1 Samuel 4
Areppa waashakki phambaal pukhiba
1 Maramsida Philistishingna Israelgi mathakta laandanabagidamak punsillammi. Israelgi mishingnasu makhoygi mathakta laandanaba Ebenezerda laanban shaarammi aduga Philistishingna Aphekta laanban shaakhi.
2 Philistishingna angakpa phangna phujillakkhi aduga yaamna kanna laan shoknaba matungda Israelgi mishingbu maaythiba pikhi aduga laanphamduda mi 4,000 rom shikhi.
3 Laanmi shingna laanbanda hallakpa matamda Israelgi ahanshingna haayrammi, "karigi Eeshorna eikhoybu Philistishinggi makhutta maaythiba nanghallibano? Karigi maphamsi taanna Eeshorna eikhoybu Philistishinggi makhutta maaythiba nanghallibano? Maphamsi taanna Eeshorgi areppa khangnaraba phambaaldu puduna laaksi. Adu oirabadi Ebungngona eikhoyga loynanaa leibiduna yeknabashingbu maaythiba pigani."
4 Maramsina makhoyna Silohda mi khara thaarammi aduga cherubimgi mathakta ngaanthoiriba Eeshorgi areppa waashakki khudam oiriba phambaaldu puduna laaklammi. Eligi machaanupa Hophni amadi Pinehas anidasu Eeshorgi areppa waashakki khudam oiriba phambaaldu senanaba laaklammi.
5 Laanbanda Eeshorgi areppa waashak khangnariba phambaaldu pusillakpa matamda Israelgi mishingna khonjen waangna laaorammi. Khonjenduna maalemsi nikkhi.
6 Philistishingna Israelgi khongjeldu taabada haayrammi, " Hebrew-shinggi laanbanda khongjel waangna laaoribasi kari oirigaba? Eeshorgi phambaaldu laanban sariba maphamduda thamle haaybadu taabada
7 Philistishingdu yaamna kikhi. Maramsina makhoyna haayrammi, "laai phaaoba makhoygi laanbanda yaaosillakpa taarabadi eikhoydi kari oiragani? Asigumbasi keidoungeidasu eikhoy thengnakhidri.
8 Eikhoy paanggal leiraba laaishingdugi makhuttagi kanaana kanbigani? Egyptta leibashingbu makhal kayagi laaichat thok-handuna haatkhibadu haayriba laaishingsini.
9 He Philistishing. Nathouna leiyu. Nupaagi gundu utkadabani. Nattrabadi nakhoy makhoygi minaai oiba taay. Makhoysu nakhoygi minaai oidana laakli. Maramsina nupaa oibagi matik uttuna kanna laan thengnou."
10 Philistishingna yaamna kanna laan-thengnaduna Israelgi mishingbu maaythiba pikhi. Makhoy kaayduna chenkhraga mayumlomda pangkhi. Numitsida mi yaamna shikhi. Israel khong laanmi 30,00 rom shikhi
11 Eeshorgi phambaaldu makhoyna munkhi. Eligi machaanupa Hophni amadi Pinehas numitsida haatkhi.
Eli nonggaba
12 Benjamingi kanaagumba nupaa amakhakna laanphamdudagi chenkhiduna Silohda thungkhi. Mahaakki awaabadu uhannabagidamak maphi shegaairaga makokta uphun chaikhatlammi.
13 Mahaakna youkhiba matamda paao taningbagi ekhou laangladuna Eli laambelda phamduna leirammi. Eligi thamoida Eeshorgi Phambaal puthokkhibaduda nungnanglammi. Haayriba nupaaduna laaklaga saaharduda leiriba mishingda paaodu tamkhi aduga saaharduda leiriba mi khuding kap laaonarammi.
14 Elina laaona kaplibadu taabada haayrammi, "mi kaplibasi karigino?" Matamsida nupaaduna laaklaga Elida waa pumnamak shugaaina tamduna taahankhi.
15 Matamsida Eli chahi 98 shurammi. Mamit tanglammi.
16 Nupaaduna Elida haayrammi, "eihak laanphamdagi ngasi chellaakpani."
17 Elina nupaaduda haayrammi, "ngasi karamna laanthengnakhi?" paao purakliba nupaaduna maangonda haaykhi, " Philistishinggi mamaangda Israelgi mishing loina chenkhi. Angakpa phangna mi shikhi. Nahaakki nachaa-nupaa anisu shire. Hophni amadi Pinehas animak leitre. Eeshorgi phambaaldu Philistishingna munduna pukhre."
18 Nupaaduna Eeshorgi phambaal haayba waasi hek haaydorakpada phamliba maphamdudagi tungoinana thonggalgi nakanda Eli haithakhi. Mahaak mangak tektuna maphamdumaktada shikhi. Mahaak ahansu oire aduga mashaasu yaamna lumlammi. Mahaak Israelgi mathakta chahi niphu chupnaa waayenkhi.
Phinehki nupi nonggaba
19 Eligi mamou-nupi Pinehaski nupidu mirollammi. Eeshorgi phambaal munduna pukhre aduga mapuroiba amadi makubok animaksu mathawaay thaare tabamaktada khanghoudana machaa pokkhi.
20 Mahaakna siramdaida maayoknaribi nupidunamaangonda haayrammi, "nathouna leiyu. Nachasi nupaani." adubu nupidu paaoukhum amatta piramdana tuminna leikhi.
21 Mahaakki angaangdugi maming echaa bod kourammi. Masigi arthadi Israelgi manungda matik mayaai leitre haaybani. Maramdi Eeshorgi phambaal mun-khiba aduga makubok amadi mapuroiba shikhibaduga mari leinna thonkhibani.
22 Mahaakna haayjarammi, "Israelgi matik mayaaidu ngamnamak leitre. Maramdi Eeshorgi phambaaldu mina munbikhre."