2 Corinthians 13

Paulna makhoyda laakkani haayduna mit-na singhanba

13 Eina nakhoyda laakkadouriba asina ahumlak subani. saakhi ani ahumgi machinda waa khuding lephan-gadabani. 2 haanna paap toukhibasingda amasung atei pumnamakta eina haanna haaykhre, adugaa eina leiba anisuba matamdagumna, houjik leitrabasu, maangjounana haayribani eina amuk haanna laaklabadi, makhoybu eina kanbiroi; 3 maramdi Christana eigi nungda ngaangbagi khudam nakhoyna thiribani; ebungngona nakhoyromda sonde, adubu nakhoygi narakta paanggal kalli. 4 maramdi sonbadagi ebungngobu crossta haatle, adumakpu Eesor-gi paanggaldagi ebungngona  hingi. maramdi eikhoysu ebungngo-ga sonminnei, adubu Eesor-gi paanggaldagi nakhoyromda eikhoyna ebungngo-ga hingminnagani. 

5 nakhoyna thaajabada leibra leitabra nakhoy nasaamak chaang yengjou; nakhoy nasaamak khanjou. Nattraga Jesus Christa nakhoygi manungda lei haayba nakhoy nasaamak khang-jadabra? Leitrabadi, nakhoybu yaadabani. 6 adubu eikhoybu yaadaba natte haayna nakhoyna khanggani haayduna eina tarang tarang khangna ningi. 7 houjik nakhoyna karisu phattaba toudanaba eikhoyna Eesor-da haayjari; eikhoybu yabida uhannanaba nattaduna, eikhoybu yaadabagum oirabasu, nakhoyna aphaba adu tounanabani. 

8 maramdi eikhoyna achumbabu yeknaduna karisu touba ngamde, adubu achumbagi damakni. 9 maramdi eikhoyna sonba adugaa nakhoyna kanba matamda eikhoyna haraaojei; nakhoygi ch-ngkhonbagi damak asi eikhoyna haisu haayjari. 10 Sidoknanabagi damak nattana, saagatnabagi damak Eesor-na eingonda pibiraba matik adugi matung ennaa eina nakhoygida leiba matamda tamthina toudananaba, maram asigi damak eina leitbada asi eri.

 

Aroiba wa

11 Akonbada, echin-enaaosa, nungaai yaaiphou. Changkhollaba oibiyu, themjinbida loubiyu, pukning amata oibiyu, engthana panbiyu; adugaa nungsibagi amasung engthabagi Eesor aduna nakhoyga loinabigani. 12 sengna chupnabaga loynanaa amanaa amabu khurumnou. 

13 asengba-sing pumnamakna nakhoybu khurumjari. 14 ebungngo Jesus Christagi thoujaal, Eesor-gi nungsiba amasung thawaay asengbagi, tinnaba adu nakhoy pumnamakka loinabisanu.