Acts 28
Paulna Melitada panba
1 Amasung eikhoyna hinghouraba matam aduna ethat aduda Melita kouwi haayba eikhoyna khangle.
2 Aduga lam asigi mishingna eikhoyda chanbiba utpa adu echam chaamba natte; maramdi nong churakpagi amasung ningthambagi maramna, makhoyna mei houbiduna, eikhoy pumnamakpu loushinbire.
3 Touegumsung Paulna shing mapul amaa khomlaaktuna, madu meida thaarabada, meishaa aduna lil amaa madudagi thoklaktuna mahaakki khutta chetna phaare.
4 Amasung lam adugi mishingna mahaakki khutta mahu kanba lil aduna yalliba adu urabada, makhoyna amaga-amaga haaynarak-e, mi asi mihatpani, chingnaba leite. Mahaakna samudradagi hinglaklabasu, achumba waayenna mahaakpu hinghanbidre.
5 Adum oinamakpu mahaaknadi lil adu meinungda kansinkhiduna, karisu shokpa leite.
6 Touegumsung mahaak pomgani, nattraga khanghoudana siduna tugani haayna makhoyna ninglammi; adubu makhoyna kuina yengduna leibada amasung maangonda karisu ashoy angaam udrabada, makhoygi pukning olladuna mahaak laaini haayrammi.
7 Amasung mapham adugi manaakta Publiya kouba ethat adugi mapugi lam leirammi; mahaakna loushinbiduna, numit humni nungshiheina eikhoybu thunghalle.
8 Amasung asumna oirare, Publiyagi mapaa arum amasung eton phaibana naduna hiplammi. Maangonda Paulna changkhiduna, haayjaraga, mahaakki mathakta makhut thambiduna mahaakpu phahanbire.
9 Amasung asi tourabada, ethat aduda leiba anaaba ateishingnasu laaktuna naaba phahallei.
10 Makhoynasu eikhoybu yaamna ekaai-khumnabaga loynanaa lunaa toubire; aduga eikhoyna hi tonglabada, eikhoygi kannagadaba pot makhei makhoyna happire.
Paulna Romeda thungba
11 Amasung thaa ahum leiraga, ethat aduda, ningthamtha lellamba, phaibok machin manaaogi khudam hakpa, Alexandrgi hi amada eikhoyna tonglakle.
12 Aduga Surakusda hi thangduna, maduda eikhoyna numit humni phaaire.
13 Adudagi eikhoyna koiraktuna Rigiyada thungle; aduga nongma leiraga, khagi nungshit sitlakpada, nini shubada eikhoyna Putiyolida laakle.
14 Mapham aduda eikhoy echin-enaaoshingbu phangladuna, eikhoybu makhoyna numit taretni leiminnasi haayjare; asum touna eikhoyna Romeda laakle.
15 Madudagi echin-enaaoshingna eikhoygi paao taarabada, Appiyagi keithen amasung yumthung ahum kouba mapham phaaoba eikhoybu oknanaba laakle, makhoybu Paulna urabada, Eeshorbu thaagat-chaaduna echang thoure.
16 Aduga eikhoyna Romeda changlabada, Paulbu ngaksenba laanmi aduga loynanaa mathanta leinaba yaabire.
Paulna Romeda leiba Jewish-shingbu unaba
17 Asum thoklare, numit humni leiraga mahaakna Jewish-shinggi athoi athoibashingbu kouduna tinnahalle; aduga makhoyna tillarabada, mahaakna makhoyda haay, he echin-enaaosha, eina eigi jaat nattraga epa epushinggi hounabi yeknaba karisu toujadrabasu, eibu Jerusalemdagi phaadok oiduna Romegi mishinggi makhutta pithokpire.
18 Romegi mishingna eibu hanglabada, eingonda haatnaba maram kari amata leitba maramna makhoyna eibu thaadokpininglammi.
19 Touegumsung Jihudishingna yaadaba waa haaybada, eina eigi jatta maraal theijinnaba kari amata leitrabasu, eina Caesarda waayendu haanba taakhi.
20 Maram aduna asigi damak eina nakhoybu unanaba amasung ngangnaminnanaba koujabani, maramdi Israel-shingna khouraangna ningba ebungngo adugi maramda eibu yotlhingphalang asina pullibani.
21 Maduda makhoyna maangonda haay, eikhoyna Judeadagi nahaakki maramda laairiksu phangde, aduga echin-enaaoshing kanaagumbana mapham asida laaktuna, nahaakki maramda karigumba phattaba paao tamlaba oirabasu nganglaba oirabasu leite.
22 Touegumsung nahaakki waakhal karino eikhoyna nangondagi taaba chummi haayna ningi; maramdi khutpu asigi mathakta mapham khudingmakta ngaangnaba eikhoyna khang-e.
23 Amasung makhoyna maangonda numit amaa thanarabada, makhoy phana yaamna mahaakki thungpham, manung aduda laakle. Makhoyda mahaakna Mosesgi waayel yaathang adudagi amasung Eeshorgi waa taakthokpa shinggi laairiktagi Eeshorgi leibaakki maramda saakhi piduna, amasung Jesusgi maramda makhoybu thajanaba themduna, ayuktagi numidaang phaaoba taakpirammi.
24 Aduga kharana taakpiba waa adu thajarak-e, adubu kharana thajaramde.
25 Amasung makhoyna makhoy masen marakta yaanadrabada khaaynare. Khaaynadringeiga Paulna makhoyda waa amaa haay, thawaay ashengbana eikhoygi epa epushingda Eeshorgi waa taakthokpa Isaiahbu phajanaa ngaangthok-handuna haaybasini:
26 Nahaakna jaat asida chattuna haayyu, nakhoyna taabadi taagani, aduga supkhang khangloi, amasung ubadi ugani, aduga waakhandi supta taaroi.
27 Maramdi makhoyna mamitna uba, manaakongna taaba, makhoygi pukningna khangba, amuk onsillakpa, amasung eina makhoybu phahanba yaadananaba, mishing asigi pukning pangshinkhre; makhoygi mana taathire, amasung makhoygi mamit uisille.
28 Maram aduna Eeshorgi araan khubam asi atoppa jatsindga thabirak-e haayba nakhoyna khangba oisanu; makhoynasu taagani.
29 Amasung mahaakna waashing asi haayrbada, Jewish-shingna makhoy masen marakta yaamna ningai tounaduna khaaynare.
Aroiba shaaruk
30 Amasung mahaakna mahaakmakki awaaiba yumda chahi ani leiduna, maangonda laakpa pumnamakpu loushinbire.
31 Mahaakpu kanaanasu thingba toudana, mahaakna thouna phana Eeshorgi leibaak shaandoktuna amasung ebungngo Jesus Christagi maramda tambiduna leirammi.