John 14
Eeshorbu phangnaba lambi, thawaay ashengbagi maramda waaleppa
1 Nakhoygi pukning olang onshaaoba toudasanu, Eeshorbu thaajou, eibusu thaajou.
2 Eigi epaagi yumda leipham yaamna lei, madu natlamdrabadi eina nakhoyda haaybiramgadabani, maramdi eina nakhoygi damak mapham thouraang tounanaba chatli.
3 Amasung eina chattuna nakhoygi damak thouraang tourabadi, eina leiba mapham aduda nakhoysu leinanaba, eina amuk laaktuna nakhoybu enaakta loushinbigani.
4 Aduga eina kadaayda chatliba nakhoyna lambi adu khang-e.
5 Thomasna ebungngoda, haay, Eeshor, Ebungngona kadaayda lengliba eikhoyna khangyaade, karamna eikhoyna lambi adu khang-gadage?
6 Jesusna maangonda haay, lambi adusu, achumba adusu, hingba adusu eini, eigi epanna nattanadi mi kanaa amatanasu epaagi maphamda thungde.
7 Nakhoyna eibu khinglamlabadi, nakhoyna eigi epabusu khanglamgadabani, houjiktagi nakhoyna ebungngo mahaakpu khang-e amasung ure.
8 Philipna ebungngoda, haay, Eeshor, epa adubu eikhoyda uhanbiyu, aduga eikhoy penjagani.
9 Jesusna maangonda haay,
matam asup kuina eina nakhoyga leiminnei, aduga nahaakna eibu khang-dribra, Philip? eibu uraba mahaak aduna epa adubu ure, nahaakna karamna eikhoyda epa adubu uhanbiyu haaybage?
10 Eina epaada lei aduga epaana eingonda lei haayba nahaakna thaajadabra? Eina nakhoyda haayri haayriba waa adu eina esha ethantadagi ngaangba natte, touegumsung eingonda leiba epa aduna ebungngo mahaakki thabak touwi.
11 Eina epaada lei aduga epaana eingonda lei haayba eigi waa adu thaajou, nattraga eigi thabak adumakki maramna thaajou.
12 Eina nakhoyda thaanggei shengnamak haayribani, eibu thaajaba mahaak aduna eina touba touba thabak adu mahaaknasu tougani, aduga asishingdagi henna chaaoba thabak mahaakna tougani, maramdi eina epaagi maphamda chatli.
13 Amasung mapaana machaanupa aduda matik mangaan phangnanaba, nakhoyna eigi mingda nija nijaba adu eina toubigani.
14 Eigi mingda nakhoyna karigumba eingonda nijarabadi, eina madu toubigani.
15 Nakhoyna eibu nungshirabadi, eigi yaathang pumnamak nakhoyna ngakkani.
16 Amasung eina epaada haayjagani, aduga ebungngo mahaakna atei pang-biba amaa,
17 Haaybadi achumba adugi thawaay adubu, nakhoyga loyba naaidana leiminnanaba nakhoyda pibigani, taaibang paanbana ebungngo mahaakpu ngamde, maramdi ebungngo mahaakpu usu ude, khangsu khangde, nakhoydi ebungngo mahaakpu khang-e, maramdi ebungngo mahaakna nakhoyga etat-tattana loinei, amasung nakhoygi nungda leibani.
18 Eina nakhoybu pitat patatpa machagum thamlamloi, eina nakhoyda laakkani.
19 Matam khara leiraga taaibang paanbana eibu amuk uroi, adubu nakhoydi eibu ugani, eina hingbagi maramna nakhoysu hinggani.
20 Eina epaada lei, nakhoyna eingonda lei, amasung eina nakhoyda lei haayba nakhoyna numit aduda khanggani.
21 Eina yaathang phanglaba amasung ngaakpa mahaak adumakna eibu nungshibani, aduga eibu nungshiba mahaak adubu eigi epaana nungshigani, amasung eina mahaakpu nungshiduna maangonda esha ethantabu phongdokchaagani.
22 Iskariyot nattaba Judasna ebungngoda haay, Eeshor, ebungngo nashaa nathantabu eikhoyda phongdokpigani aduga taaibang paanbadadi natte haayba asi kari thokkhibanano?
23 Jesusna maangonda khumlak-e,
kanaagumbana eibu nungshirabadi, mahaakna eigi waa ngakkani, aduga eigi epaana mahaakpu nungshibigani, amasung eikhoyna maangonda laaktuna mahaakka loynanaa eikhoygi leipham shemgani.
24 Eibu nungshidaba mahaak aduna eigi waashing ngakte, amasung nakhoyna taariba waa adu eigi natte, adubu eibu thaarakpa epagani.
25 Eina nakhoyga leiminnaringeida waaramshing asi nakhoyda ngaangle.
26 Touegumsung pang-biba adu, haaybadi epaana eigi mingda thabirakkadaba thawaay ashengba, ebungngo mahaak aduna nakhoyda pumnamak tambigani, amasung eina nakhoyda haaykhiba pumnamak adu nakhoybu ningshinghanbigani.
27 Engthaba eina nakhoyda thamlammi, eigi engthaba eina nakhoyda pibi, taaibang paanbana pibagumna eina nakhoyda pibide. Nakhoygi pukning olang onshaaoba toudasanu, aduga kiba oidasanu.
28 Eina chatthokkani, amasung eina nakhoyda laakkani haayba eina nakhoyda haaykhiba adu nakhoyna taare. Nakhoyna eibu nungshirabadi, eina epaagi maphamda chatpa maramna nakhoyna haraaoramgadabani, maramdi epaana eingondagi henna chaaoi
29 Amasung thoklakpada nakhoyna thajananaba, houjik thoktringeida eina nakhoyda tambikhre.
30 Eina nakhoyga amuk haanna yaamna ngangnaroi, maramdi taaibang paanbagi mapu adu laak-e, aduga eingonda maagi karisu leite,
31 Touegumsung eina epaabu nungshi, epaana eingonda yaathang pikhiba gumna eina touwi haayba taaibang paanbana khangnanabani. Hougatlo, eikhoy mapham asidagi chatlasi.