2 Chronicles 18

Maaichou Micaiahna Ahabpu khu-selhanba

 (1 Ning22:1-28)

1 Judahgi ningthou Jehosaphat enaak yaamna khullammi. Mahaak mamingsu yaamna chatpa ningthou amaa oirammi. Ningthou Ahab mahaakki emunggi mi amaaga luhongnaba waaroipot pukhi.

2 Chahi kayaamarumgi matungda Jehosaphatna Samariada chattuna ningthou Ahab unarammi. Jehosaphat amadi mahaakka loynanaa laaklibashingdu ekaai-khumnaba oinaa Ahabna usob amaa paangthoknabagidamak yaao amadi shaa-san yaamna haatlammi. Mahaakpu Ramoth Gileadta laandasi haayna thoujaallammi.

3 Israelgi ningthou Ahabna Judahgi ningthou Jehosaphatta haayrammi, "eiga loynanaa nahaak Ramoth Gileadki mathakta laandaba chatkadra?" Jehosaphatna khumlammi, "Eihak nahaakmakni ningbiyu. Nahaakki amadi eigi mishingsu amattani. Maramsina laandabasi eihaak shoydana yaaogani."

4 Maasi haayraba matungda mahaakna makhatana haayrammi "adumakpu Eeshorgi laaibaodi amuktang tathoksi."

5 Maramsina Ahabna maaichou Cham-rirom kouraduna hanglammi, "Ramothki mathakta eihaak laandasira nattraga toksira?" Makhoyna haayrammi, "laandaba yaai. Eeshorna laan ngamhanbigani."

6 Adubu Jehosaphatna haayrammi, " Eeshorgi laaibao ashengbadu phangnanaba kanaagumba atoppa maaichou leitrabara?"

7 Ahabna haayrammi, "Imlahgi machaanupa Micaiah kouba maaichou amaa leiri. Eihaak mahaakpu thawaayna yaaningde maramdi mahaakna karigumbadasu eigi eramda aphaba paao amatta phongdokte. Matam leibada phattaba paaoda phongdok-e." Jehosaphatna haayrammi "ningthouna haaybiribadu chumde."

8 Maramsina ningthou Ahabna phamnaaiba amaa kousilladuna haayrak-e, "Imlahgi machaanupa Micaiahbu maphamsida yaamna thuna purak-u."

9 Matamsida Judahgi ningthou amadi Israelgi ningthou animak maphamlangda phamduna leirammi. Ningthiraba phijetna leitengladuna Samariagi changphamda leiriba leitem mannaba lampaktuda makhoy animak phamduna leirammi. Maphamsida maaichoushingduna laaibao leikhaai taarammi.

10 Kenaanahgi machaanupa Zedekiahna yotna shemba machi paanba chei amaa pairaga ningthou Ahabta haayrammi, "Eeshorna taakpiri: Cheishingsi paayduna Syriagi mathakta laan houduna mapungphana maaythiba pigadabani."

11 Atei maaichou tillamlibashingdu mahaakna haaybadugumna chinkhum amatta oinaa phongdo klammi. Makhoyna haayrammi, "Ramothki mathakta laandaba matamda nakhoyna maay paakkani." makhoyna haayrammi," Eeshorna nakhoybu maay paakhanbigani.

12 Matamsida Micaiahbu kouba chatkhiba phamnaaibashingduna haayrammi, "ningthouda handakkisi maay paakkani haayna maaichou ateina haayrabanina nahaaksu makhoyna haayribasigumna haayba phagani."

13 Adubu Micaiahna haayrammi, "sinaidaba Eeshorna saakhi oisanu epuroina taakpiba aduta eina phongdokkani."

14 Mahaakna ningthou Ahabki manaakta laaklaba matamda ningthouna hanglammi, " Micaiah, ningthou Jehosaphat amadi eina Ramothta laandaba matamda maay paakkadra nattraga pakloidra?" Micaiahna haayrammi, "Laandaba yaai. Eeshorna maay paakhanbiba yaai."

15 Maasida Ahabna haayrammi, "nahaakna Eeshorgi minglen panduna ngaangba matamda achumba haayyu haaykhibani. Masigi maramda nahaakki naphamda eina kayarak haanna ningshingsige?"

16 Micaiahna khumlammi, "Israelgi laanmi shingna yaaoshenba yaaodraba yaaoshinggumna chingda choijaainana leibadu eigi mitsina uri. Eeshorna taakpiri: mishingsi luchingba yaaodre maramsina makhoybu mayumda halhankhre."

