Exodus 30
Dhup thanabagi phaankhong
(Khong 37-25-28)
30 Dhup thanabagidamak chinggonglei paambidagi nahaakna phaankhong amaa semgadabani. 2 Masigi maraak inches 18 mayung inches 18 oigadabani. maraak mayung chaaoba mannahan-gadabani. Masigi awaangba feet 3 oigani. Masida pangadouba machindu masaga amatta oigadoubani. 3 Masigi masa pumbaa sanaana hajang yeigadabani. Masigi maton amadi nakan khuding adugi machidu sanaana yomsin-gadoubani. 4 Takhatkadouriba mapaan anidugi maayoknaba maaykeida sanaana khuji ani saaduna hapkadabani. maasibu puba matamda chei thingjinnaba mapham oihangadabani. 5 Cheidu chinggonglei paambina sagadabani. maasibu sanaana yomsin-gadoubani. 6 Eina nahaakka Gansni Hiba matik mayaaigi phambaaldugi mathakta thaariba khubhamdugi mamaangda leiriba phisangdugi marumda maasibu thamgadabani. 7 Aarona masida manam nungsiraba dhup thaagani. Mahaakna maphi-maron setlaga ayuk khuding thaaoumeisingdu chukhatkadabani. 8 Aronna numidaang waairamda thaaoumei chukhatpa matamda tattana chaktuna leigadouba dhup Eesor-gi maangda thagadabani. maasi nakhoygi miron-miron khudingda paangthokkadabani. 9 nakhoyna amaangba potna samba dhup nattraga meida thaaduna touba puja nattraga mahei maronggi pujanachingba touba yaade. Masigi mathakta amaangba mahi heiba yaade. 10 Chahi amagi manungda amukhatang aronna masigi machisi soktuna prayasichatki puja tougani. Chahigi oinaa paangthokpa prayasichatki pujadugi eedu louraga aran thou oinaa matam pumnamakki oinaa nahaakna katthokkadabani. Eesor-gi maphamda maasi thoidokna senglaba mapham amani.
Prayasichatki peisa katchaba
11 Eesor-na Mosesda haayrammi, 12 "Nahaakna Israelgi misinggi mising thiba matamda nahaakna makhoygi usin oinaa angamba pot amam-mam pigadabani. maasi tourabadi nahaakna makhoygi mising thiba matamda marai taaroi. 13 Masing thibaasida maming chankhraba singduna makhaagi potsingsi pigadabani. ningna sanggi matung ennaa chatnariba changchatta Shekel tangkhay amaa (Shekel amaaga Gerah kunga mannei) Eesor-gi maphamda pigadabani. 14 Mikok thibasida maming chankhraba chahi kungi mathak makheina Eesor-gi khukhyada haayriba-singsi pigadabani. 15 Eesor-gi maphamda makhoyna Prayasichatki oinaa thou katchaba matamda enaak khunbana nattraga lairaba mina Shekel amagi tangkhay amadagi hensu henda tasu tada chaana pigadabani. 16 Israelgi misingdagi haayriba Prayasichatki peisaa-si lougadabani. masidagi thoklakpa peisaaduna miyaam tinphamda changgadouriba machaksingdu leibada sijinnagadabani. maasi tourabadi Eesor-na matam leibaakhibikta Israelgi misingbu ningsingbigani. maasi katlabatada nasagisu oinaa prayasichat toure haayna lougani.
Irujanaba Pithraaigi khudeng
17 Eesor-na Mosesda haayrammi, 18 "Sudok chamthok-nabagi damak pithraaina heiduna khudeng amaa sagadabani. nakhoyna maasibu miyaam tilliba sanggi amadi phaankhonggi marakta eesing khara haaptuna thamgadabani. 19 Masida aron amadi machaa-nupaasingna makhut makhong hamgadabani. 20 makhoyna miyaam tinpham sang amadi phaankhong manaak nakna seba phangjanaba changlakpa matamda, adugaa Eesor-gi maangda meida thaaduna katnanaba thou toujanaba laakpa matamda masida makhoyna masaadu chamthok-kadabani. Nattrabadi makhoy soydana sigani. 21 makhoyna makhut amadi makhongdu masida hamgadabani nattrabadi makhoy siba yaai. Makhoygi tungda laakkadouba miron amadi makhoygi matamda haayribasi lengba nairaroidouba niyam amaa oinaa liehouragani."
Teinaba thaao amadi dhup
22 Masigisu mathakta Eesor-na Mosesda haayrammi, 23 "Khwaai-dagi henna pharaba maru maraang khara louro. Manam nungsiba mahei kilo 5.5, manam nungsiba usingsa kilo 3, agar kilo 3, 24 Tejpat manaa kilo 5.5, ningna sanggi khan-gi matung ennaa onthoklaga maaduda Chorphongi thaao liter 3.7 hapchillo. 25 Manam nungsinaba sungbagi niyam matung ennaa haayriba-singsi tinsinduna manam nungsina thaao noibada sijinnanaba semmu. masina asengba noinaba thaodu oigadouribani. 26 Haayriba thaosina nahaakna miyaam tinpham sang amadi matik mayaai leiraba phambaaldu noigadabani. 27 Phan amadi masida leiriba patrasing, thaaoumei makhong amadi masigi atei atei potsing, loynanaa dhup thanabagi phaankhongdusu masina noigadabani. Meida thanabagi puja tounabagi phaankhong, khudeng amadi masida leiriba patrasingdusu masina noigadabani. 29 Haayriba potsingsi thoidokna asengba pot oinaa leiba yaana-naba nahaakna thaao noigadoubani. Haayriba potsingsiga samnaruraba pot khuding senglabani haayna lougani. 30 Aaron amadi machaasingdusu nahaakna sengdokpigadabani. Haayribasi tourabatada makhoy purohit oiba yagani. 31 Nahaakna Israelgi misingda asumna khanghanbigadabani.: asumna semba thaosi miron-miron khudingda eina yaraba thaoduni. 32 Achamba misinggi masaada haayriba thaosi heiba yaade. maasi sembagi maongsi atei manam nungsiba sembagi maongdagi henna cheksinna semgadabani. maasi asengba pot amani. nakhoygi naphamda maasi asengba pot amani haayna lougadabani. 33 Kanaagumba mina haayriba manamsiga chap maannana semlaba nattraga kanaagumbada noirurabadi mahaak miyaam maraktagi taanthokkadabani."
34 Eesor-na Mosesda haayrammi, "manam nungsiba maru maraang, cassia, manam nungsiba u maku, manam nungsiba potsing yaansinnaraga chaang mananna louraga 35 Manam nungsiba sungba misingna sungbagumna thum asengba khara yaansillaga semmu. 36 Nahaakna haayribasigi saruk khara louraga yaamna kupna takkhaairo. saruk khara amanaa eina nahaakka ungani haaykhiba miyaam tinphamgi sangdugi mamaangda leiriba matik mayaai leiraba khudadugi mamaangda thammu. Haayriba potsi nakhoygi damak thoidokna asengba pot amaa oiri. 37 Nahaakna semgadouriba manam nungsibasi nakhoyna echam chamna sijinnanabagidamak sembadi yaaroi. Haayriba manam nungsibasidi thoidokna Eesor-gi maphamda asengba pot amaa oinaa leigadouribani. 38 Kanaagumba mina masiga mananna yumda sijinnanaba semlabadi mahaak misinggi maraktagi taanthokkadabani.