Judges 1

Judah amadi Simeongi kaangbuna Adoni-Bezekpu laakshinba

1 Joshuana shiraba matungda Israelgi mishingna Eeshorgi laaibao hangjarammi, makhoyna haayrammi, "eikhoigi eraktagi karamba kaanglupna Canaanshinggi mathakta ehaan haanna laan changgadage?"

2 Maasida Eeshorna haayrammi Judahna haanna changgadabani. Yeng-u, haayriba leibaaktu Eina nahaakki nakhutta taahangani."

3 Maasida Judahna manaaonupa Simeonda haayrammi, “eigi shaarukni haayna piraba lamsi loushinnaba laan toubada nakhaksu eigi tengbangu. Eikhoy tinnaraga Canaan-shingbu maaythiba pisi. Nahaakki shaarukni haayna tamlaba lamdu loushinnaba laandaba matamdasu eina nahaakki nateng panggani." asumna yaanaraduna Simeonna mayaambaga laan chatlammi, 4 Judahna laandaba matamsida Eeshorna Canaanshing amadi Perizzishingbu Judahda pikhi. Haayriba kaanglupsigi laanmi 10,000 Bezekta maaythiba pikhi.

5 Bezekta leiba AdoniBezekki mathakta laandarammi. Mahaakpu namthaaduna Canaanshing amadi Perizzishingbu maaythiba pikhi.

6 AdoniBezek laanphamdagi chellammi, adubu makhoyna mahaakpu tannaraga pharammi amasung makhubi achoubaduga makhonggi khongbiduga kakkhi.

7 Maasida AdoniBezekna haayrammi, "khubi amadi khongbi kaklaba ningthou 70 Na eigi chaakchaa phan makhaada chakum khunhallammi. Ngasidi Eeshorna madugi laman shinglare." makhoyna mahaakpu Jerusalemda purakrammi. Mahaak maphamduda shikhi.

Judahgi mishingna Jerusalem amadi Hebronbu joy touba

8 Judahgi mishingna Jerusalemgi mathakta laandarammi, saaharsi makhoyna laaksillaga maasida leiramba mishingbu thangna kaktuna haatkhi aduga saaharsibu mei thaakhi.

9 Masigi matungda Judahgi mishingna Negevki chingleibaakta amadi tampaakta taariba Canaanshinggi mathakta laandarammi.

10 Mathangda Judahna Hebronda leiriba (Hebron hannadi Kiriath Arba kourammi.) Canaanshinggi mathakta laandaduna Sesai, Ahiman amadi talmaibu maaythiba pikhi.

Othnielna Debir kouba saaharbu joy touba

(Jos 15:13-19)

11 Maphamdudagi makhoyna Debirgi mishinggi mathakta laandarammi. Debirgi haannagi mamingdi Kiriath Sepher kourammi.

12 Mataangsida Calebna haayrammi, " Kiriath Sepherbu laakshinaba ngamba nupaaduda eigi echaa nupi Aksahbu luhongduna pigani."

13 Calebki manaaonupa Kenazgi machaanupa Othnielna Kiriath Sepherbu laakshinkhi maramsina Calebna machaanupidu maangonda luhongduna pikhi.

14 Othnielda Aksah luhongba matamda mapaadagi loupham amaa ninanaba Othnielna Aksahda ensillammi. Aksahna ekhang khanghoudana loladagi chongthaarakpa ubada Calebna hanglammi, "nahaakna apaamba kari waatlibage?"

15 Mahaakna mapaada haayjarammi, "ipa Ebungngona eibu Negevki lamda thajabirabanina khudol pot oinaa guha khara pinabiyu." Calebna Aksahda mathak amadi makhaada leiriba guhashingdu pirammi.

Judah amadi Benjaminna joy oiba

16 Mosesgi makubok Keni shaageigi mi shingdu Judahgi mishingga loynanaa thangtup paambi yaamna houba saahardu thaadoklamduna Aradki manaakta leiba Negevki lamgi manungchanba Judahgi lamhaangdu taanna chatpada yaaokhi.

