Psalm 65

Thagatpa amasung haijaba

65 Hey ipuroi, Zionda nanai eikhoina Ibungobu thagatchapham thok-i. Maphamduda nanai eikhoigi wasaktu ngakpham thok-i.

2   Ibungona haijaba pumba tadana tokpide,

      mapham khudingda leiriba mishingna Ibungogi nakta lakkani.

3   Makhoina toukhiba aranbasingdu puduna Ibungoda changjagani, eikhoigi iranna eikhoibu maithihalli adubu Ibungona pumnamaktubu ngakpi.

4   Ibungona khandokpikhrabasingdu nungngaibani, Ibungogi ningnashangda leijanaba khandokpikhrabasingdu kayada nungngaiba. Asengba nahakki ningnashang amadi Ibungogi kaidongpham oiriba yumdu ubada penbagi ngamkhei leiroi aduga maheini ningjage.

5   Maipakhanbiduna Ibungona nanai eihoina haijabadu paokhumbi. Nanai eikhoibu kanbinaba angakpa thabak kaya Ibungona toubi.

      Taibang sinbathungna amadi laija ipak wangmada leiriba mishingna phaoba Ibungobu thajei.

6   Loibi chingsingbu Ibungogi napanggaltana sembikhi.

      Masina Ibungogi natiktu takli.

7   Laija ipakki khonjeldu Ibungona inghanbi, ithakki khonjelsu nahakna tapthahanbi. Taibang migi khonjeldusu khambiba ngammi.

8   Ibungona toukhiba angakpa thabaksingsi yengluba matamda taibang sinbathungna ngakladuna tuminna leppi. Malemsigi chidai amadagi atoppa chidai ama phaoba Ibungogi thabaksingdu yengbada haraodaningai leite.

9   Nong tahanduna malemsibu leihao chenba amadi aingba mapham ama oihanbi, ishing khongsing ishing leihanbi, malemsi mana mashing houhanbi.

10 Khoidoklaba loubukta nong marang kaina tahanbi,

      maphamduda matik chana ishing leihanbi, nong tahanbiduna leibak thothanbi,

      nouna hougatlakliba pambisingdu hinghanbi.

11 Ibungogi natik nayaidutana mahei marong yamna lokhanbi,

      Ibungona mityeng tabiba maphamduda mapan naide.

12 Sanjabungsingdu sha-shalna thalli. Chingmaida yengbada haraoba pok-i.

13 Loubukta yaona mapan naidana leiri, leitem mannaraba lamduda gehu mapan naidana houri lengli palliba khudingna harao mathoi kaduna ishei sakli.