Psalm 52

Eeshorgi waayel amadi thoujaan

1 Matik magun leiraba nupaa, nahaakna touba phattaba thabaktu thaaduna chaaothokchariba karigino? Eeshorgi nungshibadu mapaan naaidabani.

2 Nahaakna ateibu maangnanaba silli, nahaakki nareidu thouraba koiphanthanggummi, matam leibada oidabada ngaang-e.

3 Nahaakna aphababudi phattabana henna paammi, oidaba ngaangbana achumbadagi henna paammi.

4 Minamba ngaangba nupaa, nahaakna ngaangba waashingduna mi mangnaba oi.

5 Maramsina Eeshorna nahaakpu maanghan-gani, nahaakpu phaaraga nayumdagi nongma pukhigani. Taaibang chinjaak chaaba phangloi.

6 Achumba mishingna pumnamaksi ugani aduga pukningda akibaa pokkani, matamduda makhoyna nahaakpu yenglaga nokladuna asumna haaygani,

7 "Yeng-u, nupaasi Mapunsi nungshaangna panjanabagidamak Eeshorda changjakhide, ebungngogi mahutta maraan-mathumda khanrammi, phattaba thabak touduna shiroi naroi khan-jarammi."

8 Adubu eidi Eeshorgi ningnashangda houriba chorphon paambigumbani, eina ebungngogi lengba naaidaba nungshibaduda thaajarammi.

9 He epuroi, Ebungngona nanaaida toubikhibashingdu ningshingduna thaagatkani, thaagat-chaagani ebungngogi mishinggi mangduda, ebungngodi mapaan naaidana aphaba ebungngoni haayna thaagat-chaagani.