1 Samuel 17

Goliathna Israelbu singnaba

17 Philisti-singna laandanabagidamak Judah-gi Sokoh kouba maphamda laanmi peiduna leirammi. Sokohga Azekahga tainaba Ephes Dammim kouba maphamda laanban sarammi. 2 Saul amadi Israelgi misingna Elahgi tampaaktuda tillammi. Makhoysu Philisti-singga laansoknaba sem sarammi. 3 Philisti-singna chingpak amada leptuna leirammi Israelgi misingna nakan amada leplammi. laanmi anidugi marakta achouba tampaak amaa leirammi.

         4 Gath kouba sahardudagi yaamna phaaoba nupaa amanaa Philisti-singgi laanbandagi chongthoraktuna Israelgi misingbu singnarammi. mahaak metre ahumlom waanglammi. 5 mahaak khang tupi amaa uplammi. Yotki phurit amasu litlammi adugaa adugumba phurittu pithraai kilo 56 oirammi. 6 Makhongda pithraaina semba khongup uplammi. adugaa marengbaanda pithraaina saaba ta amaa haigattuna chatlammi. 7 mahaakki tagi makhoktu phisabada sijinnaba konnabagumbani. Mahaakna pairiba tadugi machindutana yot kilo 23-lom lumlammi. Chunggoi paayba nupaa amanaa mahaakki maangda thaaduna chatlammi. 8 Mahaakna lepkhatladuna Israelgi phamnaaiba-singda laoraklammi, "nakhoyna kari laan tougani haayduna thoraklibano? eihaak Philisti amaa nattra? nakhoydi Saulgi minaai nattra? nakhoygi naraktagi mi amaa khandoklaga eigaa lanba tounanaba thokhallak-u. 9 Mahaakna laanphamsida eibu haatpa ngamlabdi, eikhoy nakhoygi nanaai oige. adugaa karigumba eina ngamduna mahaakpu haatlabadi nakhoy eikhoygi minaai oiba taay." 10 Philisti-singna maakha taana haayrak-e, "houjikmak maphamsida Israelgi laanmisinggi maraktagi eigi lanbadu chongthokrakro. Eina napan touna haayribasini eigi epa amaa thorakhallo." 11 Saul amadi mahaakka loynariba misingduna waaphamsi taabada akibaa pollammi.

         12 Judah-gi Bethlehemgi Ephrath saageigi Jessegi machaa-nupaa nipaangi eton tonba David kouba amaa leirammi. Saul ningthoudi ahan matam oirammi adugaa masaagi chahisu yaamna yaamlammi. 13 Jessena pokpaa machaa-nupaa ahum amasu Saulga loynanaa laanthengnaba chatlammi. Makhoygi mamingdi Eliab, Abijah amadi Sammah oirammi, Davidna eton tonbani adugaa mayaamba ahumduna Saulga leihouraga 15 Davidna Bethlehemda toyna handuna mapaagi yaaosingdu yengba chatlammi.

         16 Goliathna Israelgi misingbu numit niphuni ayuk-nungthin thoraktuna singnarammi.

         17 Nongma Jessena Davidta haayrammi, "nahaakki nayaambasinggidamak chengpak kilo 20-ga, talpak taaraga laanbanda chat-tuna thinbiru. Haayribasi puduna makhoygi manaakta yaamna thuna chatlu.18 lisinggi makok oiribasingdugidamak sanggom mapaan mayom tarasi pukho. Nahaakna nayaambasing karam touri haaybadu yenglaga makhoy kari thoidokpa toude haaybadu khangnaba khudam amaa puraktuna laakkadabani.

         19 Matamsida Saul amadi Israelgi misingna Elahgi tampaakta Philisti-singga laanthengnaduna leirammi. 20 Davidna ayuk nganna hougattuna mahut sinnaba yaao sennaba nupaa amaa thaamlamlaga Jessena yaathang pikhiba matung ennaa potsingdu puduna khongsaankhirammi.  laangi  khollao laoraduna laanmi singna thorakliba maphamdu youkhirammi. 21 Israel amadi Philisti-sing laanthengnagadabagi maayoknaba hourammi. 22 Davidna potsingdu atoppa nupaa amada thaamlam-laga phamnaaiba-singgi manaakta changkhirammi. Maphamduda chat-tuna mayaambaasingbu khurumjakhi. 23 Mahaakna maphamduda makhoyga waari saaduna leiringeida Gathki aphaoba Philisti-singgi laanmi oiriba Goliath koubaduna Amukka Philisti-singgi phamnaaiba-singgi maraktagi thoraktuna haannagi matougumna singnaba houkhi. maadu Davidna taarammi. 24 Israelgi misingna nupaadubu ubda kiraduna chennarammi. 25 Israelgi misingna haayrammi, "ada laakliba nupaasi nahaak urabra? asengbamak mahaakna Israelbu mingchat thinannaba laaklibani. Mahaakpu haatpa ngamba nupaadu ningthouna manaa yaamna chaaona pigani. ningthougi maja ebemma piduna Israelgi manungda touningbata touba ngamgadouribani."

