mamaldu purohittuna lepkani. Mahaakna mamalsi leppa matamda tathok tasin tougadabani.
19 Katlaiba nupaaduna lamdu handok-ninglabadi mahaakna peisa oinaa lepkhiba mamalduda sharuk mangaa hapkatlaga handokkadabani. Handoklaba matungda maasi mahaakkini haayna lougani.
20 Mahaakna lamdu handokningdaba nattraga atoppa mi amada yonthokninglabadi handokpa yaaroi.
21 Haayriba lamsi chahi yaangkhei shubagi haraaobaduda ashengba pot Eeshorgi oirabani haayna lougani. Mapudi Purohitna oigani.
22 Mapaa mapudagi phanghouba nattaba leiruba lam khara kanaagumbana katke ninglabadi,
23 Chahi yaangkheigi haraaoba youdriba matamdu purohittuna paangthoklaba haraaoba numittuda lepkhiba mamaldu Eeshorgi maphamda ashengba pot oinaa katkadabani.
24 Chahi yaangkheigi haraaoba laakpa matamda mapu mapugi oiramba nupaaduda handokpigadabani.
25 Mamal leppa pumnamak ningnashanggi chatnabi matung ennaa lepkadabani.
26 Adubu shaagi khudonkatpa matamdadi ahaanba pokpaa machadu Eeshorgini. Haayna tamkhrabanina kanaagumbana ahaanba pokpaa shaadu katpa yaaroi. San oirabasu yaao oirabasu Eeshorgini haayna tamkhrabani.
27 Katlariba shaaduna amaangba shaa oirabadi Purohitna leppa mamalduda handokkhiba yaai. Adubu mamalduda sharuk mangaa thonggatkadabani. Karigumba shaadu handokkhidrabadi lepkhiba mamalduda yonthokkhigani.
28 Kanaagumba mi amanaa Eeshorgi oinaa tamkhraba mi nattraga shaa nattraga mapaa mapudagi phanghouba lamdu yonthokpa nattraga handokpa yaade. Katkhraba potshingdu Eeshorgi maphamda thoidokna ashengba pot ngaktani.
29 Mi oirabasu katkharabadi handokpa yaade. Sihangadabani.
30 Shenkhaai thumkhaaidagi kaarakpa, leibaaktagi thokpa mahei marong, nattraga marushingdu Eeshorgi oigadabani. Katlariba pottu Eeshorgi khuyaakhaada thoidokna ashengba potni.
31 Nupaa amanaa mahaakna katkhiba changdu handokke khallabadi areppa mamalduda sharuk mangaa hapkatlaga handokpa yaai.
32 Shaa mashing thinaba cheina shokkhraba shaa taraagi manungda amam-mamdi Eeshorgini. Maasi san amadi yaao shanggu animakta mannagani.
33 Mapuduna shaashingdu masha noiba khaaidoktuna mayaang kngba loukhinaba shinbasu yaaroi. Mahut shinbasu yaaroi. Mahut shinba taarabadi mahut amadi haannagi animak ashengba potni haayna lougani.
34 Israelgi mishinggi damak Sinai chingdonda Mosesgi maphamda pikhiba yaathangshingduni.