1 Kings 12

Awaang thangba romda leiba Jaatshingna lanhourakpa

(2 Miron 10:1-9)

1 Awaang thangba Israelgi mishingna Shechemda ningthou haapnanaba punduna leirammi maramsina Rehoboam maphamdu taanna chatkhi.

2 Nebatki machaanupa Jeroboamna waaphamsi Egyptta leiringeida taakhi, maramsina mahaak thuna Egypt thaadokkhi. Matamsida Solomongi makhuttagi naanthoktuna chenkhibadagi Egyptta leikhibani.

3 Makhoyna mi khara thaaduna Jeroboambu kouhankhi aduga mahaakka loynanaa miyaamduna Rehoboamgi manaakta chatlaga haaykhi:

4 "Nahaakki napaa Ebungngona eikhoybu thina thoukhi aduga mahaakna eikhoygi ethakta taahallamba thoudangsi thoidokna khaangbada waaraba amani. Karigumba nahaakna potlumsi hanthallabadi aduga eikhoygi punsi nungaaina lelhange haayrabadi, nahaakki haayba enba praja oinaa leiba ngamgani."

5 Maasida Rehoboamna haayrammi, "numit humni leiraga nakhoy eigi enaakta amuk hallak-u.Matamduda eina kari tougani haaybadu phongdokpigani."

6 Ningthou Solomongi matamda leiramba ahanshingga Rehoboamga waatanarammi amasung mahaakna makhoyda haayrammi, "miyaamsida kari paaoukhum pisige ? Ahanshingna kari paaoutaak pibiningbage?"

7 Makhoyna khumlammi, "makhoygi maphamda thoujaan uttuna potlum khara yaanghallabadi aduga athotpa waaheina makhoybu themlabadi matam leibada makhoy nahaakki praja oigani."

8 Adubu mahaakna ahanshingna piba paaoutaaktu louramde mahaakka houminnaba nahashingdagi paaoutaak loukhi.

9 Mahaakna makhoyda haaykhi, "miyaamsigi maphamda kari haaysige? makhoyna haayri makhoygi mathakta thamliba pathapsi kanmalli haayri. maasida nakhoyna kari paaoutaak piningbage?"

10 Makhoyna paaoukhumkhi, "nahaakna makhoyda haaygadouba waadi asini: eigi khutnaobisina epaagi makhwaangdagi henna chaaobani.

11 Epaana nakhoyda potlum puhallamba yaai, adubu madudagi henna lumba napot phanaba eina hapchillakkani. Mahaakna shaajeina nakhoybu phuramba yaai adubu einadi nakhoybu shagol shaajeina phugani."

12 Numit humni leiraga Jeroboam amadi miyaamdu ningthou Rehoboamgi manaakta laaklammi. 13 Ningthouna ahanshingna taakpiba paaoutaaktu ellamde aduga nahashingduna pikhiba paaoutaaktu enduna

14 Miyaamda yaamna thina ngaangba houraklammi. Mahaakna miyaamduda haaykhi, "ipana nakhoyda potlum puhankhi adubu madudagi henna napot phanaba eina haapchingani. Mahaakna nakhoybu shaajeina phukhi adubu einadi nakhoybu shagol shaajeina phugani."

15 Miyaamna ningthouda haayjakhibadu tabikhide maramdi Nebatki machaanupa Jeroboamda Silohdagi maaichou Ahijahna phongdokkhiba Eeshorgi laaibaodu chumna thoknaba haayduna Eeshorna tongaanba thousin amaa paaykhatkhi.

16 Miyaamduna makhoyna haayjaribadu ningthouna tabide haaybasi khanglabada laaorak-e" David amadi mahaakki dhaaraabu thaadoklo, makhoyna eikhoygidamak kari toubirabage? Israelgi miyaam-shing, eikhoy yum yumda hallasi. Rehoboam masha matomta kanjaba ngamnaba leihourasanu." Matou asumna Israelgi mishingna lanhouba hourakkhi.

