Ezekiel 12
Maichoudu lanchenba ama oina
12 Eshor-na eingonda amukka wa haibirammi: "hey nupa, lamket lamhairaba mangak kallaba jat amagi marakta nahak leire. Makhoigi mamit palli adubu ubadi ngamde. Mana palli adubu tabadi phangde. 3 Maramdi makhoisi mangak kanba jatni, maramsina hey nupa, nasagi oina loi chatpasingna puba khaodugumba ama saro. Nungthin-gimatamda makhoigi mamangda loi chatpagi maongdu utlaga chatlu. Makhoigi mamangda loi chatpa matamda mapham amadagi atoppa amada chatpagumna tougadabani. Makhoi mangak kanba jat oidunasu masidi makhoisu khangba yai. 4 Loida chatliba mishingna punba thaodugumna saraga nahakna nungthinda makhoigi mamangda hairibasi puthokkadabani. Numidangwairamda nahak loi chaliba amagumna makhoigi mamangda chatkadabani. 5 Chekpan hogaiduna phaoraga chatlu. 6 Makhoigi mamangda khaodu narengbanda haigatlu. Aduga masi amambada puduna chatlu. Lambel uba phangdanaba namaidu khumjillu. Maramdi Israelgi mishinggidamak nahakpu khudam ama oina tharibani. 7 Eingonda yathang pibikhiba matung inna eina pangthokkhi. Loi chatpasingna paiba khaodugumna nungthinda eina makhoigi mamagda khaodu puthokkhi. Numidangwairamda ikhutmakna chekpandu hottokkhi, mamsillaklaba matamda potyomdu irengbanda haigattuna makhoigi mamangda koina chatlammi.
8 Ayukki matamda Eshor-na eingonda wa hairammi: 9 Hey nupa, Israelgi mishingsi mangak kanba thoichatnaba jat ama nattra? Makhoina nangonda haikhiba nattraga "nahakna touribadu karino?" 10 Makhoida haiyu, " Mapu Ibungo Eshor-na asumna takpiri: handak lakliba laibaosi ningthou machasing amadi leiriba Israelgi mishinggi mathaktani. " 11 Makhoida haiyu, "nakhoigidamak eisi khudam amani. Eingonda thoklibasigumna nakhoida thokkani. Chatkani makhoi loida, leigani bandi oina. 12 Makhoigi marakta leiriba ningthou machasingduna amambada potyomdu marengbanda thongduna pugani. Mahak chattaba yaroi. Mahakna makhutmakna chekpandu hogaigani. Madu phaoduna mahak chen-gani. Matamduda mahak mamaidu khumjingani. Maramsina mahak lambel uba phangloi. 13 Eina mahakki mathakta lang thakkani. Mahakpu pugani langda thuraba matungda. Chaldeansinggi leibak Babylonda eina mahakpu puduna chatkani. Adubu mahakna leibaksi mamitna ubadi phangloi. Mahak maphamduda amang yaithong kumgani. 14 mahakki loina khaminsing, mahakki manaising, mahakki lanmishingnachingbadu nonglei nungsitna puhan-gani. Thang paiduna makhoigi matungda eina makhoibu tannagani. 15 Jatsinggi amadi leibaksinggi marakta makhoibu eina choijainahanba matamda eisi Eshor-duni haiba makhoina khanggani. 16 Adubu makhoigi marakta kharadi thanggi mayada chathalloi. Chak tangba nanghalloi. Laichatta awaba khanghalloi. Matamduda makhoina leiruriba jatsingdugi marakta makhoina asengba wadu haidokkani. Asumna tourabatada eisi Lainingthouni haiba makhoina khangadabani."
Akiba maichougi khudam
17 Eshor-na eingonda takpikhiba wasingdu asina loidri:18 "Hey nupa, thak thak nikladuna tal chao, kina ishing thak-u, 19 Leibaksida leiriba mishingsida asumna haiyu, " Israelgi leibaksida leiriba Jerusalemgi mishinggi matangda Mapu Ibungo Eshor-na asumna takpiri: Makhoina kina tal chagani. Thakkani ishing khoirang khoisaona. Makhoigi leibakta leiriba mishingdugi tamthiba thabaksingdugi maramna masida leiriba pot pumnamak ikok kokhanggani. 20 Mi tariba saharsingdu leikangla oihangani aduga leibaksi khuntak lansiba lam ama oihangani. Matamduda eisi Eshor-ni haiba nakhoina khanggani. "
Chatnariba pourou amadi taningdaba wapao
21 Eshor-na eingonda makha tana wa haibirammi:22 "Hey nupa, Israelgi leibaksigi matangda nahakna hairiba Paorousigi wadu machangdu karino? Nahakna hairi "houkhre matam, udre mangle." 23 Makhoida haiyu, Mapu Ibungo Eshor-na asumna takpiri: Eina Paorousi muthatkani. Israelda makhoina masibu amuk hanna pannararoi. Makhoida haibiyu, "matamdu lakle. Phongdokkhiba wa pumnamak chumna thoraklagani. "
24 Maramdi Israelgi manugda toknga amadi lanna laibao phongdokpanachingba leiraroi. 25 Adubu Eshor oiriba eina phongdokkadaba wasingdu macha khaina phongdokkani. Eina haikhiba wasingdu thunghangani. Hey ngak kallaba mishing, matamsimaktada hairibasingsi thinthaba leitana thok-han-gani. Mapu Ibungo Eshor-na takpiri eina haikhibasingdusoidana thakhanggani.
26 Mathangdasu Eshor-na eingonda wa haibirammi: 27 "Hey nupa, Israelgi mishingna hairi, "mahakna uriba mangaldu matam kuire. Khutna lamba phangdraba matamgi wadu mahakna phongdok-i. ' 28 Maramsina makhoida haiyu, "Mapu Ibungo Eshor-na asumna takpiri: eina phongdokkhiba wasingdu thinthaba leiraroi. Eina haikhiba wasingdu soidana pangthokkani. Masimak Mapu Ibungo Eshor-na takpiriba waphamni.