2 Samuel 13

Amon amadi Tamar

13 Davidki machaa-nupaa Absalomgi yaamna masak matou phajarabi Tamar koubi machannupi amaa leirammi. Davidki machaa-nupaa atoppa Amnon kouba amanaa mahaakpu nungsirammi. 2 Amnonna Tamarbu yaamna nungsirammi. Mahaakna Tamarbu louba phangloi haaybasi khallubada narammi. leisaabi amaa oibana mahaak kanaagumba nupaa amaa phaaobaga samnaramde. 3 Davidki machin manaao thokpa Samnahgi machaa-nupaa Jonadab kouba yaamna phattalousing heiba nupaa amaa leirammi. 4 Jonadabna Amnonda hanglammi, “nahaak ningthou machaani adubu nongma nongmagi nahaakki maaythongsi langsinna ui. Kari naming thungdaba leirabage?"

Mahaakna khumlammi, “eigi echin-enaao,                                                                                 

thokpa Absalomgi machannupi Tamarbu yaamna nungsi."

         5 Jonadabna maangonda haayrammi, “nahaak phamungda hiptuna nasinnaro. Nahaakki napaa ebungngo ningthouna nahaakpu yengba laakpa matamda asumna haiyu: eigi echaa nnupi Tamarbu maphamsida thabiraktuna eigi emangda tal houhanbiduna eibu enbisanu." 6 asumna tousinnaraduna Amnon phamungda nasinnarammi. ningthou Davidna mahaakpu yengba chatlammi adugaa mahaakna mapaa ningthouda haayrammi, “eigi emangda Tamarbu eina chaanaba tal khara houhanbiyu. Tal houduna mahaakna eibu enbisanu."

         7 Konungda leiribi Tamarbu Davidda kouraduna haayrammi: "Amnongi mayumda chat-tuna mahaakna chaanaba tal khara houru." 8 Mahaakna chatkhiba matamda Amnon phamungda leirammi. Mahaakna ata khara puraga Amnonna ubaa maphamda tal khara hourammi. Maphamduda mahaakna tal khara houraga 9 Khangdagi thangthaaduna Amnonna chaananaba thouraang tourammi. adubu mahaakna tal chaao haayba yaramde. Amnonna haayrammi, " maphamsida kanaasu leihanganu." Maphamduda leiramba mi pumnamak chatkhirammi. 10 mi leitrabaduda mahaakna Tamarda haayrammi, "phamung taanna talsingdu pusillaaktuna nakhutna phangna talsingdu eingonda ellu." Mahaakna talsingdu pusilladuna Amnongemanakta changsinkhirammi. 11 Talsingdu Amnonda hek piba matamda makhut paayduna haayrammi, "eiga hipsi."

         12 Mahaakna khumlammi. "Natte eibu asumna namhaba touganu. asigumba thabaksi Israelda thoktri. 13 miyaam mamaangda karamna emaay utpa ngamgadouribano? Nahaaksu Israelgi manungda ekaai khangdaba mi amaa oinaa leihouragani. ningthouda haayjarabadi mahaakna eibu nanggidamak pibigani." 14 Mahaakna haayjabadu Amnonna tabiramde. Mahaakna Tamardagi kanba maramna namduna phidinnakhi.

         15 Phidinnaba loiraba matungda Amnonna mahaakpu yaamna tukkatchakhi. Mahaakna Tamarbu nungsiba changdudagi henna tukkachakhi. maramsina Amnonna maangonda haayrammi, "hougatlo, chatkhro."

         16 Mahaakna khumlammi, "natte, chatloi. Nahaakna toukhiba thabaktudagi eibu asumna thaadokpa asina henna naran chaaobani."

 Mahaakna haayjabadu Amnonna tabiramde.

         17 mahaakki thongakpasingdu kousinduna haayrammi, "nupisi eigi yumsidagi taanthokkho. Mahaakpu mapaanda enthokkho adugaa thongdu lonsinlu. 18 manaaisingduna Tamarbu enthokkhraba thong lonsinkhi.