17 Matamsida Rehoboam Judahgi lamda leiriba mishinggi ningthou oinaa leihouwi.

18 Ningthou Rehoboamna namduna thabak shubashingbu pannahalliba Adoniram thaaduna themjinnaba hotnakhi adubu Israelgi mishingna nungna thaaduna mahaakpu haatkhi. Maasi ubada Rehoboamna khonglei thuna naanthokkhiduna Jerusalem taanna dolai tongduna chenkhi. 19 Matamsidagi houduna awaang thangba Israelgi mishingna Davidki chaaron-shuronshinggi mathakta laan houduna laakkhi.

20 Israelgi mishingna Rehoboamna Egypttagi hallakle haayba paaosi taabada miyaam tinba amada mahaakpu laaknaba baarton tourammi aduga haayriba mitinsida mahaakpu Israelgi ningthou oinaa khankhi. Davidki machaa-masushinga leihouba haaybabu Judahgi mishingda oirammi.

Shemaiahgi laaibao

(2 Miron 11:1-4)

21 Rehoboamna Jerusalemda hankhraga Benjamin amadi Judahgi miyaam-shingdagi laanmi 180,000 shemgatkhi. Haayriba laanmishingsi puduna mahaakna awaang thangba leibaak Israelgi mishingna taribadu loushin-ge hotnarammi.

22 Adubu Eeshorna maaichou Shemaiahda,

23 Rehoboam amadi Benjamin amadi Judahgi miyaamduda asumna haayhallammi:

24 Nahoigi nachin nanaaoshinggi mathakta lanhouba hounade. Nakhoy pumnamak nayumda hallo. Thokliba pumnamaksi eigi ningbadugi matung ennani." maramsina makhoy pumnamakna Eeshorgi yaathangdu elladuna mayumda hannakhi.

Jeroboamna Eeshorbu thaadokpa

25 Matamsida Jeroboamna Ephraimgi chingda leiriba Shechem shaagatlammi. Maphamduda mahaak matam khara leikhi. Masigi matungda mahaakna Peniel Shemgathkhi

26-27 Jeroboamna khanjaram-i, "houjik oiriba phibamsida karigumba eigi miyaamsina Jerusalemda chattuna Eeshorgi khuyaakhaada thounachingba katlunaba ningnashanglenda chatpa matamda Judahgi ningthou Rehoboamga waatannaduna makhoyna eibu haatkhiba yaai."

28 Waaphamsi yaamna kupna khallaba matungda mahaakna sanaana sanlaba ani shaakhi amasung miyaamda haayrammi, "nakhoyna Jerusalemda chattuna Mapubu khurumjaraklibasi matam kuire. He Israelgi miyaam, nakhoybu Egypttagi pubirakkhiba Eeshordu maphamsida leire."

29 Mahaakna sanaana shaakhiba sanlaba amaa Bethelda thamkhi aduga atoppa aduna Danda thamkhi.

31 Chingdon kayaada Jeroboamna ningnashang kayaa amasu shaakhi. Levi shaageidagidi nattaba mi kayaamarumbu mahaakna purohit oinaa khankhi.

Bethelda eratpadu araanbani haaykhiba

32 Judahda paangthokpa chaakkhaangba adugumna Jeroboamna laining chaakkhaangba amaa nipaannishuba thaagi taraamangani paanba numitta paangthokkhi. Bethelda thamliba phaankhong mahaakna shaakhiba sanlabaduda thounachingba paangthokkhi. Ningnashangni haayna mahaakna shaakhiba maphamshingdugi purohit shingdu kouduna Bethelda thamkhi.

33 Nipaanshuba thaagi taraamangani shubaa numitsida mahaakna numit tamkhiba matungna Bethelda chatladuna thou toukhi. Numitsida haayriba phaankhongsida Israelgi mishinggi damak thou paangthokkhi.