Acts 7
Stephengi shaandokpa waa
1 Adudagi purohitlenna haay, waashing asi chumbra?
2 Maduda mahaakna haay, he echin-enaaosha amasung epa epansa, tabiyu. Matik mangaangi Eeshor aduna eikhoygi piba Abrahamda, mahaakna Haranda leiramdringeida Mesopotamiyada leiringeida,
3 Uhanbiduna maangonda haay, nangna nareibaktagi, amasung nanggi shaagei-naateidagi thoklaktuna eina nangonda uhan-gadaba leibaak adu taanna laak-u.
4 Matam aduda mahaakna Kaldiyashinggi leibaaktagi thoklaktuna Haranda leirare; aduga mahaakki mapaana sikhrabada, madudagi nakhoyna houjik leiriba lam asida Eeshorna mahaakpu honghallakle;
5 Aduga ebungngo mahaakna maangonda maasida kari amata phanghankhide; khong thapham phaaoba pikhide, aduga ebungngo mahaakna maangonda amasung tungda mahaakki dhaaraada masigi mapu oinanaba pibigani haayna mahaakki machaa leitringeida waaleppire.
6 Amasung Eeshorna asumna haay, mahaakki dhaaraana mireibak amada lamlallugani, aduga leibaak adugi mina makhoybu minaai oihanduna chahi 400 phaaoba thina laaknagani.
7 Aduga makhoybu minaai oihan-gadaba jaat adubu eina waayen-gani, amasung adugi matungda makhoyna thoklaktuna, mapham asida eibu khurumjagani haayna Eeshorna haay.
8 Amasung ebungngo mahaakna maangonda un kakpagi waalepnaba adu pire. Aduga asum touna mahaakna Isaacpu poktuna numit nipaanni shubada mahaakpu un kakle; Isaacna Jamespu amasung Jamesna epa epushing taraanithoibu asumna toukhi.
9 Amasung epa epushingna Josephki mathakta kallaakladuna, mahaakpu Egyptda yonthokkhre; aduga Eeshorna mahaakka loinabiduna,
10 Mahaakki awaa-anaang pumnamaktagi laanthokpiraga Egyptgi ningthou Pharoungi maangda thoujaal amasung loushing pibire, aduga mahaakna mahaakpu Egyptgi amasung mahaakki emung pumnamakki mathakta mapu oihalle.
11 Amasung Egypt amasung Kanan apumbada chaak-tangba amasung yaamna awaa-anaang thokle, aduga eikhoygi epashingna chinjaak phanglamde.
12 Maduda Egyptda chaanaba maheimarong lei haayba Jamesna taarabada, ahaanbada eikhoygi epashingbu thaare.
13 Amasung anirakshubada Josephna mashaabu machin manaaoshingda khanghalle, aduga Josephki shaageibu Pharounda phongdokle.
14 Amasung Josephna thaakhiduna, mahaakki mapaa James amasung shaagei-naatei pumnamak mi 75bu maangonda kourakle;
15 Aduga Jamesna Egyptda kumthare. Amasung mahaakmaksu eikhoygi epashingsu sikhre,
16 Aduga makhoybu Sechem taanna puraktuna, Abrahamna Sechemda leiba Hamorgi machaanupashingdagi shel piduna leiba mongpham aduda phumle.
17 Touegumsung Eeshorna Abrahamga yaanaduna waaleppagi matam adu naksillaklabada, Josephpu khangdaba Egyptgi ningthou atoppa amaa thoklaktriba phaaoba,
18 Mishing aduna Egyptda mashing chaaosu chaaokhatle, hensu hen-gatle.
19 Ningthou asina eikhoygi jaatpu marei mara touduna, eikhoygi angaang machaashingbu hingdananaba langthok-handuna, epa epushingbu thina laaknei.
