1 Corinthians 15

Asibasing hinggatpa

15 Amahiksung, ichin inaosa, eina nakhoida sandoklamba aphaba wapao, nakhoina louraba amasung lepliba adu, eina nakhoida khang hanjari; 2 Eina nakhoida sandoklamba wa adu nakhoina chetna pairabadi, madugi mapanna nakhoibusu kanbiribani; nattrabadi nakhoi arembada thajare. 

3 Maramdi einasu phangjaraba, pumnamakki athoiba adu nakhoida pithokchare, haibadi, sastragi matung inna Christana eikhoigi papkidamak sibire, 

4 Aduga Ibungobu phumkhre, amasung sastragi matung inna Ibungobu humni suba numitta hinggatpire; 

5 Aduga Cephasda, adugi matungda taranithoi aduda Ibungona uhanbire. 

6 Adigi matungda Ibungona amuktada chamngadagi henba ichin inaoda uhanbire, makhoigi maraktagi ayambana houjik phaoba leiri, adubu kharadi tumkhre; 

7 Matung aduda Ibungona Jamesta, adugi matungda pakhonchatpa pumnamakta uhanbire; 

8 Aduga pumnamakki ikon konbada, matam nattana pokpa angangumba eingondasu Ibungona uhanbire. 

9 Maramdi eidi pakhonchatpa kouba matik chadraba, pakhonchatpasinggi maraktagi khwaidagi piklaba amani, maramdi eina Ishorgi singluppu otneikhi. 10 Touigumsung eina oijariba adu Ishorgi thoujanna oijaribani, adubu Ibungo mahakki thoujal, eingonda pinabiba adu, aremba natte. Touigumsung eina makhoi pumnamaktagi thoina henna nomjare, adum oinamakpu eina natte, eiga loinaba Ishorgi thoujal adunani. 11 Adunadi einabu oirabasu, makhoinabu oirabasu, asumna eikhoina pao sandok-i, aduga asumna nakhoina thajare. 

12 Amahiksung Christabu asibasinggi maraktagi hinggatpire haiba pao adu sandoklabadi, asibasing hinggatpa ilei leite haina nakhoigi marakta mi karana karamna hairibage? 13 Touigumsung asibasing hinggatpa ilei leitrabadi, Christabusu hinggatpidre; 14 Amasung Christabu hinggatpidrabadi, adunadi eikhoina pao sandokpa arembani, nakhoigi thajabasu arembani. 15 Hoi, aduga eikhoidi Ishorgi mathakta chumdaba sakhisingni haina phongdokle, maramdi Ishorna Christabu hinggatpire haiba eikhoina sakhi pire. Ibungobu hinggatpide aoibamak oirabadi, asibasingbu hinggatpidabani. 

16 Maramdi asibasingbu hinggatpidrabadi, Christabusu hinggatpidre; 17 Amasung Christabu hinggatpidrabadi, nakhoigi thajaba arembani; houjik phaoba nakhoidi papta leiri. 18 Adunadi Christada tumkhiba makhoisu mangkhre. 19 Hinglingei asida eikhoina Christada tarang tarang khangna ninglabata oirabadi, mi khwaimaktagi eikhoina henna tonthabani. 

20 Touigumsung houjikti tumkhiba makhoigi maraktagi ahanba mahei Christabu asibasinggi maraktagi hinggatpire. 21 Maramdi mioibagi mapanna siba thokpa maramna, mioibagi mapanna asibasing hinggatpasu thokpani. 22 Maramdi Adamda pumnamakna sibagumna, Christada adugumnasu pumnamakpu hinghanbigani. 23 Adubu mi khuding magi magi mathang manao naigani, haibadi, Christana ahanba maheini, matung aduda Christana lenglakpa matamda Ibungogi oibasing aduni. 24 Adugi matungda Ibungona Ishorda, haibadi mapada, ningthou leibak adu pithokkadaba matamda, Ibungona khudum chanba pumnamak, matik pumnammak amasung panggal pumnamak manghan-gadaba matamda, aroiba adu oigani. 

25 Maramdi yeknabasing pumnamakpu Ibungogi khongkhada thambidriba phaoba, Ibungona panba tare. 26 Ikon kondaba manghan-gadaba yeknaba adudi sibani. 27 Maramdi, Ibungo mahakna Ibungogi khuya khada pot pumnamak makha polhalle. Adubu, pot pumnamak makha polhalle haiduna Ibungo mahakna haibada, makha polhanbiba Ibungo mahakti nattana, pot pumnamak Ibungogi makha polle haiba taseng tasengbani. 28 Amasung pot pumnamak Ibungogi makha polhanbiba Ibungo mahakki makha polhan-gani. 

