Judges 9
Abimelek
9 Jerub-Baalgi machaa-nupaa Abimelekna Sechemda leiba mamaagi mari matasinggi manaakta chatlammi. Mahaakna maphamdu youraga makhoyda Sechemda leiba misingda asumna hangnaba haayrammi. 2 'Gideonna poklamba machaa-nupaa 70-sina nakhoybu waayebaga mi amattana waayelbaga karambana paambage? Abimelek haaybasi nakhoygi eremkhakni haaybasi kaobiganu." 3 mamaagi mari matasingduna Sechemda leiriba miyaamduda haayriba waaphamsi haidokhi adugaa Sechemda leiriba misingduna Abimelekki tung enge khankhi maramdi Abimelek makhoygi erem-ni khankhi. 4 makhoyna Baalgi laisangdagi silver shekels 70 maangonda sinnarammi adugaa masina mahaakna lamhenba mi kaanglup amaa khomduna mahaakki tungillahankhi. 5 Mahaakna Ophrahda leiba Jerub-Baalgi machaa-nupaa 70-du nung amagi mathakta sadan oiduna haatlammi. adubu Jerub-Baalgi machaa-nupaa eton tonba Jothamdi lotkhiduna haatpa phangkhide. 6 Sechem amadi Beth Milloda leiba misingna punna tinnaraga Abimelekpu ningthou oinaa hapkhi. Masimak Sechemda leiriba asengba uyung paambidugi makhongda paangthok-khibani.
7 waaphamsi Jothamna taaraba matungda Gerizim chingdonda kakhatlaga tengthaajakhi. Mahaakna khonjen waangna laoraduna Sechemda leiba misingda haaykhi, "Sechemda leiriba mising, Eesor-na nakhoyna haayjaba tabinabagidamak eina nakhoyda haayriba waasingsi taao. 8 thaainagi waani ukhambisingna makhoygi ningthou amaa khallammi. makhoyna chorphon paambi amada 'eikhoigi ningthou oibiyu.' haayjarammi. 9 Masida chorphon paambiduna makhoyda haaykhi, "nakhoygi ningthou oinanabagidamak laai amadi misingna ekaai-khumnabaga loynanaa sijinnariba eingondagi thokpa thaosi thok-handaba tari?" 10 Usingduna maasi taabada theibong paambida amuk haayjarammi, “nahaak eikhoygi ningthou oibiyu." 11 Theibong paambina makhoyda haayrammi, "eina eigi athumba amadi eigi esaada paalliba uheisingsi thaadoktuna nakhoygi nathakta haayna humna ningthou oiba tari?" 12 U-singna masigi matungdasu angur paambida haayrammi, “nahaak eikhoygi ningthou oibiyu." 13 angur paambina makhoyda haayrammi, "laai amadi taaibang mina phaaoba kallaknariba eigi eheisingsi thaadoktuna nakhoygi ningthou oiba tari?" 14 Masigi matungda usingduna tingkhang paanba mari chatpa uri amada haayrammi, “nahaak eikhoygi ningthou oibiyu." 15 Tingkhang paanba uriduna makhoyda haayrammi, "nakhoyna thamoi sengna eihaakpu ningthou oinanaba thaao noige haayrabadi phaare, nakhoy pumnamak eigi erumda thupchaba yagani. Karigumba maasi nattrabadi eigi tingkhangsingsidagi mei thoraktuna Lebanangi deodar paambi-singdu chakthekpa oisanu."