 Matamduda ningthou machaanupi luhongdribisingna litnaba phurit achonbi amaa Tamar litlammi. 19 Makokta ut chaikhatladuna maphi segaayre adugaa mamaidu makhut anina khumduna kapla-kapladuna mayumda hankhi. 20 Mabung Absalomna matoudu ubada maangonda hanglammi. "Amnonna nahaakpu phidinnakhrabara? ebemma, nahaak napuk-ning tapthou. Thoudoksi kanaadasu haaydok-kanu maramdi mahaak nahaakki nabungni." asumna Tamar Absalomgi yumda waana amadi nungaaitana lenkhi.

         21 ningthou Davidna waaphamsi taabada yaamna saaorammi. 22 Absalomnasu Amnonbu yaamna saaorammi maramdi mahaakki machannupidu Amnonna namduna phidinnakhi. maramsina makhoy ani waa ngangnaramde.

Absalomna laman singba

         23 Chahi anigi matungda Ephraimgi manaakta Baalhazor kouba lamda Absalomgi yaao matu ka klammi. Masida mahaakna ningthou machaa pumnamak baarton tourammi. 24 Absalomna, ningthouda laaktuna haayrammi, "yengbiyu, nachaa ebungngo-gi yaao matu kakchagadouri. epabung amadi nanaaising loina nanaaigida lengbiraknaba baarton katchari."

         25 ningthouna khumlammi, "natte, ebungngo eikhoy pumnamak loina chattabana phei maramdi eihaak loina chatlabadi nahaakkidamak awaaba amaa oigani. Absalomna yaamna kanna taksillammi adubu ningthouna yaakhide. ningthouna Absalomda chatnanaba yaathang pikhi.

         26 adudagi Absalomna haayrammi, "phare, epa ebungngo chatpiroi haayrabasu enaao nupaa Amnondadi eigaa loynanaa chathanbiyu."

 ningthouna hanglammi, "mahaakkhakti karigi?"

         27 Absalomna Amnon amadi Davidki machaa-nupaa ateisingdu mahaakka loynanaa chatnanaba yaathang tadriba phaaoba taksillammi.

 ningthou amaa laakpada matik  chaaraba maongda Absalomna chaak pijabadugi thouraang tourammi. 28 adugaa manaaisingda asumna paaoutaak pirammi: Amnonna yu yaamna ngaoraba matamdu ngaaiduna leiyu adugaa eina yaathang hek pibaga mahaakpu haatlu. nakhoy kiganu. eigi sarukni thouna laayna thabak tou. Karisu khoiraangba touganu." 29 minaaisingna Absalomna haaykhiba matung ennaa Amnonbu haatkhi. Davidki machaa-nupaasingdi lolaa tongduna chennakhi.

         30 makhoyna lamkhangda chellingei matamda Davidki maphamda paaodu yourammi. Davidta asumna haayrammi, " Absalomna ningthougi maja ebungngosing loina hatkhre, amattasu hingdre." 31 ningthouna paaosi taabada hougatladuna maphi segaayduna awaaba maaythong puduna leimaayda ollammi, ningthouga matamsida loynanaa leramliba minaaisingdunasu makhoygi maphi segaayrammi. 32 Davidki manaao Samnahna pokpaa Jonadabna haayrammi, "iningthou, makhoyna eningthougi majaebungngo pumnamak haatpa natte. Amnon khaktani. eningthouna ningsingbiba yaai maadudi Amnonna Absalomgi machannupi namduna phidinnakhiba numittudagi houna Amnongemathakta laman singe haaybasidi Absalomgi mamaidagidu khngba ngamgani. 33 maramsina naja ebungngo loina sire haaybasi thajabirunu siribadi Amnon khaktani."

         34 Thabaksi paangthoklamlaga Absalom chenkhre.

         Thongakpasingduna cheiraksida chinggi nakanda chatliba Horonaimgi laambel adomda mi yaamna laakpa urammi. 35 Jonadabna ningthouda haayrammi, "yengbiyu, ningthou machaasing loina laakle." nanaaina haayjakhibagumna makhoy loina laakle 36 maasi hek haaybaga ningthou machaasing loina laaklammi. Makhoybu ubada ningthou amadi manaaisingdu thamoi sokna kapkhi.

         37 Absalomna Gesurgi ningthou Ammihudki machaa-nupaa Talmaigi manaak taanna chenkhi. Davidna mahaakki machadu ningsingduna numit khuding kaplammi. 38 Absalom Gesurda chenkhiduna chahi ahum leikhi. 39 Amnon sikhibagi meichaaktu koklaba matamda ningthouna Absalombu ningsinglakkhi.