Acts 11
Petergi waathokki maramda masaagi ngakchawa
11 Amasung atoppa Jaatsingnasu Eesor-gi waa phangle haayba paakhon-chatpasingna amasung Judeada leiba machin manaaosingna taare. 2 adugaa Peter-na Jerusalemda lengkhatpada, un kakpasinggi kaanglup aduna mahaakka ningai tounaduna haay, 3 Nahaakna un kaktaba misingda changduna makhoyga chaaminnare.
4 touegumsung Peter-na makhoyda mathang-sitna libiduna haayba houre:
5 Eina Japho saharda haayjaduna leirammi; maaduda samadhigi phibamda uhanbiba amada haaybadi, achouba ennaphigumba karigumba haapnapot amaa kumtharaktuna, maadugi chithek marida paayduna swargadagi thadarakpa eina ure; adugaa maaduna eigi enaak phaaoba laakle. 6 maadubu eina sangtrik yengduna, waakhal touduna leiringeida, Prithibigi makhong mari paanba saasing, lamlakta leiba saasing, mapukna sittuna chatpasing amasung atiyagi ucheksing eina ure. 7 maaduda, hougat-lu, Peter; haattuna chaao, haayba khonjen amanasu eingonda haayba eina taare.
8 adubu eina haay, asum oibiganu, Eesor; maramdi karigumba amaangba nattraga sengdaba pot echinda khak hapchadri.
9 touegumsung khonjen amanaa swargadagi anirak sunaa khumle, Eesor-na senghankhiba adubu nangna amaangba oihan-ganu. 10 Amasung asi ahumlak sunaa thokle, adugaa pumnamak amuk swargada chingkhatkhre.
11 Amasung yeng-u, chingeimak aduda Caesareadagi eingonda thaarakpa nupaa ahumna eikhoyna leiramba yum adugi mamaangda leplare. 12 adugaa thawaayna eibu chingnaba leitaana makhoyga loynanaa chatlu haayna yaathang pire. Amasung echin-enaao taruk asisu eigaa loinare, adugaa eikhoyna nupaa adugi yumda changle. 13 maaduda mahaakna karamna ukhiba adu eikhoyda tambire, haaybadi, swarga-dutna mahaakki emungda leptuna haay, Joppa thaakhiduna, mingthol Peter kouba Simonbu louru; 14 Mahaakna nangonda waa haaybigani, waa adugi mapaanna nangnasu naniggi emung pumnamak-nasu araan khubam phangjagani.
15 adugaa eina waa ngaangba houbada, eikhoygi ethaktasu ahaanbada takhiba adugumna, thawaay asengbana makhoygi mathakta taabire. 16 maaduda, Johnnadi eesingda buptized toubire, touegumsung nakhoybudi thawaay asengbada buptized toubigani haayna Eesor-na karamna haayramba waa adu eina ningsingle. 17 maram aduna eikhoyna ebungngo Jesus Christa-bu thajarabada, Eesor-na eikhoydasu makhoydasu chap mannaba khudon pibirabadi, eina kana oiduna Eesor-bu khamba ngambra?
18 maaduda makhoyna waaramsing asi taarabada, tuminna leiraduna, Eesor-bu thaagat-charak-e, adunadi atoppa Jaatsingdasu hingnanaba pukning hongba Eesor-na yaabire.
Antiochda attopa Jaatsinggi seenglup lingkhatpa
19 maram aduna Stephengi maramda thok-khiba awaaba aduna echaai chaaithok-khibasing aduna Jews-singtada, ateidadi nattana, waa adu tambi tambiduna Phenic, Kurpa amasung Antioch phaaoba koirakle.
20 touegumsung makhoygi marakta kharanadi Cyprus amasung Cyrenegi nupaasing oirammi. makhoyna Antiochda laaklabada, Greeksingdasu ebungngo Jesus-bu saandoktuna tambirammi. 21 Amasung Eesor-gi khut makhoyga loinabirammi, adugaa thakaraba mi masing ayaambana probhuda onsille. 22 Amasung makhoygi maramda paao adu Jerusalemda leiba seenglupki naakongda thunglabada, makhoyna Barnabasbu Antiyokhiya phaaoba thaare.
23 Mahaakna thunglabada, Eesor-gi thoujaal adu uduna haraaojare; adugaa makhoy pumnamakpu pukning chap yungna Eesor-da eetat-tattana leinanaba mahaakna ensinbire. 24 maramdi mahaak aphaaba, adugaa thawaay asengba amasung thaajabana thanba nupaa amani. Amasung ayaamba mising Eesor-da tinsille.
25 maaduda mahaakna Saul bu thinanaba Tarsus taanna chatkhre; 26 adugaa mahaakna mahaakpu phanglabada, Antiochda purakle. Amasung asum tholdare, makhoyna chahi amaa chuppa phaaoba seenglupka lionana pullap punna tirmaduna, ayaamba misingbu tambire; adugaa Antiochda sebok-singbu Christan haayna ehaan haanna koure.
Barnabasga Saulgabu Jerusalemda thaba
27 Amasung numit sing asigi manungda Jerusalemdagi Eesor-gi waa taakthokpa singna Antiochda lengtharakle. 28 adugaa makhoygi maraktagi maming Agabus kouba amanaa hougattuna, taaibang-paal apumbada achouba chaak-tangba thokkadouri haayba thawaaygi mapaanna phongdokle.; maasi Claudiusgi haaktakta asum thokle. 29 Amasung Judeada leiba machin manaaosingda mi khudingna maagi maagi ngamjabagi matung ennaa pang-biba thaana-naba sebok-singna waa lepnare. 30 Asigumna makhoyna toure; Barnabas amasung Saulgi khutta ahal-laman sing taanna maadu thaakhre.