Philippians 4
Ensinbiba
4 maram adugidamak, eina khouraangna unajaningba eigi channaba echin-enaaosa, eigi haraaoba amasung kokthon oibasa, Eesor-da asumna chetna leppiyu, eigi channabasa!
2 Eesor-da pukning amata oinaba, eina Iodiabu amasung Suntukhibu thoujinjari. 3 hoy, achumba poppu, nahaakpusu eina nonjari, nupising asibu paangbiyu, maramdi makhoyna Klementaksu, eigaa suminnabasing atei ateigasu loynaba, aphaba waapaaoda eigaa suminnare; makhoygi mamingdi hingbagi laairikta leiri.
4 Matam leibaakhibikta Eesor-da haraaobiyu; Amukka eina haaygani, haraaobiyu. 5 nakhoygi pukning thotpa adu mi pumnamakna khngba oisanu. Eesor naksillakle. 6 Karisu laangtak-naganu, adubu maram khudingda thaagatpaga loynaba haayjabana amasung nonjabana Eesor-gi maphamda nakhoygi nija nijaba adu khanghallu. 7 adugaa Eesor-gi engthaba, khngba pumnamaktagi hendoklaba aduna, Christa Jesus-da nakhoygi thammoi amasung waakhalbu ngaksenbigani.
8 Akonbada, echin-enaaosa, achum achumba makhei, ekaai-khumnaba yaaba makhei, dharma chenba makhei, asengba makhei, phaja phajaba makhei, aphaba waahei waata makhei; karigumba aphaba matou leirabadi, amasung karigumba thaagatpa leirabadi, asising asi waakhal tou. 9 nakhoyna eingondagi tamkhiba, phangkhiba, takhiba amasung ukhiba pumnamak asi toubiyu; adugaa engthabagi Eesor aduna nakhoyga loinabigani.
Philippiyasinggi chanbiba adugi damak Paulna toubimal khngba utpa
10 touegumsung eina Eesor-da yaamna haraaojei, haaybadi, nakhoyna eigidamak houjik Amukka waakhal toubire; maaduda nakhoyna aoibamk waakhal toubirammi, adubu nakhoygi khudongchaba leiramde. 11 Eina waatpagi maramda ngaangba natte; maramdi eina paalliba mipan aduda penba tamjare. 12 Karamna tonthagadaba eina khngjei, adugaa karamna yaamgadaba eina khngjei. maram khudingda amasung maram pumnaniakta thanbadasu lambadasu, yaambadasu waatpadasu, athuppa adu eina tamjare. 13 Eibu paanggal kalhanbiba ebungngo-gi mapaanna eina thabak pumnamak etou touba ngamjei.
14 Adum oinamakpu nakhoyna eigi awaabada epaang oiminnaduna, phajanaa toure. 15 Amasung nakhoy nasaamaknasu khang-e, he philippisa, haaybadi, aphaba waapaaogi ahoubada, eina Macedoniadagi chat-thokkiba matamda, nakhoy nattana seenglup kana amatana pibagi amasung phangbagi matamda eigi epaang oiminnaba leiramde; 16 maramdi Thessalonicadasu nakhoyna eigi kanaanabagi damak haanna hanna thabire. 17 Eina khudon adu thiba natte, adubu nakhoygi damak hen-gatpa mahei adu thibani.
18 touegumsung eina loinamak phangjare, amasung awaatpa leitre; nakhoydagi pot adu manam nungsiba, Eesor-na yabiba amasung penbiba bali oina, epaphroditagi khuttagi phangjaduna ei thalle.
19 Amasung eigi Eesor-na nakhoygi kaannaba pumnamak Christa Jesus-gi mapaanna ebungngo mahaakki matik mangaanda leiba laal matung ennaa pinabigani. 20 houjikti eikhoygi Eesor amasung epaada lomba naaidana thaagatpa oisanu. Amen.
Khaayna wa
21 Christa Jesus-da asengba khudingbu khurummu. eigaa loynaba echin-enaaosingna nakhoybu khurumjei.
22 asengba-sing pumnamakna, adugaa thoidokna Caesargi emungna nakhoybu khurumjei.
23 ebungngo Jesus Christagi thoujaal nakhoygi thawaayga loinabisanu.
(Mapham asida haayba asigi artha khangnaba, John 15:4-7 yeng-u.)