         26 Davidna manaakta lepliba nupaaduda haayrammi, " Philistisibu haatpa nupaadu kari kaannaba phanggani? Israelgi ekaaibasi phahallabadi kari oijaba phanggani? sinaaidba Eesor-gi laanmisingbu maaythiba pigadouriba un kaktaba Philistisi kanaano? 27 misingna maangonda paaoukhum chap maannana pirammi. "maramsinani mahaakpu haatpa ngamba nupaaduda manaa yaamna chaaona pigani haayribasi."

         28 Davidki mayaambana nupaaduga waari sannaribadu taarammi. Eliabna Davidpu saaorammi amasung haayrak-e, “nahaak maphamsida kari touba laaklibano? lamhaangda leiriba yaaosingdu kanaada sinnaram-laga laaklibano? Nahaakna khalliba waakhan amadi napuk-ningda ningliba phattaba pukcheldu khngba ngammi. nahaak maphamsida laanphamsi yengba laaklibani."

         29 Davidna mayaambada haayrammi, "eina kari phattaba toukhrabage? waa ngaangbakhakta mahourakli." 30 Mahaakna atoppa amada onsinladuna chap mannaba waahang hangba matamda mahaakna haanna phangkhiba paaoukhumduga chap maannana nupaaduna khumlakkhi.

         31 Davidna haaykhiba waadu kanaagumba mi kharana taarammi adugaa makhoyna waaphamdumak Saulda tamkhi. Saulna mahaakpu manaakta kousinlammi. 32 Davidna Saulda haayrammi, "iningthou ebungngo, Philisti-singbu uraga eikhoy ningba kaipham thokte. nanaaibu yaathang pinabiyu adu oirabadi mahaakka lanba tounajage."

         33 Saulna paaoukhum piraklammi, "natte, nahaakna karamna nupaasiga laanthengnagadouribano? nahaak yaamna nahaa oiri adugaa nupaasidi mapunsichuppa laanmi oinaa laaklabani."

         34 Davidna khumlammi, "iningthou, nanaaina epaagi yaaosingdu sellibani. Karigu-mba matamda nongsa nattraga saomna yaao machaa amaa phaaduna  pukhiba matamda, 35 Eina sadugi matung ennei adugaa laanthengnaduna yaodubu kanba ngammi. Karigumba nongsa nattraga saomduna eingonda onsinlaklabasu mangaksamda konsinduna haatpa ngammi. 36 eigi punsida nongsa amadi saom yaamna hatkhre adugaa un kaktaba Philistisibusu saa haatpagumna hatchage. asigumba nupaasina sinaaidba Eesor-gi laanmisingbu mingchat thihangadouri. 37 Eesor-na nanaaibu nongsa amadi saomsingdagi kanbiduna ngasi phaaoba laaklabani adu oirabadi ebungngo mahaakna asigumba Philistigi laanmi asigi makhuttagi kanbigani."

         Saulna haayrak-e, "phare, Laanthengnaro adugaa Eesor-na loinabiba oisanu." 38 Saulna Davidpu sapot-lanpot setchinbire. Makokta pithraaigi tupi amaa upsinbirammi. Saulgi phurit amasu litsinbirammi. 39 Davidna thaangsaang amaa yaansillammi adubu thangdi mahaak keidoungeidasu sijinnakhidri. maramsina thangdu arembada yaanba oirammi. maasi loirabada Davidna Saulda haayrammi. "nahaakna piriba mayaamsinadi eihaak laanthengnaba ngamloi. eidi haayriba-singsi sijinnaba heite." maramsina mahaakna phijet amadi khutlainachingbadu louthoklaga thamlammi. 40 pumnamaktu louthoklamlaga yaaosenbada sijinnaba cheidu paaykhatle adugaa masa nanba nung machaa mangadang khullammi. Nungsingdu yaaosenba chatpada sijinnaba khaoduda hapkhi. Mahaakna Gulen amaa makhutta paire adugaa Philistidugi manaakta changkhirammi.