17 Judahna manaaonupa Simeonga loynanaa Zephathta taariba Canaanshingdu tumna manghankhi. Maramsina haayriba saaharsigi maming Hormah kourammi,

18 Judahna Gazagi lam pumnamak, Askelongi lam pumnamak, aduga Ekrongi lam pumnamak loushinkhi.

19 Eeshorna Judahbu loinabiba maramna chinggi lamda taariba mishingbu mahaakna joy toukhi. Adubu tamda leiba mishingbudi mahaakna joy touba ngamkhide. Tamda leiba mishinggi makhutta yotna shaaba dolai leirammi,

20 Mosesna haayramba matung ennaa Calebta Hebron pikhi. Mahaakna saaharsida leiramba Anakki machaanupa ahumdu taanthokkhi.

21 Benjamingi dhaaraana Jerusalemda taariba Jebusishingbu taanthokpa ngamkhide. Maramsina Jebusishingna Benjamingi mishingga Jerusalemda punna ngasi phaaoba taminnari.

Ephraim amadi Manassehgi mishingna Bethel joy touba

22 Josephki dhaaraana Bethelgi mathakta laandakhi. Eeshorna makhoybu loinabikhi.

23 Josephki dhaaraana Bethelda lammit tumit yenglunaba haayduna mi thaakhirammi, (matam amada haayriba saaharsi luz kounarammi)

24 Laanjangba chatkhiba mishingduna saaharsidagi nupaa amaa thorakpa urammi. Makhoyna nupaaduda haayrammi, "saharsida chatnanaba lambidu nahaakna taklabadi nahaakpu eikhoyna thina toubiroi."

25 Nupaaduna makhoyda saahardugi achin akom pumnamak taakkhi. Asumna makhoyna saaharduda leiriba mishingbu thangna kaktuna haatkhi. Adubu makhoyda lambi taakkhiba nupaadugi emung manunggi mishingdi haatkhide.

26 Haayriba nupaasina Hittishinggi lamda chatlaga saahar amaa lingkhatkhi. saahardugi maming Luz koukhi. Ngasi phaaoba saahardugi maming Luz kounari.

Israelgi mishingna taanthokkhidaba mishing

27 Manassehna Beth-San amadi masigi khunggangshing, Taanach amadi masigi khunggangshing, Dor amadi maasida taariba mishing, Ibleam amadi masigi Khunggangshing. Megiddo amadi masigi khunggangshingda taariba mishingbu taanthokkhide. Haayriba lamshingsida leiramba Canaanshingsu adum leikhi

28 Israelna mapaanggal leiraklaba matamda, Canaan-shingbu minaai oinaa shijinnakhi.

29 Ephraimna Gezerda taariba Canaan-shingbu taanthokkhide. Canaanshingna Gezerda makhoyga loynanaa leirammi.

30 Zebulunshingna Kirtonda taariba nattraga Nahalolda taariba mishingbu taanthokkhide. Canaanshingna makhoygi marakta leirammi. Makhoy Israelgi mishinggi minaai oirammi.

31 Asherna akkoda leibashing, Sidongi mishing amadi Ahlabgi mishing, Akzibki mishing, Helbahgi mishing, Aphekki mishing, amadi Rehobki mishingbu taanthokkhide.

32 Maphamsida haanna leiramba mishingduga Ashershingga leiminnakhi. Makhoyna haannagi mishingdu taanthokkhide.

33 Naphtalina Beth-semeski mishing, amadi Beth Anathki mishingbu taanthokkhide. Haayriba lamshingsida taramba Canaanshingna makhoyga leiminnakhi. Adubu mameithangda Beth Sems amadi Beth Anathki mishingdu minaai oihankhi.

34 Amorishingna Danshingbu chinggi lamda taanthokkhi. Makhoyna Danshingbu tampaakta taahankhide.

35 Adubu Amorishingna Heres, Aijalon, amadi Saalbimda leikhi. Josephki dhaaraana makhoybu tamthina toukhi. Asumna makhoy minaai oikhi.

36 Amorishinggi lamgi ngamkheidi Akrabbimgi haithraakpadudagi louraga Sela amadi masigi mathakta leiriba lamshingdu oirammi.