20 Matam aduda Moses poktuna, Eeshorgi mityengda yaamna phajarammi; aduga mahaakpu mapaagi yumda thaa ahum yokle.
21 Amasung mahaakpu langthoklabada, Pharoungi machaanupina mahaakpu khun-gattuna mahaakmakki machaanupa oijanaba yokle.
22 Aduga Mosesbu Egyptshinggi mahei pumnamak loina tambire, amasung mahaakti waaheidasu thabaktasu kanthouba oirammi.
23 Touegumsung mahaakna chahi niphu surabada, mahaakki machin manaaoshingbu, Israelgi machaashing adubu, mahaakki pukningda yengningba pokle.
24 Amasung mahkoigi maraktagi kanaagumba amabu chumdana otpiba uduna, mahaakna mahaakpu tengbangbiduna Egyptgi mi adubu haattuna noihatpa phangba adugi laman khumbire. 25 Aduga mahaakki khutna Eeshorna machin manaaoshingbu kanbiri haayba makhoyna khang-e haayduna mahaakna ninglammi, adubu makhoyna khanglamde.
26 Amasung matunggi numit aduda makhoy masen yeinaba mahaakna uruduna, makhoybu channahannanaba haay, ebungngokhoi, nakhoy nachin nanaaoshingni. Karigi nakhoy amanaa amada araanba tounaribage?
27 Touegumsung mahaakki leimin-nababu chumdaba touramliba aduna mahaakpu enthoktuna haay, nangbu kanaana eikhoygi ethakta mapu amasung waayenba oihanbage?
28 Nangna ngarang Egyptgi mibu haatkhibagumna, eibu haatkera?
29 Aduga asi haaybada Mosesna chenkhiduna, Midiyan leibaakta leirure; mapham aduda mahaakki machaanupa ani pokle.
30 Adudagi chahi niphu surabada Sinai chinggi lamhaangda swarga dut amanaa manaa pungba mongsong amada meigi meiri manungda mahaakpu uhalle
31 Aduga Mosesna madu urbada mahaakna uriba pot aduda ngakle. Amasung munna yengnanaba mahaakna naksillaklabada, Eeshorgi khonjen thoklakle,
32 Eidi nanggi napaa napushinggi Eeshor, Abrahamgi, Isaacki amasung Jameski Eeshor aduni; maduda Mosesna tanik tanikladuna thouna phana munna yengdre.
33 Aduga Eeshorna maangonda haay, nakhongdagi khugraang adu louthok-u, maramdi nangna lepliba mapham asi ashengba leipakni.
34 Egyptda leiba eigi mishinggi awaa-anaang adu eina loina ure, aduga makhoygi naheba, taare, amasung eina makhoybu kanbinanaba laakkpani; aduga houjik laak-u, eina nangbu Egyptda thage.
35 Kanaana nangbu mapu amasung waayenba oihanbage haayduna makhoyna yaakhidaba Moses asibu manaa pungba mongsongda maangonda uhanbikhiba swargadut adugi pambeina mapu amasung handokpiba oinanaba, Eeshorna thabire.
36 Mosesna Israelgi mishingbu Egypt leibaaktagi puthokpirakhi. Egypt thadoktringeigi mamangda mahaakna angaakpa khudam kaya toukhi. Maramdi Eeshorna mahaakpu loynaduna lei. Mahaakna angaakpa khudam kaya red sea da toukhi. Lamjaaoda lamhangda chahi niphu angak angakpa thabak amasung khudamshing touduna makhoybu chingbirakhi.
37 Eeshorna nakhoygi nachin nanaaoshinggi maraktagi nakhoygi damak eigumba ebungngo mahaakki waa taakthokpa amaa thok-hanbigani haayna Israelgi machaashingda haaykhiba Moses adu asini.
38 Sinai chingda maangonda waa ngaangnaba swargadut aduga amasung eikhoygi epa epushingga loynanaa lamjaaoda shinglupta leiramba mahaak adu asini, mahaakna eikhoyda pibinanaba hingliba waa phangle.
39 Eikhoygi epa epushingna mahaakki waa enningdaduna mahaakpu makhoydagi enthoklaga, makhoygi pukning Egyptda onkhiduna aronda haay,
40 Eikhoygi emangda chatpinanaba eikhoygidamak laaishing sabiyu; maramdi eikhoybu Egyptdagi chingthokpirakpa Moses asida kari thokkhibano eikoina khangde.
