Acts 21

Miletusdagi Tyreda laakpa

21 Amasung asum thoklare, eikhoyna makhoydagi khaaynaduna hi tonglakpa, Cos taanna lambi chumdringna laakladuna, matung nongma aduda Rhodesda, adugaa maadudagi Patarada thungle; 2 Amasung Phenicda laangadaba hi phangladuna, eikhoyna maadu tongkhatlaga hollakle. 

3 adugaa eikhoyna Cyprus urabada, maadu oiromda thaamlam-laga, Syrialomda hollaaktuna. Tyreda kakhatle. 4 adugaa sebok-singbu phangnaraduna, numit taretni maaduda phaaire; makhoy asina thawaay asengbagi mapaanna Paul Jerusalemda chattanaba waa haayrammi. 5 Amasung numit adu surabada asum thoklare, eikhoyna thoklaktuna langphei saandoklakpada, makhoy pumnamak matu machaasingga loynanaa eikhoybu sahar mapaan phaaoba thindokpirakle, adugaa samudra mapaanda khuru khudak kunduna haayjaraga, eikhoy amaaga amaga khaaynawa haaynare; 6 adugaa eikhoy hi tonglakle, makhoydi mayumda amuk hn-khre.

Caesareada thunglaba

7 Amasung eikhoyna samudrada chatpa loiraduna, Tyredagi Tolemayada thunglare; adugaa eikhoyna echin-enaaosingbu khurumjaduna makhoyga loynanaa nongma phaaire. 8 Amasung hayenggumba aduda eikhoyna thoklaktuna, Caesareada laakle; adugaa mi taret adugi maraktagi amaa aphaba waapaao saandokpa Philipki yumda changduna, mahaakka leiminnare. 9 nupaa asigi machaa leisaabi mari leirammi, makhoydu Eesor-gi waa taakthokpi orammi. 

10 adugaa eikhoyna maaduda numit khara phairingeida, Judeadagi Eesor-gi waa taakthokpa kanaagumba Agabus kouba amaa kumtharakle. 11 Amasung mahaakna eikhoyda laaklaga Paulgi khwaangjet louduna, mahaakna mahaakki makhong makhut punjaraga haay, thawaay asengbana asumna haay, khwaangjet asigi mapuoiriba nupaabu Jews-singna Jerusalemda asumna pullaga, atoppa Jaatsinggi makhutta mahaakpu pithok-kani. 12 adugaa eikhoyna waaramsing asi taarabada, eikhoynasu mapham adugi misingnasu mahaak Jerusalemda kadanaba haayjarammi. 

13 Matam aduda Paulna khumlak-e, nakhoyna kapliba amasung eigi thammoi thugaaybiriba karigino? maramdi ebungngo Jesus-gi minggi damak Jerusalemda eibu punnanabata nattana sinanabasu eigi thouraangni. 

14 Amasung mahaakpu themba yaadrabada, eikhoyna toktuna haay, Eesor-gi ningba oibisanu. Jerusalemda thunglaba; Jewsgi Christansingbu themjin-khotchinnaba Paulgi thouraang 

15 Numit sing asigi matungda eikhoyna potchei yomsillaga, Jerusalem taanna kaba houre. 16 adugaa eikhoyga loynanaa Caesareadagi sebok-sing kharasu chatminnei, makhoyna eikhoybu thungna-naba mamaangeigi sebok, Cyprusgi kanaagumba Manasongiyumda purakle. 

17 Amasung eikhoyna Jerusalemda thunglabada, echin-enaaosingna haraaona lousinbire. 18 Amasung matunggi numit aduda Paulna eikhoyga loynanaa Jameskida changle; adugaa ahal-laman pumnamak yaorammi. 19 maaduda mahaakna thougan toujabadagi Eesor-na atoppa Jaatsinggi marakta toubikhiba thabak adu amam-mam oinaa mahaakna lithoklammi. adugaa makhoyna maadu taarabada, Eesor-bu thaagatle. 20 Amasung makhoyna maangonda haay, echin-enaao, nahaakna ubiri, Jews-singgi marakta thajaraba mi lising kayaa kaya leiri; adugaa makhoy pumnamakna waayel yaathang adugi damak Mathawaai luppi, 21 Amasung makhoybu nahaakki marida tamle, haaybadi, nahaakna atoppa Jaatsinggi marakta leiba Jews-sing pumnamakta, makhoygi machaasingbu maun kakkanu amasung hounabi matung ennaa chatkanu haayduna, makhoyna Mosesbu thaadoknaba tambire. 

