Matthew 9
Naakal naamma shithaba anaaba mi amabu phahanbiba
( Mark 2.1-12; Luke 5.17-26 )
1 Amasung Ebungngona hi amada tonglaga laanthoktuna ebungngomakki saaharda thungle.
2 Amasung yeng-u, mishingna naakal naamma sithaduna naaba mi amabu phamungda hipphallaga ebungngoda purakli; amasung Jesusna makhoygi thaajaba adu uraduna, naakal naamma shithaba aduda haay, echa, nungaai-jaro; nanggi paapshing adubu kokpire.
3 Aduga yeng-u, shaastragi ojaashing kharana, nupaa asi Eeshorbu thina ngaangle, haayna makhoy masen haaynei.
4 Amasung Jesusna makhoygi waakhal adu khangladuna haayrak-e, nakhoyna nakhoygi pukningda phattaba waakhal karigi khallibage?
5 Maramdi, nanggi paapshing adubu kokpire haaybaga, hougattuna koychat chatlu haaybaga, karambana henna laaybage?
6 Touegumsung migi machaanupa aduna taaibanpanda paapshingbu kokpinaba matik lei haayba nakhoyna khangnanaba (matam aduda naakal naamma shithaba aduda haayrak-e), hougatlo, nanggi phamung loukhattuna nayumda chatlu.
7 Amasung manaa hougattuna mayumda chatkhre.
8 Touegumsung miyaam adu madu ubada kirammi, amasung mishingda asigumba matik pibiba Eeshorbu thaagat-chaare.
Matthewbu koubiba. Chara henbagi marida tambiba
( Mark 2.13-17; Luke 5.27-32 )
9 Amasung Jesusna mapham adudagi asum laakpada, Matthew kouba nupaa amaa khaajana thiphamda phamba uraduna, Ebungngona maangonda haay, eigi tung ellu. Amasung mahaakna hougattuna ebungngogi tung enjare.
10 Amasung asum thoklare, Ebungngona emungda chaananaba phamlingeida, yeng-u, khaajana thoubaa-shing amasung paap chenbashing laaktuna Jesus amasung ebungngogi sebokshingga phamminnare.
11 Amasung pharisi shingna madu uraduna, ebungngogi sebokshingda haayrak-e, nakhoygi ojaana khaajana thoubaa-shing amasung paap chenbashingga karigi chaaminnaribano?
12 Touegumsung Ebungngona madu taaraduna haayrak-e, masha phaba-shingdi maaiba kaannade, adubu anaabashingdadi kaannei.
13 Touegumsung eina nungshiheibabu paammi, aduga eeratpotpu paamde, haayba asi karino nakhoyna chattuna tamlukho. Maramdi eina dharma chenbashingbu kouba laakpa natte, adubu paap chenbashingbuni.
14 Matung aduda John-gi sebokshingna ebungngoda laaktuna haayrak-e, eikhoyna amasung pharisi shingna chara helliba, aduga ebungngogi sebokshingnadi chara hendaba karigino?
15 Amasung Jesusna makhoyda haayrak-e, borna marup mapaangga leiminnaribamakhei makhoyna tengthaaba ngambra? touegumsung asigumba numit laakkani, maduda bor adubu makhoydagi pukhigani, amasung matam aduda makhoyna chara hen-gani.
16 Aduga kanaanasu aman-ba phida ahan-ba phi machet photchin-de, maramdi photchilliba phijet aduna phi adudagi chingshinduna mapham adu hennadum thina shegaaihalli.
17 Mishingna anouba angur mahi aman-ba saun khaao shingda haapnade; haaplabadi, saunshing adu pokkhaayduna angur mahi adu taay, amasung saun khaao shing adusu maang-e; touegumsung makhoyna anouba angur mahi anouba saun khaao shingda haapnei, amasung animak ningthina thamle.