41 Maduda makhoyna matam aduda sanno amaa shaaduna, murtti aduda eeratpot puraklaga makhoygi khutna shaaba pot aduda makhoyna haraaoba houre.
42 Touegumsung Eeshorna onthokkhiduna, makhoybu atiyagi mayaambu khurumnanaba thaadokle; Eeshorgi waa taakthokpa shinggi laairikta ekhiba asigumbani: He Israelgi emung, lamjaaoda chahi niphu nakhoyna ball tounaba amasung eratnaba shaa eingonda katpa nattra?
43 Amasung Molakki phijang amasung laai Remphangi thawaan-michak, nakhoyna khurumnanaba shaaba murttishing adubu nakhoyna thaanggatle. Amasung eina nakhoybu Babylon-gi waangmada pukhigani.
44 Eikhoygi epa epushinggida lamjaaoda saakhigi phijang adu leirammi, madudi ukhiba mawonggi matung ennaa madu shaagadabani haayna Mosesga ngaangnaba ebungngo mahaakna taakpikhiba adugumbani.
45 Eikhoygi epa epushinggi maangdagi Eeshorna taanthokkhiba Jaatshing adugi lamda changba matamda, phijang adu epa epushingna leng oinaa phangduna Jihosuyaga loynanaa pusillakle. madu Davidki haktak phaaoba leirammi.
46 Davidna Eeshorgi mityengda thoujaal phangjaduna Jameski Eeshorgi damak leipham phangjanaba nijare.
47 Adubu Solomonna ebungngo mahaakki damak yum saare.
48 Adum omamakpu ehen henba aduna khutna shaaba yumda pande; Eeshorgi waa taakthokpana haaybagumba asini:
49 Swargadi eigi phambaalni, aduga prithibidagi eigi khonggi khunetni; Eeshorna haay, eigidamak nakhoyna karamba yum shaagadage? Nattraga eigi potthaanaba mapham karino?
50 Eigi khutna pot pumnamak asi shaaba nattra?
51 He ngak kanba, amasung thammoiga naakonggada unkaktabasa, nakhoyna matam leiba khibikta thawaay ashengbabu yeknei. Nakhoygi napaa napushingna toukhibagumna, nakhoynasu touwi.
52 Nakhoygi napaa napushingna Eeshorgi waa taakthokpa shinggi maraktagi kanaabu ot-neikhidabage? aduga dharma chenba ebungngo aduna laakpagi maramna haanna takpashingbu makhoyna haatle; houjik nakhoyna ebungngobu pithokpashing amasung haatpashing oirakle. 53 Nakhoydi swargadut shinggi mapaanna piraba waayel yaathang adu phanglabashingni, aduga madu ngakte.
Stephen shiba
54 Amasung makhoyna waaramshing asi taabada, makhoygi thammoi chakladuna mahaakki thakta makhoyna maya kraakkraak chikpa houre.
55 Touegumsung mahaakti thawaay ashengbana pikthalladuna atiyaromda sangtrik yengkhatpada, Eeshorgi matik mangaan amasung Jesusna Eeshorgi yet-thangbada lepliba uraduna haay,
56 Yeng-u, swarga haangdokpa amasung migi machaanupa aduna Eeshorgi yet-thangbada lepliba eina ujei.
57 Touegumsung makhoyna khonjen waangna laaoraduna manaakong mensinduna pukning amata oinaa maangonda hotchillakle.
58 Aduga makhoyna mahaakpu saahargi mapaanda enthoktuna mahaakpu nungna thaaba houre; amasung saakhishing aduna makhoygi maphi marol adu maming Saul kouba paakhang amagi khong manaakta thamle.
59 Amasung Stephenna Eeshorbu koujaringeida amasung ebungngo Jesus, eigi thawaay loubiyu, haayja-ringeida makhoyna mahaakpu nungna thaarammi.
60 Aduga mahaakna khuru khudak kunduna, khonjen loana haayjei, Eeshor makhoygi thakta paap asi shingthaanabiganu. Amasung asi haayraga mahaakna tumkhre.