16 maramsina houjikti nakhoyna Abimelekpu ningthou oinaa thaao noiba matamda thaajaba amadi ekaai-khumnabaga loynanaa paangthokpa oirabadi, adugaa nakhoyna Jerub-Baal amadi mahaakki emunggi misingbu thoidokpa thaajadaba amatta leitaana mari leinaba oirabadi, mahaakna touramba aphaba thabaksingdugi matik chaaba lamandu nakhoyna mahaakki mamingda singba oirabadi, 17 Samna haayrabada eigi epaana nakhoygi damak laanthengnakhi haaybasi asengbani. mahaakki Mathawaai yonduna nakhoybu Midiansinggi makhuttagi kanbikhi. 18 adubu ngasidi nakhoyna eigi epaana nathakta araanba thabak toure. Mahaakna poklamba machaa-nupaa 70-bu nung amagi mathakta haatkhi. mahaakki atonbina pokpaa Abimelekpu nakhoygi eremkhakni haayduna ningthou oinaa pannanaba haayduna nakhoyna thaao noire. 19 adubu ngasi eina haayjari nakhoyna ngasi touribasi Gideon amadi mahaakki emunggi misingda toupham thokpani haayna ninglabadi adugaa chumna chumna touba oirabadi, Abimelekna ningthou oibaduda nakhoy nungaaiyu adugaa mahaaksu nakhoyga nungaaina paanba oisanu. 20 maasi natlamdrabadi, Abimelektagi mei thoraktuna Sechem amadi Beth Milloda leiriba nakhoy pumnamak chakthekpa oisanu. Sechem amadi Beth Milloda leiriba misingdagi meisu thoraktuna Abimelekpu chakthekpa oisanu." 21 maasi haairam-laga mayaamba Abimelekpu kibadagi Jotham chenkhiduna Beer kouba maphamduda leikhi.
22 Abimelekna Israelgi misinggi mathakta chahi ahum ningthou oinaa pankhi. 23 Eesor-na Abimelek amadi Sechemgi misinggi marakta amanaa amabu nungsinadaba thouraang amaa sinkhi amasung makhoyna mahaakpu yaaningkhide. 24 maasi Abimelek amadi Sechemda leiriba misingna Gideonna pokpaa machaa-nupaa 70 haatkhibadugi laman oinaa thok-khibani. 25 Sechemda leiba misingna Abimelekpu haatna-naba chingdonda lonna mi thamkhi. makhoyna ching samduna chatpa misingbu namduna mapot munbikhi. Haayriba waasi Abimelekna taakhi. 26 Ebedki machaa-nupaa Gaal matamduda mahaakki mari matasinga loynanaa Sechemda laakkhi. Sechemgi misingna mahaakpu yaamna thajakhi. 27 Makhoy loynanaa angur engkhonda chat-tuna mahei heklaga maphamduda mahi louthoklaga chaak chaanaba amaa paangthokkhi. makhoyna ningliba laidugi laisangda changduna makhoyna chathakkhi adugaa maphamduda Abimelekpu yaamna cheikhi. 28 Ebedki machaa-nupaa Gaalna haayrammi, "Abimelek kouba nupaadu kanaano? Mahaakna Sechemda leiba eikhoyga kari mari thoknaduna mahaakki maakha pongadouribano? mahaak Gideongi machaa-nupaani. masina loire. Zebulna mahaakki yaathangsingdu paangthokli adubu karigidamak mahaakki maakha pongadou-ribano? nakhoygi jatsibu thok-hankhiba nakhoygi napaa napuni haayna leiriba Hamorbu ekaai khumnou. 29 Karigumba misingsi eigi ewa tabasing oiramlabadi eina Abimelekpu namthaba ngamgani. Eina maangonda laanmi masing yaamna sem-saaraga lanba tounaba thorak-u hainingbani."
30 sahardubu ngakselliba Zebulna haayriba waaphamsi taabada Ebedki machaa-nupaa Gaalbu yaamna saaorammi. 31 aarumahda leiriba Abimelekki maphamda mahaakna paao amaa thaakhi. Mahaakna haayhankhi, "Ebedki machaa-nupaa Gaal amadi mahaakki machin manaaosing Sechemda laaktuna leire. makhoyna nahaakpu maphamsida changlakpa yadanaba sille. 32 masina nahaak amadi nahaakki misingna laakpa matamda numidaangda laaklaga loubukta lottuna leigadabani. 33 ayukta nganna hougatlaga sahardugi mayokta laanjangba taay. Gaal amadi mahaakki misingna nahaakki mayokta thorakpa matamda nahaakna makhoybu touningba maongda touba ngamgani."
34 Abimelek amadi mahaakka loynanaa leiriba laanmi singna kaanglup mari thokna khaaidoktuna Sechembu laksinnaba lumduna leikhi. 35 Ebedki machaa-nupaa Gaalna thoraktuna sahardugi thonggalda leptuna leirammi. Abimelek amadi mahaakka loynanaa leiriba misingduna lumduna leirambadagi thoraktuna koisinba hourammi. 36 Gaalna misingdu ubada Zebulna maangonda haayrammi, chingdondagi mising kumthaba hourakle Zebulna maangonda haaykhi "madu mi natte. Chingdonda u-waagi mami taaba ubani."
