Hebrew 10
Christana Mathawaai katthok-khiba asina waayel yaathanggi oiba balidagi thoihenbani
10 maramdi waayel yaathangdi laakkadaba aphaba potki murtimak nattaduna, pot adugi mamita oibanina, makhoyna tattana katchaba, chahi khudinggi mannaba eeratpot aduna naksinjarakpasingbu keidoungeidasu chankhonhanba ngamde; 2 maaduna ngamlabdi, Eesor khurumjabasingbu amukta sengdoklaga, mapaap khangjaba karisu amuk haanna leiroidabani haayba maramna, eeratpot adu katpa toklamloidra? 3 touegumsung eeratpot pumnamak aduna chahi khuding paapki maramda ningsinghanba lei. 4 maramdi sanlabagi amasung haamenggi eena paap louthokpa sukngam ngamde.
5 maram adugi damak ebungngona taaibang-paanda lenglaktuna haay,
ratpot amasung katnaba pot ebungngo nahaakna pamdre, touegumsung ebungngo nahaakna eigi damak hakchaang laangbire;
6 Mapum oinaa mei thaaduna katpa amasung paapki damak eratpa potta ebungngo nahaakna pendre.
7 Aduda eina haay, yengbiyu, laairik makol aduda eigi maramda ere, he Eesor, ebungngo nahaakki ningba toujananaba ei lakchabani.
8 eratpa, kapta, mapum oinaa mei thaaduna katpa, amasung paapki damak eratpa ebungngo nahaakna paamde amasung maaduda pende haayba mathakta haaykhre (Masising waayel yaathanggi matung ennaa katpani) 9 maaduda ebungngona haay, yengbiyu, ebungngo nahaakki ningba adu toujananaba ei lakchabani. 10 ebungngona anisuba adu lingkhatnanaba, ahaanba adu louthok-e. ningba aduna eikhoybu Jesus Christagi kakchang adu amukta katpiba adugi mapaanna sengdokpire.
11 Amasung Purohit khudingna numit khuding thougan touduna, adugaa chap mannaba eeratpot adu toyna katchaaduna leppi. eeratpot asina paap keidoungeidasu louthokpa ngamde; 12 adubu ebungngonadi paapki damak eeratpot amatang lomba naaidabagi damak katlaga, Eesor-gi yetta phamle; 13 Matam adudagi ebungngo-gi yeknaba-singbu ebungngo-gi khonggi khutnet oihandriba phaaoba ngaaiduna lei. 14 maramdi ebungngona katpa amatangna sengdokpibasingbu lomba naaidabagi damak ch-ngkhonhanbire.
15 Amasung thawaay asengbanasu eikhoyda saakhi pi, maramdi,
16 Matam adugi matungda eina nakhoyga loynanaa semgadaba waalepnaba adu asini, Eesor-na hai: eina eigi waayel makhei makhoygi thamoida thambigani, adugaa makhoygi pukningdasu eina maadu esinbigani, ebungngo mahaakna asi haayba matungda, ebungngo mahaakna haay,
17 Amasung eina makhoygi paap adugaa makhoygi aayol-araan amuk haanna ningsingbiroi.
18 aduna asisingbu kokpiba leiba mapham aduda, paapki damak amuk haanna katpa leite.
Thougatpa amasung mitna singhanba
19 maram aduna, echin-enaaosa, Jesus-gi eegi mapaanna, ebungngona eikhoygidamak semggatpiba anouba amasung hingliba lambi, 20 maaykhanphi aduda, haaybadi ebungngo-gi hakchaangda, lambi oiduna,
21 asengba maphamda changnanaba eikhoygi thouna phaaba amasung Eesor-gi emunggi mathakta achouba purohit leiduna, 22 eikhoygi phattaba achum-aran khangnaba pukningdagi thamoibu ee khikpiduna, adugaa eikhoygi hakchaang asengba eesingna luthokpiduna, eikhoyna mapung phaaba thaajabana achumba thamoiga loynanaa naksinjasi; 23 Lengdana eikhoygi khouraangna ningba haaydokchaba adu chetna paisi; maramdi waalepnakhiba mahaak adu thaajaba yabani; 24 adugaa amanaa amabu nungsiba amasung aphaba thabaklomda echang thouhannanaba eikhoy waakhal tounasi; 25 mi kharagi hounabi oibagumna, eikhoy isen tinnajaba thaadoktaduna, eikhoy amanaa amabu thougatnasi; adugaa numit adu naksil-lakpa nakhoyna ubagumna adupki makhei henna tousi.
26 maramdi eikhoyna achumbabu khngba adu phanglaba matungda khngna khngna paap tourabadi, paapki damak amuk haanna eratpa leihoude, 27 adubu waayelgi karigumba kina ngaijaba amasung yeknaba-singbu tumhn-gadaba meichaak akanba leihouwi. 28 Mosesgi waayel yaathangbu thouoiusittaba mina saakhi ani ahumgi waada chanbiba yaaodana sinei. 29 Eesor-gi macha, nupaabu khongna netpa, mahaakpu sengdokpikhiba waalepnaba adugi eibu sengdaba potni singthaanaba, amasung thoujaalgi thawaay adubu maaythina thuba mi adubu kayaa henna phattaba waakong phangba matik chagadibani haayna nakhoyna ningbano? 30 maramdi, khutkhumba eigini, eina matik okpa pigani, adugaa amukka, Eesor-na ebungngo mahaakki misingbu waayel-gani, haaykhiba ebungngo mahaakpu eikhoyna khang-e. 31 Hingliba Eesor-gi khutta taaba akibaa masakni.
Tattana thounaphanaba ensinbiba
32 touegumsung nakhoybu ngalhanbikhiba matungda, nakhoyna awaa-anaang khaangbagi kanna soknaba khangkhiba mamaangeigi numit makhei adu ningsingu; 33 Matam amada paaothokpanasu awaabanasu nakhoybu kummei oihalli, adugaa matam amada asumna laknaba phangbasingga nakhoy saruk phangminnaba oirakle. 34 maramdi nakhoyna phaadoksingga awa khangminnare, adugaa nakhoygi damak henna phaaba amasung lengdana leiba pot lei haayba nakhoyna khngduna, nakhoygi pot munthok-khiba adu haraaona yaajare.
35 maram aduna achouba matik okpa manaa phanggadaba nakhoygi thouna phaaba hunjekkanu. 36 maramdi nakhoyna Eesor-gi ningba adu toure haayraga, waaleppa adu phangna-naba, nakhoyna khngba kaannabani.
37 maramdi houjik matam khara leiraga, lenglakliba ebungngona lenglakkani, adugaa thillakloi.
38 touegumsung eigi dharma chenba mi thaajabadagi hinggani, amasung mahaakna ninghannarabadi eigi thawaayna maangonda penba leite.
39 touegumsung eikhoydi mangba taanna ninghannabagi natte, adubu thawaay ngaaknaba phaaoba thaajabagini.