Leviticus 19
Sengdaba amadi chumhanbagi Pathapsing
19 Eshorna Mosesda hairammi, 2 "Israelgi mishingda asumna takpiyu: nakhoigi Mapu Ibungo oiriba Eshor Eisi asengba Eshor oiba maramna nakhoisu asengba mishing oigadoubani. 3 Nakhoi khudingmakna napa amadi namabu luna amadi kina tougadabani. Nakhoina Eigi potthaba numittu ngakna chatkadabani. Masi nakhoigi Eshor Eina piriba yathangni. 4 Nakhoina Lai murti saraga amadi yotna lai saraga ningpharoi. Yathangsi nakhoigi Eshor oiriba Eina touribani.
5 Nakhoina Eshorgi maphamda lamdai sumdaigi thou katpa matamda Ibungona nakhoibu latnaba leitana lousinbinaba katkadabani. 6 Nakhoina katpa numittumaktada thougi potsingdu chagadabani. Nattraga hairiba thougi pottu mathanggi numit youna thamlaga chaba yai. Adubu numit humni lenkhrabadi meida thadokkadabani. 7 Humnisuba numitta hairiba thougi potsingsi charabadi amangba potni haina lougani. Masi chaba phatte. 8 Masibu kanagumbana humnisuba numitta chaba thoklabadi marandugi mahei masana phangjagani. Maramdi adugumba nupaduna Eshorda katpa asengba pottu mangthokle. Maramsina adugumba nupadu mahakki salaidagi tanthokkadabani.
9 Nakhoina lourokpa matamda louri kachin youba phaoba phou khaodokloidoubani. Lou yeiba matamdasu charu phudit khaptokloidoubani. 10 Drakhagi ingkholda drakha hekpa matamda maru phangna drakha hekloidoubani. Drakha pambidagi leibakta takhraba maheisingdu khunduna purakpa yaroi. Hairibasingsi nakhoina lairabasinggi amadi nakhoigi narakta Saidangduna leiriba mishinggidamak khakpigadabani. Eini nakhoigi napuroi Eshordu. 11 Nakhoina huranloidoubani. Minambasu yaroi. Amana amada oidaba wa haibasu yaroi. 12 Minamba wa ngangba matamda Eigi imingsi panba yaroi. Asigumba matamda Eigi minglendu panduna nakhoina lanna sijinnaroidoubani. Eihak Eshorduni.
13 Yumlon keironnabasingbu ot-neibiroidoubani. Makhoigi mapot maran loubiroidoubani. Kanagumba mibu thabak sunaba neklaga ahing lelhanduna nonganba phaoba mahakki pipham thokpa peisadu pidana thamba yaroi. 14 Mana pangba mibu cheibiroidoubani. Mitangba migi chatphamda khudi thiba yaba amadi khonglouba yaba potsing thamganu. Nakhoina Mapu Ibungobu yamna kina chatchagadabani. Eini Eshordu.
15 Wayelba matamda achum aran phajana khaigadabani. Lairabasinggi maphamda michang mikhai naina chatpharoi. Achouba kanagi mamai yengduna achumbabu manghanpharoi. Asengba pukningga loinana yumlonkeironnabasinggi maphamda wayelbigadabani 16 Yumlon keironnabasinggi thoujan phangnaba koina chatloidoubani. Yumlonnabagi punsi mangnaba nahakna toupharoi. Eini Eshordu.
17 Kanagumba mishinggi mathakta tharum thamganu yanadaba matang leirabasu madu yananaba lambel ama thiba phei maramdi mahakki maramdagi nahaksu lanba yai. 18 Nakhoina laman singpharoi. Yumlonnabasinggi macha masuda laman singningbagi ithindu thamoinungda thampharoi. Yumlonnabasingbu nasamakkumna nungsigadabani. Eihak Eshorduni.
19 Eina pikhiba pathapsingdu nakhoina kaidana chatkadabani. Nakhoina loiriba sasandu atoppa jat mannadaba saga mari leinahanduna yansinnaba macha pokhalloidoubani. Loubukta maru taba matamda makhal ani yansinnaroidoubani. Mannadaba langna saba phi setpharoi.
20 Mamal pidriba nattraga naithang kokcharo haina khaidoktaba kanagumba minai nupi ama atoppa nupa amada atonbi oinaba yonge hainakhraba matungda karigumba leiriba nupaduna mamaldu pidrabadi, mahak hanna loiramba mapuduga nupiduga phidinnaba yai. Adubu thoudoksigi marida kupna thijingadabani. Dandi pibadi yaroi maramdi nupidu mapudugi minai oina leiri. 21 Adubu nupaduna aran tou oina mitinshanggi mamangda Eshorgi maphamda yao ama purakkadabani. 22 Nupaduna toukhiba aranbadugi thou oina yaodu Eshorgi mamangda kaktuna thou touthokkadabani. Mahakna toukhiba Aranbadu hairiba thousi touraba matungda kokpigadabani. 23 Nakhoida pibigani haikhiba leibaktu youraba matamda maru marang amadi mahei maronggi pambi thaba matamda pambisingduda panba maheidu chahi ahum chaba yaroi. 24 Marisuba chahida Eshorgi maphamda asengba mahei marong oina katkadabani. 25 Mangasuba chahida nakhoina pambisingdudagi maheisingdu chaba yai. Masi tourabadi pambisingduda mapan naidana mahei pan-gani. Eihak Eshorduni.
26 Ee Louthoktrabadi sha chapharoi. Nakhoina jadu mantra touroidoubani. 27 Narumda houriba samdu ikoi koina phandokloidabani koigi maton kakloidoubani. 28 Siba naba khangnanaba nasada cheipham thamba yaroi. Nasada cheipham leihanba yade. Eini Eshordu.
29 Peisa khanbi oihanduna nachanupibu lamchat mangbi nupi oihanganu. Hairiba wasi indrabadi leibak sinbathungna phattaba amadi peisa khanbagi thabak sandorakpa yai. 30 Nakhoina Eigi potthaba numittu ngakkadabani. Eigi leipham oiriba ningnashangdu nakhoina luna channa tougadabani. Eshordu Eini.
31 Maiba maibi thiduna leiganu. Makhoina nakhoibu manghan-gani. Nakhoigi napuroi Eshordu Eini.
32 Ahan oiraba mishingbu ubada lepkhattuna ikai khumnaba utkadabani. Ahan oirabadi matam leibada ikai khumnaba utkadabani. Masi toubaga loinana nakhoigi napuroibasu Ikai khumnagadabani. Eihak Eshorduni.
33 Nahakna leiriba lamduda kanagumba Saidangba ama leirabadi mahakki maphamda aranba chatloidoubani. 34 Saidangliba nupadu nareikai machagumna toubigani. Nakhoina mahakpu nasamakkumna nungsibigani. Maramdi nakhoisu Egyptta lamlanba mishing oina leirambani. Eihak nakhoigi napuroi Eshorduni.
35 Nakhoina marak, mayung amadi arumba onba matamda kanabusu namthak toubiroidoubani. 36 Nakan animak lumba mannaba khal, achumba ephah amadi hin thamgadabani. Nakhoibu Egypttagi pubirakkhiba napuroi Lainingthou Ibungodu Eini. 37 Eina pikhiba pathapsing amadi yathangsingdu kaidana chatkadabani. Eihak Eshorduni.