37 Gaalna Amukka haaira klammi, "tam-paktasu mi laakpa houre. kaanglup amadi waa taakthokpa singgi uyung makhonglomdagi laakpa ure."
38 Zebulna maangonda haayrammi, "nahaakna waajao ngaangbadu kari thokle. Abimelekpu karigidamak eikhoyna seba tougadouribano haaykhiba nupaadu nahaakni. Nahaakna yaamna thina ngangkhiba misingdu laaklibasingsini. houjikti mapaan thoktuna haayriba misingsiga lanba touro." 39 Gaalna Sechemgi misingbu chingduna Abimelekka lanba tourammi. 40 Gaal chenkhi adugaa Abimelekna mahaakpu tannakhi. mi kayaamarum sokkhi. sahardugi thonggalda leiramba misingsu asok apan thokkhi. 41 Abimelek aarumahda leikhi. Zebulna Gaal amadi mahaakki machin manaaosingbu Sechemdagi taanthokkhi. Makhoy maphamduda leiba ngamkhide.
42 Mathanggi numitta misingna loubukta chatlammi. waaphamsi Abimeleklakta tam-lammi. 43 mahaakki misingdu kaanglup ahum thokna khaaidoklammi. Loubukta yeknaba-singdu ngaaiduna leirammi. Mahaakna yengthok-khibada misingdu loubuklomdagi laakpa urammi. Mahaakna makhoygi mayok yaaduna haatkhi. 44 Abimelek amadi mahaakka loynariba misingduna chenkhiduna sahardugi thonggalda leiptuna leiringeida kaanglup aniduna loubukta leiriba misingdu loina haatkhi. 45 Abimelekna nongma chupana saharduda leiriba misingdugi mathakta laanjangkhi. Mahaakna sahardubu laksinduna maphamduda leiramba misingdubu haatkhi. saharduda leiramba mi pumnamak tumna haatkhi adugaa thum chaaithokkhi.
46 Sechemgi awaangba dalaanda leiriba misingduna maasi taabada kiraduna Elberithki laanbanduda changduna lotlammi. 47 Sechemgi awaangbada dalaanda leiriba misingduna laansoknanaba sem saare haaybasi Abimelekta tamkhi. 48 Abimelek amadi mahaakka loynariba misingna Zalmon chinggi matonda kakhatlammi. Abimelekna sinjang amaa pairammi. Mahaakna yaanggen paambi yaallaga marengbaanda puduna chatlammi. mahaakka chatminnariba misingduda haayrammi, "eina touribasigumna nakhoy pumnamak yaamna thuna touro." 49 mi khudingmakna yaanggen masa theklaga marengbandda haaptuna puraga laanbangi phaklangda ngaduna thamlammi. Masasingdu mei thaaduna laanbanduda leiramba nupaa nupi amadi angaang loina tharaga 1,000 rom haatkhi.
50 Masigi mathangda Abimelekna Thebez taanna chat-tuna Tebezgi mathakta laandakhi. Tebezgsu mahaakna laksinba ngamkhi. 51 Haayriba saharsida yaamna cheksinna saraba laanban amaa leirammi. maadugi manungda nupaa nupi pumnamak lotlammi. misingduna thong thingjillaga dalandugi matonda kakhattuna leirammi. 52 Abimelekna laanjangba matamda dalandu meida tharage haayduna thongdu tamna changsinkhi. 53 Matang chaana kanaagumbi nupi amanaa Abimelekki makokta thadarakkhi amasung Abimelekki makoktu kaikhi. 54 Mahaakna yaamna thuna mahaakki khut-lai paayba nupaadubu kouraduna asumna haaykhi, "nahaakki thangdu sattoktuna eibu haatlu nattrabadi miyaamna eibu nupi amagi makhutta laankhibani haayna waarinahougani. mahaakki khutlai paayba nupaaduna mahaakpu haatkhi. 55 Israelgi misingna Abimelek sire haaybasi urabada mayum mayumda hannakhi.
56 Matou asumna Eesor-na Abimelekna machin manaaosing haattuna mapaagi mayokta araanba thabak toukhiba maheidu phanghankhi. 57 Eesor-na Sechemda leiriba misingdusu manaa manaa toujaba marandugi matung ennaa dandi pikhi. Makhoygi mathakta Jerub-Baalgi machaa-nupaa Jothamna toukhiba saaptu pankhi.