Ephesians 3

Eeshorgi athuppa waa phongna-nabagidamak Paulbu khandokpa

1 Maram asigidamak nakhoy atoppa Jaatshinggi damak Christa Jesusgi maramda phaadok oiriba Paul eina

2 Nakhoyromda eingonda pibikhraba Eeshorgi thoujaal adugi asinarangba adugi maramda nakhoyna aoibamk taaraba oirabadi,

3 Haaybadi, phongdokpibagi mapaanna, eina ahaanbada waahei kharana ekhibagumna, athuppa waa adu eingonda khanghanbire;

4 Madugi matung ennaa nakhoyna parabada, Christagi athuppa waada eigi khangba nakhoyna ubaa ngammi.

5 Athuppa waa asi houjikti thawaaygi mapaanna ebungngogi paakhon-chatpashingda amasung waa taakthokpa shingda phongdokpirambagumna, atei atei mironda mioibagi machaashingda khanghallamde;

6 Haaybadi, aphaba waapaaogi mapaanna Christa Jesusda waaleppa adugi yumlep chara oiminnaba, hakchaang amata oiminnaba, amasung sharuk phangminnaba atoppa Jaatshing oi. 

7 Eeshorgi paanggalgi thabak touba mtung ennaa eingonda pibikhraba ebungngo mahaakki thoujaan adugi khudon matung ennaa aphaba waapaao asigi thougan touba mi ei oijarakle.

8 Christagi thiba ngamdaba laal adu atoppa Jaatshingda shaandokpinaba, amasung pot pumnamak shembiraba Eeshorda jug jugtagi lotlakliba athuppa waa adugi sinlaangba adu karino haayba mangaanda puthoknaba,

9 Ashengbashing pumnamakki pikkhraba adudagi henna pikpa eingonda thoujaal asi pinabire;

10 Swargagi mapham maphamda leiba mapushingda amasung khutkan paanggalbashingda Eeshorgi makhal makha ayaamba loushing houjik shinglupki mapaanna khanghannabani; 

11 Asi eikhoygi Eeshor Christa Jesusda ebungngo mahaakna laanglaba jug jugki thouraang matung enbani.

12 Eikhoyna ebungngoda thaajabagi mapaanna thouna amasung pukning lumna changjaba ebungngoda eikhoyna phangjei.

13 Asigi matamda nakhoygi damak eigi awaa-anaang khaangbada nakhoyna sonthada naaba eina nijaribani; maasi nakhoygi matik mangaanni.

Aphaba waapaao henna khangjinnabagi damak haayjaba

14 Maram asigi damak swargada amasung prithibida leiba emung manung khuding ebungngo maangondagi maming thonba,

15 Epa adugi maphamda eina khuru khudak kunduna khurumjei;

16 Haaybadi manungthangba mida nakhoybu ebungngo mahildd thawaaygi mapaanna paanggalna kalhanbinaba,

17 Amasung thaajabagi mapaanna Christana nakhoygi thamoida leibinaba, ebungngo mahaakki matik mangaangi ayaambagi matung ennaa nakhoyda ebungngo mahaakna pibinanabagi; nakhoyna nungshibada mara tatharaga chetna leiduna,

18 Madugi marak, mayung marep, amasung aruba karino haayba ashengbashing pumnamakna loynanaa pukningna lamba phangnaba,

19 Amasung khangbadagi hendokpa Christagi nungshiba adu khangnaba nakhoyna akanba oinanabagi, aduga Eeshorgi athanba pumnamak adu phaaoba nakhoybu thalhalbinna bagi, eina nijabani. 

20 Amasung eikhoygi nungda thabak touriba paanggal adugi matung enna, eikhoyna nijaba nattraga ningjaba pumnamakki mathakta thoidok hendokna yaamna toubiba ngamba ebungngo maangonda,

21 Shinglupta amasung Christa Jesusda loyba naaidaba phaaoba mirol pumnamakta matik mangaan oisanu Amen.