Revelation 14
Thaaoumei amasung handokpirabashinggi maramda uhanbiba
1 Amasung eina ure, amasung yeng-u Zion chingthakta yaao machaa aduna lepli, aduga makhoygi maraibakta ebungngogi ming amasung mapaagi ming eduna leiba 144,000 Ebungngoga loynari.
2 Amasung awargadagi khonjen amaa eeshing mayaamgi makhongumna aduga akanba nong khakpagi makhongumna eina taare; amasung eina taaraba khonjen adu pena khongba shingna makhoygi pena khongbagi makhon gumbani.
3 Amasung phambaal adugi, mathawaay paanba mari adugi, amasung ahallaman shing adugi maangda anouba eshei amagumna makhoyna shak-e; aduga prithibidagi leibiraba mi 144,000 Aduna nattana, eshei adu mi kanaa amatana tamba ngamlamde.
4 Asishingdi nupishingga amaangba leinadaba makhoyni maramdi makhoy ashengbashingni. Asishingdi yaao machaa aduna chatpachatpada matung enbashingni. Asishingbu mishinggi maraktagi Eeshorgi amasung yaao machaa adugi maphamda ahaanba mahei oinanaba leirabani.
5 Amasung makhoygi machinda chinthiba phangde; makhoygi amakpa leitbani.
Swargadut ahumgi maramda uhanbiba
6 Amasung prithibida shingda, aduga jat, shalaai, lol amasung mi khudingda haaydoknanaba, loyba naaidaba aphaba waapaao leiba swargadut atei amanaa atiya mayaaida paairiba eina ure; 7 Amasung mahaakna awaangba khonjenna haay, Eeshorbu kiyu, aduga ebungngo mahaakki thaagatlu, maramdi ebungngo mahaakki waayennanabagi pung laakle; amasung atiyabu, prithibibu, samudrabu amasung eeshinggi eephut makheibu shembiraba ebungngo mahaakpu khurumjou.
8 Amasung matung thangba anishuba atei swargadut amanaa haay, tune, ture, jaat pumnamakpu maagi marumbi thabakki maramda meihouna shaaoba adugi yu thakhanba Babylon achouba adu!
9 Makhoygi matung thangba ahumshuba atei swargadut amanaa haay, kanaagumbana shaa adubu amasung maagi murtibu khurumduna, maagi maraibakta nattraga makhutta khudam phanglabadi;
10 Manasu Eeshorgi ashaaobagi tenggotta yaannadana langkhraba ebungngo mahaakki meihouna shaaoba adugi yu thakkani; aduga maabu meina amasung gandupna ashengba swargadut shinggi aduga yaao machaa adugi maangda waahn-gani.
11 Amasung makhoybu waahanbagi meikhu adu loyba naaidana kakhatli; aduga shaa adubu amasung maagi murtibu khurumbashingnasu, maagi minggi khudam phangba kanaagumbanasu, makhoyna ahing nungthil pothade.
12 Asida ashengbashinggi, haaybadi, Eeshorgi yaathang makhei amasung Jesusbu thaajaba adu ngaakpashinggi khangheiba adu lei.
13 Amasung swargadagi khonjen amanaa asi haayba eina taare, isillu, houjiktagi houna Eeshorda shibashing yaaiphei. Thawaay aduna haay, hoy, makhoy makhoygi nombadagi pothaajasanu; maramdi makhoygi thabak makhoyga loinei.
Taaibang-paangi lou khaaoba amasung angur chaarong khaaoba
14 Amasung eina ure, aduga yeng-u, angouba leichin, amasung leichin adugi mathakta makokta sanaagi luhup aduga makhutta athouba thaanggol leiba migi machaanupa maanba amanaa phammi.
15 Aduga atei swargadut anima ashengba sangdagi thoklaktuna leichin mathakta phamliba ebungngoda khonjen waangna laaorak-e, ebungngogi thaanggol adu thabiraktuna, lou khaohanbiyu, maramdi khaonabagi pung adu laakle, maramdi prithibagi lou mulle.
16 Amasung leichin mathakta phamba ebungngo aduna prithibida ebungngogi thaanggol adu tharaduna, prithibibu khaore.
17 Amasung atei swargadut amanaa swargada leiba ashengba shang adudagi thoklakle. Mahaakkisu thaanggol athouba amaa leirammi.
18 Aduga meigi mathakta matik leiba atei swargadut amanaa laatnapung adudagi thoklaktuna, athouba thaanggol leiba mahaak aduda khonjen waangna kourak-e, nahaakki athouba thaanggol adu thaaduna Prithibigi angur marigi chaarong chaarong adu khaojillu, maramdi madugi mahei pummul mulle.
19 Amasung swargadut aduna mahaakki thaanggol adu prithibida thanduna, Prithibigi angur mahei adu khaojillaga, madu Eeshorgi meihouna shaaobagi angur mahei netpham achouba aduda hunjille.
20 Aduga angur mahei netpham adu saahargi mapaanda netlammi, amasung sagonshinggi yachal youba phaaoba angur mahei netpham adudagi ee miles 200 Thaapna thokle.