22 maram asina kari tougadage? maramdi nahaak laakle haayba makhoyna soydana taaragani. 23 maram aduna eikhoyna nangonda haayba asi toubiyu; makhoy masaana waasakchaba eikhoygi nupaa mari lei. 24 nupaasing asibu puduna makhoyga loynanaa nahaak nasa sengdokchou, adugaa makhoyna makhoygi maru kokthokchaananaba, makhoygi damak chading toubiyu; amasung makhoyda nahaakki marida tamba waa adu achumba natte, adubu nahaak nasaanasu waayel yaathang adu ngaktuna mathang-sitna chatli haayba makhoy pumnamakna khanggani. 

25 touegumsung thajaraba atoppa Jaatsinggi maramda, laida katluraba pot, ee chaaba, lak-hattuna siba saa amasung marumbi, pumnamak asidagi makhoyna masa mathantabu ngakchanaba, eikhoyna waayel touduna ekhre. 

26 maaduda Paulna nupaasing adubu puduna matung nongma aduda makhoyga loynanaa masa sengdok-charaga, makhoy mi khudingmakki damak katnaba pot adu katchaba phaaoba,sengdokpagi numit loigadaba khanghannaba, Eesor ningna sangda mahaakna changle.

Jerusalaanda waathokpa, amasung Paul bu phaaba

27 Amasung numit taretni adu loiramdaida, Asiadagi Jews-singna mahaakpu Eesor ningna sangda urabada, miyaam pumnamakpu thoudongduna mahaakpu khut-phang-nana pharga laaorak-e, 28 He Israelgi nipasa, paangbiyu! Mapham khudingda eikhoygi misingbu, waayel yaathang adubu amasung mapham asibu yeknaduna mi pumnamakpu tambiba mi adu asini; adugaa asidagi henna mahaakna Greeksingbusu Eesor ningna sangda pusillaaktuna asengba mapham asibu maanghalle. 29 maramdi mamaangeida makhoyna Ephesiangi Trophimabu mahaakka loynanaa saharda ukhi, adugaa mahaakpu Paulna Eesor ningna sangda pusil-lakle haayduna makhoyna ninglammi. 

30 adugaa sahar apumbaa elang laangle, amasung misingna chensillaklaga, makhoyna Paul bu phaaduna , Eesor ningna sangdagi mahaakpu chingthokkhre, amasung khudak aduda thong makhei thingjile. 31 Amasung makhoyna mahaakpu haatnaba thiringeida, Jerusalem apumbaa maraang houre haayduna, laanmi kaanglupki athoiba luchingbagi maphamda paao pukhatlakle. 

32 Thunamak mahaakna laanmising amasung cham-chaamagi luchingba-singbu puduna makhoy taanna chentharakle; maaduda makhoyna athoiba luchingba amasung laanmising adubu urabada, Paul bu phuba tokle. 33 Matam aduda athoiba luchingba aduna naksil-laktuna mahaakpu phaaraga yotlhingphalang anina punnaba yaathang pire; adugaa mahaak kanaano amasung mahaakna kari toukhrabage hanglammi. 34 adugaa miyaam marakta kharana waa amaa,  kharana atoppa waa amaa laorammi; amasung ninkhongba adugi maramna mahaakna aoiba adu khngba ngamdrabada, mahaakpu pallikorgi manungda pusinkho haayduna yaathang pire. 35 adugaa mahaakna thakta kakhatlakpada, miyaamna namthu hathuna toubagi maramna mahaakpu laanmi singna thaangduna purakpa taare; 36 maramdi mising mayaam aduna, maabu puthokkhro haayna laaora laaoraduna tung ellammi.

37 Amasung Paul bu pallikorgi manungda pusillamdaaida, mahaakna athoiba luchingbada haay, nahaakki naphamda eina karigumba waa haayjaba yabra? maaduda mahaakna haay, nang Greek lol khangbra? 38 maadu oirabadi, numit sing asigi mamaangda mihatpa nupaa 4,000 bu puthoktuna lamjaaoda chingthoklamba Egyptgi mi adu nang nattabra? 

39 adubu Paulna haay, eidi Tarsus sahargi Jewsni, Cilicia leibaakki thoidokpa sahar adugi misingda waa haaynaba eibu yaabiyu haayduna eina nahaakki naphamda nonjari. 

40 Amasung mahaakna mahaakpu yaabirabada, Paulna thak mathakta leptuna mising aduda makhut khatle; adugaa yaamna tuminna leirabada, mahaakna Hebrew londa ngaangduna makhdida haayrak-e.