Davidna Goliathpu maaythiba piba

         41 Philistiduna Davidki manaak nakna changsillaaklammi. mahaakki chunggoi paayba nupaaduna mamaang thahallammi. 42 Philistiduna Davidpu ubada tantharammi maramdi yengbada masak matou phajaraba nouraba paakhang amaa oirammi. 43 Philistiduna Davidta haayrammi, “nahaak chei paayduna laaklibadu karigino? Nahaakna eibu huini haayna ningbra?" Philistiduna mahaakna ningba laaiyaamdugi mamingda Davidki mathakpa siraap pikhi. 44 Philistiduna Davidta haayrammi, “eigi enaakta changsillak-u, nahaakki sadongdu nongthakta pairiba uchek amadi lamlakta leiriba saasingda sinnajathokke.

         45 Davidna Philistiduda haayrammi, " thang tanachingba paayduna nahaakna eigi enaakta changlakli adubu eidi nahaakna mingchat thihallaba Israelgi Mapu koirou maalem anigi Eesor-dugi minglendu sonduna nahaakka lanba tougadouribani. 46 Ngasi haayba numitsida Eesor-na nahaakpu eigi ekhutta pibigani. Eina nahaakpu yeikhaaiduna nakoktu kakkadouribani. Philisti-singgi asibaa masasingdu nongthakta pairiba ucheksing amadi lamlakta pairiba saasingda pijathokkani. maalemsina Israelgi Eesor amaa lei haaybasi maadu tourabatada khanggadouribani.

         47 Eesor-gi misingsi kanba matamda thang nattraga ta darkar oide haaybasi ngasi maphamsida tilliba misingsina khngjahouba oisanu. soknagadou-riba laanphamsi Eesor-gini adugaa ebungngodi laangamba ebungngoduni. maramsina ebungngo mahaakna nakhoy loynaba eikhoygi ekhutta pibigani."

         48 Goliathna Davidpu laaksillage khanduna changsinba houra klammi. Matamsida Davidsu Philisti-singgi  laangi  ngamkhei oiriba maphamduda thuna changsinkhiduna laanthengnanaba ngaaiduna leikhi. 49 Davidna makhuttu khaoduda humjinkhi. Mahaakna nung amaa loutholaga Gulenduda hapchilladuna kapkhiba matamda Philistidugi maraibakta pankhi. Nungduna mahaakki maraibak thugaaykhi. maramsina mamaay upsinduna leimaayda taakhi. 50 Matou asumna Davidna thang yaaodana Goliathpu maaythiba pikhi. adugaa Gulen amaaga nung amakhakta paayduna mahaakpu haatkhi. 51 Mahaakna chensinkhiduna Goliathki mathakta lepladuna Goliathki thangkhumdagi thaangsaangdu satoklaga mangak kaktuna haatkhi.

         Philisti-singna makhoygi aphaoba nupaadu siba ubamaktada kaayduna chennakhi. 52 Israel amadi Judah-gi misingna laoraduna makhoygi tungda taksinkhi. adugaa makhoybu Gath amada Ekrongi thonggal youba phaaoba tannakhi. Asokpa Philisti-singna lengkhiba parengdu Saaraimdagina Gath amadi Ekron yourammi, 53 Israelgi misingna Philisti-singbu tannarubadagi hallakpa matamda laanbannachingba thugaayduna lan thum purakkhi. 54 Davidna Philisti Goliathki makok louraklaga Jerusalem phaaoba purakkhi. Goliathki khutlaisingdu puraklaga mahaakna leiriba sangduda thamkhi.

Saulgi mamaangda Davidpu pusil-lakpa

         55 Davidna Goliathka laanthengnaba thok-khiba matamda Saulna laanmisinggi makok Abnerda hanglammi, "Abner, nupaasi kanaagi machano?"

         Abnerna masida paaoukhumkhi, "Eesor nanaai thoidokpa khangjade.

         56 Saulna haayrammi, "adu oirabadi khangna-naba thirak-u."

         57 Goliath hatladuna Davidna laanbandomda hallaklaba matungda Abnerna mahaakpu Saulgi manaakta pusinkhi. Matamduda Davidna Goliathki makok puduna changlaaklammi. 58 Saulna maangonda hangkhi, "pakhang, nahaak kanaagi machano?" Davidna khumkhi, "nanai oiriba Bethlehemda leiba Jessegi machaa-nupaani."