29 Nattrabadi, asibasinggi maramna baptist loubasingna kari tougadage? Asibasingbu khak hinggatpidrabadi, makhoigi maramna makhoina baptist louba karigino? 30 Eikhoisu pung khuding khudong thibada karigi leibano? 31 Ichin inaosa, eikhoidi Prabhu Christa Jesusda eina phangjaba nakhoigi maramda chaothokchaba adu panduna, eina numit khuding si haiba aoibamak hairi. 

32 Mioibagi machat matung inna eina Ephesianda lamshasingga soknarabadi, eigi kari tongjabano? asibasingbu hinggatpidrabadi, eikhoi chasi, thaksi, maramdi eikhoina hayeng sigadabani. 33 Nakhoibu minamhanganu: phattaba tinnabana aphaba machat manghalli. 34 Singna yahouro, aduga pap thadoklo. Maramdi mi kharana Ishorgi maramda ilei leite. Nakhoibu ikaihannanaba eina hairibani.

35 Touigumsung kanagumbana haigani, asibasingbu karamna hinggatpibano? Amasung karamba hakchang oina makhoina lakpano? 36 He apangba, nang nasana hunba maru adu sidanadi hinglakte; 37 Aduga nangna hunba adu oirakkadaba masa adu hunde, adubu gehugi oirabasu, atei ateigi makhal amagi oirabasu, chumnagi maru aduta hunbani. 38 Touigumsung Ishorna pambagi matung inna maduna masa pibi, aduga maru khudingmakta magi magi masa pibi. 39 Masa pumnamak mannaba masa natte, adubu mioibagi masana ama, shasinggina atei ama, ucheksinggina atei ama, amasung ngasinggina atei ama oi. 40 Sargagi oiba hakchangsu lei, aduga taibangpan-gi oiba hakchangsu lei; Touigumsung sargagi oiba adugi matik mangalna ama, aduga taibangpan-gi oiba adugina atoppa ama oi. 41 Numitki matik mangalna ama, thagi matik mangalna atei ama, aduga thawanmichaksinggi matik mangalna atei atopaa ama oi; maramdi matik mangalda thawanmichak amana thawanmichak amadagi khetnei. 

42 Adugumduna asibasing hinggatpasuni, Mangbada hulli, mangdabada hinggatpibani; 43 Ikaikhumnadabada hulli, matik mangalda hinggatpibani; asonbada hulli, panggalda hinggatpibani; mahousagi oiba hakchang hulli, thawaigi oiba hakchang hinggatpibani. 44 Mahousagi oiba hakchang leirabadi thawaigi oibasu lei. 

45 Adugumduna masisu ikhrabani, ahanba mi Adam aduna hingliba mi oirakle; akonba Adam aduna hingba piba thawai oirakle. 46 Achumakpu thawaigi oiba adu ahanba natte, adubu mahousagi oiba aduni; matung aduda thawaigi oiba aduni. 47 Ahanba mi adu leipaktaginina leipakkini, anisuba mi adu sargadagini. 48 Leipakki oibagumna leipakki oiba makhoisu asumna leipakkini; amasung sargagi oibagumna sargagi oiba makhoisu asumna sargagini. 49 Aduga eikhoina leipakki oiba murti loubagumna, sargagi oiba murtisu eikhoina loujagni. 

50 Amahiksung, ichin inaosa, eina asi hairi, haibadi, ee tong yaobana Ishorgi leibak phangba ngamde, aduga amangbana mangdaba phangde. 51 Yengu, eina nakhoida athuppa wa hairi. Eikhoi pumnamak tumloi, 52 Adubu ngaihaktada, mikup amada, akonba peresingga khongbada, eikhoi pumnamakpu onbigani. Maramdi peresingga khonggani, asibasingbu mangba yadaba oina hinggatpigani, amasung eikhoibu onbigani. 53 Maramdi mangba yaba asi mangba yadaba setpa tai, amasung siba naiba asi sibanaidaba setpa tai. 

54 Touigumsung mangba yaba asi mangba yadaba setpa, amasung siba naiba asi siba naidaba setpa, matam aduda ikhraba wa asi thunggani, sibabu angambana yotthokkhre. 

55 He siba nanggi ngamba kadaidano? He siba, nangi namu kadaidano? 56 Sibagi mamudi papni, aduga papki panggaldi wayel yathang aduni. 57 Adubu eikhoigi prabhu Jesus Christagi mapanna angamba adu eikhoida pibiba Ishorbu thagatpa oisanu. 

58 Maram adugi damak, eigi achanba ichin inaosa, nakhoigi nomjaba adu Prabhugi maphamda aremba natte haina khangjaduna, nakhoi achetpa, lengdaba, Prabhugi thabakta matam leiba khibikta maram okpa oiyu.