Nahum 2

Nineveh tuba

1 Nineveh, nahaakki nathakta laandarakle. Nahaakpu maaythiba pigadouriba shaktidu laakle laan-ngakpashing khomjinlo. Lambida mi thamlo laangi damak shemshaaro.

2 (Yeknabashingna manghan takhanbikhidringeigi mamaangda oirambadugumna Israelgi matik mayaaidu Eeshorna hanjinbiragani.)

3 Yeknabagi laanmi shingna angaangba chunggoi puduna chatli makhoyna nganganaba phijetsu shetli, makhoyna laangi damak shemshaare, makhoygi dolai meigumna erang langi. Makhoygi shagolshing makhe laangle.

4 Lambelda dolaishing kangaaonana thouri, handok hanjin thouri saahargi akoybada. Makhoyna meigumna erang langi, nongthaanggumna makhoyna leina jaagoi shaari.

5 Phamnaaibashing koukhatle, makhoyna laanjangbada khudi thiri. Laanjanglibashingna chekpan tamna phujilli, waainagadoubagi changsillakliba yaaodu ngaakthoknaba chunggoi shemduna leiri.

6 Turel mapaanda leiriba thonggaldu haangdokle, ningthou konungda akibana thalle.

7 Maharanidu laanpha oinaa phaaduna pukhre. Mahaakki minaaishingduna khununa khongbagumna tengthaajari. Awaaba maaythongda makhoyna mathabaak yeiri.

8 Pan kaayduna chenthaarakpa eeshinggumna miyaamna Ninevehdagi chellakli " Ngaikho, ngaikho" haayna laaori adubu kanaasu leppa leite.

9 Silversu manghankhro. Sanaasu manghankhro. saaharsida Lan-thumna thalli.

10 Houjikti, Nineveh manghankhre, leikang oire. Thamoina phaori akiba, khu nikle, paanggal hanthakhre.

11 nongshagi makongumba, nahaa oiriba nongshagi leipham oiramba, nongsha amom amadi labagi chaktapham oiramba adugumba saahardu kadaayda chatkhre? aduga makhoygi machaashingdu karamna hingani?

12 nongshana mahaakna chanabadu hatli, nongsha amom amadi machana chaanaba shaadu machet machet shegaaibi, makondu shaa peiduna thamli.

13 Paanggallaba Eeshorna taakpiri, " eidi nakhoygi yeknabani.

Eina nakhoygi dolaidu meida thaagani. Nakhoygi laanmishingdu laanda shigani. Mingondagi nakhoyna louruba pot khudingmak eina louthokkani. Taaibangsi nanggi natiktu amuk sonnararoi."