 17 Ahabna Jehosaphatta haayrammi, "masina keidoungeidasu eigi eramda aphaba waa amatta phongdokte haayna eina haayjakhrabaduni. Mahaakna matam leibada phattabada haayduna leiribani."

18 Micaiahna makha taana haayrammi, "Eeshorgi laaibaosi houjikti taro: Dutshingna koishinduna Eeshorna koirou nongmadonda nganthoiduna leiribadu eina urammi.

19 Eeshorna hanglammi, " Ahabpu thajahanduna Ramothta laandanaba chatnanaba kanaana enshinba chatkani? Dut kharana amaa haay aduga atoppa kharana amaa haay.

20 Thawaay amaa thoraklaga Eeshorda haayrammi, "Eina mahaakpu minamba ngamgani. Eeshorna hanglammi, "matou karamna?"

21 Thawaayduna haayrammi, "eina chatlaga Ahabki maaichoushingda changduna oidaba ngaakta haayhangani. Eeshorna haayrammi, "chatlo amasung mahaakpu minamlo. shoydana nahaakna maasi touba ngamgani."

22 Maasi haayraba matungda Micaiahna haayrammi, thoklagadouriba thoudoktu masimakni. Eeshorna nahaakki maaichoushingsi minambani. Maramsina makhoyna nahaakpu minamgani. Adubu Eeshor mashaamakna nahaak maphamduda thawaay thaagani haaybasidi phongdoklabani."

23 Maasida maaichou Zedekiahna Micaiahgi manaakta changsillaga mamaida khupaakna thaarammi amasung haayrak-e, " keidoungeidagi houna Eeshorgi thawaayduna eibu thaadoklaga nahaakki naphamda leirabage?"

24 Micaiahna khumlammi, "maningda leiba ka amada nahaakna lotnanaba chen-sinba matamda khanglakkani."

25 Maasida ningthou Ahabna phamnaaiba amada yaathang pirammi, Micaiahbu phaaduna leibaak ngaakpa Amon amadi ningthou machaa Joaski maphamda thakhro aduga 26 Mahaakpu keishumshangda thamnanaba yaathang tou. maduda thamba matamda mahaakki chinjaak oinanaba talga eeshinggada pigadabani. Maasi eina ashoy angaam yaaodana hallaktriba phaaoba chatthagadabani."

27 Micaiahna maasida laaoraduna haayrammi, "Karigumba nahaakna ashoy angaam yaaodana hallakpa thoklabadi Eeshorna eingonda waaphamsi taakpikhiba natte haayna khangu. makha taana mahaakna haayrammi, ngasi tilliba miyaam-sinasu eina ngasi haaykhriba waasi tabihou."

Ahab shiba

(1 Ning 22:29-35)

28 Israelgi ningthou Ahab amadi Judahgi ningthou anina Ramoth Gileadta laandanaba chatlammi.

29 Matamsida Ahabna Jehosaphatta haayrammi, "Eikhoina laanphamda changba matamda eihaak eshak lottuna change aduga ningthoudi adum ningthougi phidu setpiyu." maramsina Israelgi ningthoung phijet onthoktuna laan changlammi.

30 Syriagi ningthouna dolai laanmigi luchingbaduda haayrammi, "Israelgi ningthoutabu tannou. Kanaabusu tannaruganu."

31 Dolai laanmishingduna Jehosaphatpu ubaa matamda haayrammi, "Israelgi ningthoudu ada leire. "maramsina makhoyna mahaakpu tansillammi. Adubu Jehosaphatna laaorakpa matamda Eeshorna mahaakpu kanbikhi. Tan-sillakpadu nakhoynana chatkhi.

32 Dolai laanmishingduna mahaak Israelgi ningthou natte haayba khanglakkhi maramsina makhoyna Jehosaphatpu tannaba tokkhi.

33 Adubu tanja chaaba khonghou amada Syriagi laanmi amanaa ten kaplakpa matamda khutlai happham amadi Ahabki saun atoppa adugi karakta paankhiduna dolai thouriba nupaaduda laaoraklammi, "eihak tenna palle." haanna chatlo aduga laanphamsigi waangmada eibu puthok-u."

34 Landu thengnari maramda ningthou Ahab dolai mathakta tongduna Syriagi laanmiro-mda onshinduna leirammi adubu mahaak numit taarakpa matamda shikhi.