Jairusgi machaanupibu hinghanbiba amasung, ee tabi nupi amabu phahanbiba
( Mark 5.21-43; Luke 8.40-56 )
18 Ebungngona pumnamak asi makhoyda haayringeida, yeng-u, waayel thoudaaba mapu amanaa ebungngoda laaklaga, khurumduna haayjarak-e, eigi echaa nupi houjikta shibada ngaairi; touegumsung lengbiraktuna ebungngogi khutna maangonda thambiyu, amasung manaa hingjagani.
19 Amasung Jesusna hougattuna mahaakka chatminnare, aduga ebungngogi sebokshingsu chatle.
20 Amasung yeng-u, chahi taraanithoi ee taaduna naarabi nupi amanaa tungda laaktuna, ebungngogi phiji adu shokle.
21 Maramdi, eina ebungngogi ennaphi shokpata shokchaarabadi, ei pumpha phagani, haayna mapukningda ningjei.
22 Aduda Jesusna onthoktuna maabu uraga haay, echaa nupi, nungaai-jaro; nanggi thaajabana nangbu phahanbire. Amasung pung adudagi nupi adu pumpha phakhre.
23 Amasung Jesusna waayel thoudaaba mapu adugi yumda lengshinbada baangsi khongba shing amasung ninkhongliba miyaam adu uraduna haayrak-e,
24 Handokpiyu; maramdi nupi machaa asi side, tumlibani. Amasung makhoyna ebungngobu usittana noknei.
25 Amasung miyaam adu thok-hankhrabada, Ebungngona manungda lengshinduna maagi makhut paaykhatlure, amasung nupi machaa adu hinggatle.
26 Amasung mingchat adu lam pumnamakta shin-thungkhre.
Mittaangba mi ani. Bhutna puba marol thoktaba mi amabu phahanbiba
27 Amasung madudagi Jesusna asum chaatkhibada mittaangba anina, he Davidki machaanupa, eikhoybu nungshibiyu, haayna laaora laaoraduna ebungngogi tung enjarak-e.
28 Amasung Ebungngona emungda changlakpada, mittaangbashing adusu ebungngogi manakta laakle; amasung Jesusna makhoyda haay, eina maasi touba ngammi haaybasi nakhoy thaajabra? makhoyna ebungngoda haayjei, hoy, Eeshor.
29 Matam aduda Ebungngona makhoygi mamit shoktuna haaybi, nakhoygi thaajabagi matung ennaa nakhoyda oisanu.
30 Amasung makhoygi mamit paangthokle. Amasung, yeng-u, mi kanaa amatasu khanghan-ganu haayna Jesusna makhoyda akanba yaathang pirammi.
31 Touegumsung makhoyna chatkhiduna, ebungngogi mingchat adu leibaak adugi apumbada koisan shaandokkhre.
32 Amasung makhoyna asum chatthokpada, yeng-u, bhutna puba marol thoktaba mi amabu ebungngoda puraklammi.
33 Amasung bhut adu taanthokkhrabada marol thoktraba adu thokle; maduda miyaam aduna ngakladuna haayrak-e, Israelgi marakta asigumba asi keidoungeidasu ukhidri.
34 Pharisi shingnadi, bhut shinggi mapugi mapaanna mahaakna bhut shingbu taanthoklibani, haaynarammi.
35 Amasung Jesusna makhoygi loysang loysangda tambiduna, ningthou-leibaakki aphaba waapaao shaandoktuna, aduga laaina pumnamak amasung ashol-ana pumnamakpu kokhanbiduna, saahar amasung khul pumnamakta koychat chatlammi.
36 Touegumsung Ebungngona miyaam-shing adu ubada, makhoyda nungshibiba pokle; maramdi makhoy adu senbiba leitba yaaoshinggumna kangaaonaba amasung pambei leitba oirammi.
37 Matam aduda Ebungngona mahaakki sebokshingda haay, lou lokkadaba yaammi, adubu lokpinaba midi yaamde;
38 Maram aduna ebungngo mahaakki lokkadaba louda thabak shubaa mi thaabiraknaba lougi mapuda nonjou.