Joshua 2
Joshuana Jerichoda lonna mi thajinkhiba
1 Masigi matungda Joshuana lonna lammit tumit yenglunaba nupaa anikhak Akakiyada leiriba shangdudagi Canaan thungna chattuna maruoinna Jericho saahardugi maramda khanglaknaba thaakhi. Makhoyna Jerichoda thungkhiba matamda ahing amaa Rahab koubi oktabi nupi amagi mayumda leikhi.
2 Jerichogi ningthouna ahingdumaktada Israelgi mi khara laaktuna saahardugi maramda aronba yengba laakle haayba khangkhi.
3 Maramdi ningthouduna Rahabta asumna haayhallammi, "nahaakki nayumda leiriba mishingdu leibaaksigi aronba yengnanaba laakpani maramsina makhoybu puthorak-u."
4-6 "Rahabna haaykhi, "mi kharadi eigi yumda laak-e. Adubu makhoy kari lamdagino haaybadudi khangjade. saahargi thonggal thingdringeida makhoy numit taning tamang touba matamda maphamsidagi chatkhre. Makhoyna chatlibadu kadaaydano haaybasu thoidokpa hangjahouba leite. Adubu makhoygi tungda yaamna thuna tannaba ngamlabdi laambelda phangba ngamgani." (Matamduda Rahabna nupaa anidubu yumthakta pukhatlaga charu kharana kupsinduna thamkhi.)
7 Ningthougi manaaishingduna saahar waangma hek laankhibaga thonggal thingjinkhi. Jordan phaaoduna chatnanaba laambeldu youba phaaoba makhoyna miranshingdu tannakhi.
8 Miranshingduna ahinggidamak shem shaaduna potthadringeida Rahabna yum-thakta kakhattuna makhoyda haayrammi,
9 " Eeshorna lamsi nakhoyda pibire haaybasi eihaak khangle. Nakhoygi waa taabada saaharsida leiriba mi khuding mipaidaba leitrabani.
10 Nakhoyna Egypt thaadoktuna laakpa matamda Eeshorna Red sea kouba epaaktu kanghanbikhibanachingba eikhoyna taarabani. Jordangi nongpokta taariba ningthou Sihon amadi Ogpu nakhoyna haatkhi haaybasisu eikhoyna taarabani.
11 Masigi paaosi taabada eikhoy kibana thak thak niknaribani. Nakhoygi paaosi taabada eikhoygi erakta thouna leitrabadi. Napuroi Eeshorsi koirou maalem animakki mapuni.
12 Eina nakhoybu kanbikhibasigumna nakhoyna eigi emunggi mishingbu lunaa channa toubigani haayna waashak-u. Eina nakhoybu thajanaba khudam amatangdi piyu.
13 Eigi epa ema, ebung epawaamadi echaa n echeshingsiga konnana makhoygi emungshingbu kanbigani haayna waashakpiyu. Makhoybu hatpiba yaade."
14 Mishingduna Rahabta haayrammi, "eikhoina haaykhibasimak toudrabadi Eeshorna eikhoybu loushinkhiba oisanu. Eikhoyna touribasi nahaakna kanaadasu haaydoktrabadi, Eeshorna leibaaksi eikhoygi ekhutta taahanbiba matamda eikhoyna nahaakpu hatloi."
15 Saahardugi akoybada leiriba phaklangduga shamnana Rahabki yum shaarammi maramsina mahaakna nupaashingdu thongnaaoda thouri thadaduna chelhankhi.
16 Mahaakna makhoyda haaykhi, "chingsanglomda khonglei thuna chatkhro. Nattrabadi ningthougi mishingna nakhoybu thengnakhini. Maphamduda numit humni leiduna makhoyna hallaktriba phaaoba lottuna leiyu. Humnigi matungda nakhoygi panthunglomda chatkhiba yaare."
17 Mishingna Rahabta haaykhi, "nahaakna eikhoybu shakhankhiba waashaktu eikhoyna kaoroi.
18 Nahaakna tougadaba thabakti asini: eikhoyna leibaaksida laandarakpa matamda, nahaakna eikhoybu thok-hankhiba thongnaaoduda angaangba marisi kisinduna thammu. Nahaakki nayumsida napa, nama, nachin nanaao pumnamak kousinduna makhoygi emung manung yaaonathammu.
19 Kanaagumbana nakhoygi naraktagi mapaan thokkhiduna shiba thoklabadi mashaagi maraal oigani. Adubu nahaakka loynanaa yumsida leiriba kanaagumba amabu mangna-taaknaba touramba thoklabadi eikhoygi dai oigani.
20 Adum oinamak eikhoyna touriba thabaksi nahaakna kanaagumba mi amada hek haaydokpa matamda, nahaakna waashakhandunasu eikhoygi waashak ngakloidoubani."
21 Waaphamsi nupiduna yaraduna makhoy chatkhre. Makhoyna chatkhraba matungda angaangba maridu thongnaaoda kiduna thamkhi.
22 Miranshingdu chingshaangda haigat-khiduna lottuna leikhi. Ningthougi mishingna makhoybu leibaaktugi mapham khudingda numit humni chupnaa thikhi adubu makhoyna miranshingdu phangkhide. Maramsina makhoy Jerichoda hankhi.
23 Masigi matungda miran aniduna chingshaangdagi haithaaraktuna Jordan laanduna Joshuagi manaakta laakkhi. Thokkhiba thoudokshingdu makhoyna Joshuada tamkhi,
24 Makha taana makhoyna Joshuada haaykhi Eeshorna eikhoyda leibaaksi kubiragani haaybasi thaajaba phangle maphamduda leiriba mi khudingmak eikhoygi waaphamsi taabada kidaba amatta leitre."