Jeremiah 46
Egyptsing maaythiba
46 jaat ateigi matangda Eesor-na Jeremiahda phongdokkhiba waasing: 2 Egyptki matangda: Carchemiski Euphrate turelgi khongbalda Egyptki ningthou Neco Pharaohgi laanmibu Babylon-gi ningthou Nebuchadnezzarna Josiahgi machaa-nupaa Judah-gi ningthou Jehoiakimna paanba marisuba chahida maaythiba pikhibadugi matangda phongdokkhiba waasing:
3 Sem saaro achouba amadi apikpa chunggoidu, khumang chaaosallu laanphamdu,
4 Tharo khuji sagolda, kakhatlo sagol laanmisa, phibham semduna laangi tupi upsillu, thamlo langna tajindu, laangi phijet setlo.
5 Eina uribasi karino? Makhoy maru phangna manglaba matou malli. Makhoygi laanmisingsu mamaay leiduna hanbagi matougummi, makhoyna laan soknaba changsinkhre adubu ngamnamak mamaay onduna chelle. makhoyna haanna phaaoba yengde, akibaa kouba laaiduna makhoybu lakhatlamle. Masimak Eesor-na taakpiriba waani
6 Makhong yaangba kanaasu naanthokpa ngamde, Laanmisingsu chenba ngamde, awaang haaram paangbada leiri Euphrateki turel, khonglouri maphamduda makhoy, maramsina ngamnamak ture.
7 Nile turelgi matougumna hougatlaklibasi kanaano? ehourakpa turelgi matougumna taksillaklibasi kanaano?
8 Egypt Nilegi matougumna ehourakle, ehourakliba turelgi matougumna erang langli, mahaakna haayri, eina hougattuna maalemsibu loirage, maanghan-gani eina saharsing amadi masida leiribasingbu.
9 Khumang chaaosallu, he yaangbi sagol, he dolaising, taksillu, laanmisingdu mapaan thoraksanu, laknasanu Ethiopia amadi putki chunggoi pairibasingdu, ten kappa heiraba Ludki misingdu khong sandoraksanu.
10 Nongthak nongkha anigi mapu, Eesor-gi numittudi laman singbagi numitni, numittuda mahaak masaamakna yeknaba-singgi mathakta laman singgani, thaagani thaangsaang mang taknaba, teigani makhoygi masaadu thungna makhoygi taarakpa eeduna maramdi nongthak nongkha anigi mapu, Eesor-na awaang haaram paangbada Euphrateki khongbalda thou amaa tougadouri,
11 Gilead taanna chat-tuna teinahidak lourucho, he Egyptki phanek khoidon setliba mamomloisa, kannadabada nakhoyna hidak kayaa touri, adubu maaduna nakhoybu phahanbadi ngamloi.
12 Jaatsingna nakhoyna nangliba ekaaibadugi maramda taare, maalemsi nakhoyna tengthaabagi khonjenna thalle, maramdi laanmi amanaa laanmi amada khudi thiri, makhoy animak khudaktuda aroiba oire.
13 Egypt leibaakki mathakta Babylon-gi ningthou Nebuchadnezzar laaklaga lousillagani haaybagi matangda Eesor-na Jeremiahda haaybikhiba waasing:
Nebuchadnezzar laakpa
14 Egyptta laaothok-u, Migdolda khanghallu, Memphista laaothok-u, Tahpanhesta khanghallu, makhoynda haay-u, "sem saro, thouraang loiro, maramdi nakhoygi akoybada thanggi jaagoi sararani,
15 Apisna chenkhriba maram karigino? nakhoygi sanlabaduna mayok yaaba ngamdriba karigino? Eesor-na maadubu yeithubigani,
16 Nakhoygi miyaamdu khudi thiri amadi turi, haayjari makhoyna amanaa amada, hougatlo, eikhoy ereipak machaasinggi marakta tillurasi, eikhoygi poknapham lamdamda chatlasi, eikhoybu ot-neiribasinggi thangna eikhoygi aroiba oiba taare.
17 Egyptki ningthou Pharaohgi maming panduna kou. Mikup pungpham khangdaba lousing leitba apangba haayna kou.
18 Nongthak nongkha anigi Eesor haayna chinggoinaba ningthourenduna eigi etik eyaai khangsanu haayna taakpiri, loibi chinglakta Taborgi matougumna, samudrada Carmelgi matouguna laakkadouriba ebungngodu oigani,
19 Mireibaakta khundarunaba napot yomlo, he Egypt leibaakta leiribasing, Memphis mi taaba ngamloidaba leikanglagumlaba mapham amaa oigadouri,
20 Ningthijarabi sangaigi maongni Egyptti, adubu haying achoubi amaa pairakkani,
21 Mahaakki awaaiba laanmi phaaoba masa noiraba sannaogi matougum oigani, adubu makhoy loynaba mamaay leiduna chenkhre. makhoyna maayoknanaba leppa ngamloi, maramdi makhoygi mathakta tagadaba awaaba numittu laakle, makhoybu dandi pigadaba matamdu thungle.
22 Yungna paitharakliba lin-gi makhongumna mahaakna laori, maramdi mahaakki yeknaba-singna thingba leitaana chaisillak-e, pamel ujao yallibasinggi matougumna, makhoyna singjang paayduna maangonda changsillak-e.
23 Makhoyna mahaakki umangsingdu kakthatkani, koujenggisu henna masing yaamba maramna masimak Eesor-na taakpiri. Makhoygi manungda changba ngamdrabasu, thangamdrabasu makhoygi masing taaibangda.
24 Egyptki Mamomloisingdu ekaaiba nanghn-gani, awaang haaram paangbadagi laakkadouriba misinggi makhutta makhoybu pithok-kani,
25 Israelgi Eesor, nongthak nongkha anigi Eesor-na asumna taakpiri: yeng-u, kannadaba laai Amon,
Egypt amadi masigi laaising, masigi ningthou-sing, Pharaoh amadi mahaakpu thaajaba singbu eina dandi pigani.
26 Makhoygi Mathawaai louge haayna thiriba adugaa Babylon-gi ningthou Nebuchadnezzar amadi mahaakki phamnaaiba-singgi makhutta makhoybu tahan-gani. Masigi mathangda Egypt mamaangeigumna mi taaba hougani.
Eesor-na misingbu kanbiba
27 He eigi enaai oiriba Jacob kiganu, he Israel, nahaaksu lammuknaganu, khangjou nakhoybu eina kanbigani, nakhoygi nachaa nasusing athaappa lamda loi oinaa leikhribadudagi kanbigani, Jacobki machaa-masusing hallakkani adugaa engthana paan-gani, kanaanasu mahaakpu kihanba ngamloi,
28 He Jacob, eigi enaai kiganu, taakpiri Eesor-na maramdi eihaak nahaakka loynanaa leiri. nakhoybu eina taanthoktuna nakhoyna saidangjaruba Jaatsingdugi aroibadu eina pubirakkani, adubu nakhoybudi eina mang tak-hanbadi touroi, eina nakhoybu chaang chap chaana dandi pigani, eina nakhoybu waarak waatembidana thaadokpadi touroi."