Song of Solomon 5
Nupana khumlakpa
5 Thamoigi mabemma amadi nungsibi oiribi eigi, leikonnungda eihak lakchare. Khomjinjari manam nungsiraba maru marangsingdu. Chajari eina khoihi amadi khoiradu, thakchari eina sanggom amadi drakha mahidu.
Nupina khumlakpa
Nungsithoibasing, charo amadi thaklo, nungsibana nakhoi ngaodriba phaoba.
Marisuba ishei tangkak
Nupina seihourakpa
2 Tumlingeidasu thamoidi potthaba leite, nungsithoibaduna imangda thongda thinbagum tourammi.
Nupana khumlakpa
Nungsirabi, thamoigi mabemma, ithawai oiribi, changhanbiyu eibu. Chotle thamoisi likla marikna, leichin-gi marikna chotle samlangsi eigi.
Nupina khumlakpa
3 Eihak phiron yaode, karigidamak amuk hanna setlugadage? Ikhongsi hamdokkhrabani maramsina karigidamak eina amuk hanna mothallugadage?
4 Eigi nungsithoibaduna thongda makhut thammi, mahak naksillakle haibasi khangbada eihak kayada haraojaba.
5 Mahak changlaknaba eihak sem sarammi, eigi ikhutsi manam nungsibana thumhatlammi, khutsasingsi manam nungsiba thaogi mahi teirammi. Hairibasi eina thonggi pouron hek paibamaktada tho klammi.
6 Nungsithoiba lakle haibaduna eina thong hangjaba matamda, mahakti ngamnamak chatkhre. Eina mahakki khongjendu kayagi matik tajaningkhiba, eina mahakpu thijakhi adubu keidasu mahakpu phangkhide. Eina mahakpu koujakhi adubu tabibadi leikhide.
7 Sahar ngaklibasingduna eibu thengnakhi, makhoina eibu phubikhi aduga noihatkhi, sahardugi chekpan akoibada ngaklibasingduna eigi tupi segaibikhi.
8 Hey Jerusalemgi nupising, wasak-u eingonda karigumba nakhoina eigi nungsithoibadu thengnarabadi, nakhoina mangonda haibigadoubani madudi eisi nungsi ikhou langlabini.
Nupina makha tana sakpa
9 Nupisinggi marakta thoina henna ningthirabi, nakhoigi nungsithoibasingdu atei ateidagi tonganbra? Eikhoina nangonda wasakkadouribadugi thoidokpa singthaningai oiraba nahakki nungsibadugi magun leibra?
Nupina khumlakpa
10 Eigi nungsithoibadu Masak phajei amadi kalli. Mahakti lishing taragi manungda amatani.
11 Mahakki mamaidi ngangleinei aduga nalli, masamdu nungsitta phraphra hairi, kwakki matougumna muri yengbada.
12 Mahakki misna anidu chelliba iphutki manakta leiriba khunugummi. Sanggomda irujathoklaba aduga ichelda leptuna leiriba khunuga pankhakni.
13 Mahakki khajaidu yenglubada mahei marong amadi maru maranggi pambina thallaba heikon leikongumna ningthijei. Mahakki machinbandu yengbada manam nungsiraba thaoda lupthoklaba tharoigi matougummi.
14 Mapambom taba yenglubada kayagi matik ningthiriba, tholli manimuktana haklaba khudop makhutta. Shangbannaba nungna haktuna semlaba samu mayagi nallaba potki matougumna mahakki masadu yengbada ningthijei.
15 Maphaigan yenglubada sanada hajang yeiduna semkhraba mamal yamlaba nunggi matougummi. Deodar pambina thallaba Lebanan-gi chinggi matougumna mahak yengbada chinglemmi.
16 Mahakki machindu chuppada khoithummi yenglu yengluba khudingda iningta ningthijei. Hey Jerusalemgi chanurasing, eigi nungsithoibadu asumna matik mayai leibani.